Frantziako Gobernua
2024/07/08 - 16:49
Frantziako lehen ministrorako kontsentsuzko hautagai bat proposatzea ez da erraza izango
Ezkerrak irabazi ditu Frantziako hauteskunde legislatiboak, baina ez ezkerrak ezta Macronen alderdiak ere ez dute gehiengo argirik Gobernua osatzeko. Zeintzuk lirateke aukerak? Iñaki Esnal Frantzian EITBk duen berriemaileak balizko agertokiak azaldu dizkigu.
2024/07/08 - 16:37
Frantziak atea itxi dio eskuin muturrari, baina garai korapilatsua hasi du
Ezkerreko Fronte Popularrak irabazi duen arren, ez du lortu gehiengo nagusia, eta beraz gobernu koalizioa eratzeko Macronen alderdi zentristarekin negoziatu beharko du. Baina Frantziak ez dauka tradiziorik koalizio gobernuak eratzen, eta beraz negoziazio hori zaila izango da dudarik gabe.
2024/07/08 - 15:25
Attalek lehen ministro izaten jarraitzea erabaki du Macronek, "egonkortasuna bermatzeko"
Attalek atzo iragarri zuen gaur aurkeztuko ziola dimisioa presidenteari, baina jarraitzeko prest zegoen Macronek hala eskatuko balio.
2024/07/08 - 13:35
Macronek Parlamentu berria osatu ondoren "hartuko ditu beharrezko erabakiak"
Eliseoak azpimarratu du agintariak bermatu egingo duela "frantziarren hautu burujabea".
2024/07/08 - 13:10
Ziurgabetasuna nagusi Frantzian, hauteskundeetako emaitzen ondoren
Fronte Herritar Berriaren garaipenaren ondoren, Asanblea Nazionala ziurgabetasun giroan murgilduta geratuko da hemendik aurrera.
2024/07/08 - 12:59
Frantziako ezkerrak aste honetan izendatuko du lehen ministro izateko hautagaia
Orain arte lehen ministro izan den Gabriel Attalek astelehen honetan bere postuari uko egingo diola iragarri du.
2024/07/08 - 09:39
Ezkerrak irabazi ditu bozak, eskuin muturra hirugarren postura zokoratuta
Fronte Herritar Berriak 182 eserleku lortu ditu, eta bigarren Macronen koalizioa geratu da, 168rekin. Ultraeskuinak 143 ordezkari izango ditu, inoizko gehien. Horrenbestez, oso zatituta geratu da Asanblea Nazionala, gehiengo argirik gabe. Ipar Euskal Herrian ere ezkerra izan da garaile.
2024/07/08 - 01:36
Jean-Luc Melenchon: "Macronek Fronte Popular Berriari egin behar dio gobernua osatzeko deia"
Eskuin muturraren porrota ospatu du Fronte Popular Berriko buruzagiak. Jordan Bardella ultraeskuindarren liderrak Fronte Popularrari garaipena eman dioten aliantza politiko "antinaturalak" kritikatu ditu.
2024/07/07 - 23:49
Gabriel Attalek dimisioa aurkeztuko du bihar baina behar den denboran jarraituko du lehen ministro lanetan
Gobernuburuak adierazi duenez, "eginbeharrak eskatzen duen bitartean" eta gobernu berria osatu arte jarraituko du lanean. Igande honetako hauteskundeetan bere alderdiak gehiengorik lortu ez duela eta hartu du erabakia.
2024/07/07 - 22:04
Fronte Popularra litzateke garailea Frantziako hauteskundeetan, inkesten arabera
Hauteslekuak itxi ostean argitaratutako lau inkesta nagusien arabera, macronistak bigarren postuan geratuko lirateke eta Le Penen Bilgune Nazionala hirugarren postuan.
2024/07/07 - 19:05
Lehia estua aurreikusten da Iparraldeko VI. barrutian ezker aliantzaren eta macronisten artean
Lehen itzulian, ezkerreko fronteak irabazi zituen hauteskundeak Iparraldeko hiru barrutietan. Parte-hartzeari dagokionez, marka guztiak gainditu ditzake. Hauteslekuak 18:00etan itxiko dituzte.
