Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.
Hauteskunde kanpaina Euskadin: hauek dira iganderako deitutako ekitaldiak
Euskal alderdiak kalera atera dira berriro euren egitarauak azaltzera eta igande honetan, mitinak eta ekitaldi politikoak eguerdian izango dira.
Hauteskunde kanpainako lehen igandea da
Donostia, Portugalete, Hernani eta Dulantzi aukeratu dituzte hautagaiek gaurko ekitaldietarako
Igandea izanik, kanpaina ekitaldiak goizez bakarrik egingo dituzte euskal alderdiek
10:02
Igandeko agenda
Egun on! Hauek dira igande honetako ekitaldi politiko nagusiak:
- PSE: Patxi Lopez Kongresurako Bizkaiko hautagaiak, Eneko Andueza idazkari nagusiak eta María José Blanco Portugaleteko alkateak hauteskunde-ekitaldia egin dute Jarrillan, 11:30ean.
- EAJ: Jeltzaleek mitina egingo dute Dulantzin (Araba) 12:00etan. Gorka Urtaran eta Saray Zarate arituko dira, Kongresurako eta Senaturako hautagaiak, hurrenez hurren.
- EH Bildu: Koalizioak Hernani aukeratu du igandeko ekitaldi nagusirako. Bertan izan dira Oihana Etxebarrieta Kongresurako Gipuzkoako zerrendaburua, Maddalen Iriarte ahaldun nagusigaia eta Xabier Lertxundi Hernaniko alkatea.
- PP: Jon Echeverria Gipuzkoako hautagaiak ekitaldi politiko batean parte hartuko du Donostian, 11:00etan.
- Fronte Zabala: "Free Tour" formatuan, Fronte Zabalak bere kanpaina-ekitaldia egingo du gaur Bilbon, 11:30ean.