2024/07/07 - 15:58
Frantziako politikari ezagunenek bozkatu dute dagoeneko
Boza eman dute jada François Hollande presidente ohiak, Emmanuel Macron egungo presidenteak, Gabriel Attal lehen ministroak eta Eric Ciotti Errepublikanoak (LR) alderdiko buruak.
2024/07/07 - 15:04
Euskadin bizi diren frantziarrak ere joan dira boza ematera
Bilbon, Frantses Institutuan jarri dute hauteslekua. Espainiako Estatuan bizi diren 87.000 frantsesek baino gehiagok eman dute izena Frantziako hauteskunde legislatiboetan parte hartzeko.
2024/07/07 - 11:34
Ireki dituzte hauteslekuak Frantziako Estatuan, eskuin-muturraren eta "koalizio handia"ren arteko lehian
Inkestek baztertu egin dute Bilgune Nazionalaren garaipena, Le Penek itxaropenari eusten badio ere, eta gainerako alderdiak RNri aurrea hartuko liokeen koalizioa osatzen ahalegintzen ari dira.
2024/07/03 - 13:53
EAJko kideek iragarri dute Fronte Popular Berriaren hautagaien alde bozkatuko dutela eskuin muturra geratzeko
Peio Etxeleku EAJko Ipar Buru Batzarreko presidenteak uste du "euskaldunon eskubideak arriskuan" daudela eskuin muturra boterera iristen bada. Era berean, adierazi du boto horrekin "aukera historikoa" dutela abertzale bat lehen aldiz Asanblada Nazionalera bidaltzeko.
2024/07/02 - 22:26
214 hautagaik bigarren itzuliari uko egin diote ultraeskuinaren gehiengo absolutua eragozten saiatzeko
Gutxienez ezkerreko 130 hautagaik uko egin dute, 82 makronistak eta eskuin tradizionaleko bik. Ipar Euskal Herrian, bi barrutitan (4.ean eta 6.ean) hiruna hautagaitza izango dira; soilik bakarrean, bosgarren barrutian, erretiratu delako Lasserre macronista.
2024/07/02 - 11:41
Arratsaldean amaituko da Frantziako hauteskundeetarako bigarren itzulira begira hautagaitzak aurkezteko epea
Fronte Popularreko 122 hautagaik beren hautagaitza erretiratu dute ultraeskuina geldiarazteko Macronen alderdian, ordea aginduak ez du aliantuen artean berdin eragin, naiz eta 50 hautagaik uko egin dioten bigarren itzuliari. Hori da Florence Laserre Ipar Euskal Herriko diputatuaren kasua.
2024/07/01 - 16:23
Balizko agertokiak, Le Pen ultraeskuindarraren garaipenaren ondotik
Frantzian, Bilgune nazionalak datorren igandean erabateko gehiengoa lortzeko aukera du, baina horretarako barrutiz barruti ezkertiar eta macronistekin lehiatu beharko da. Eta hor dago gakoa, eskuin muturraren aurka bat egingo duten ala ez. EITBko nazioarteko arloburu Mikel Reparazek ditu azalpenak.
2024/07/01 - 14:06
Peio Dufau (EH Bai): "Tokiko biztanleek alternatiba gisa kokatzen dute Fronte Popular Berria"
Ipar Euskal Herrian Fronte Popular Berriaren hautagaiak ohartarazi duenez, eskuin muturrari boterea eskuratzen laguntzeko arriskua dago Christian Devez (MoDem) Macronen gehiengoko hautagaia mantentzen bada.
2024/07/01 - 12:13
Le Penen ultraeskuinak lehen aldiz irabazi ditu hauteskundeak Frantzian, botoen % 33,15 lortuta
Astelehen honetan argitaratutako datu ofizialen arabera, eskuin muturreko alderdiak botoen % 33,15 lortu ditu hauteskundeen lehen itzulian. Bigarren sailkatu da ezkerreko alderdien koalizioa (% 27,99), eta hirugarren Macronen bueltako aliantza (% 20,7). Parte hartzea handiagoa izan da, % 67,5ekoa.