Frantziako Gobernua
2022/04/23 - 16:45
Macron eta Le Penen programa politikoen gakoak
Eros-ahalmenak markatu du hauteskunde kanpaina: Macronek gasaren eta elektrizitatearen tarifak blokeatzen jarraitzea proposatu du; Le Pen, berriz, BEZa jaistearen aldekoa da. Erretiratzeko adina, Europar Batasunarekiko jarrera edo belo islamikoa izan dira azken egunotako beste gakoetako batzuk.
2022/04/23 - 16:38
Hainbat manifestazio izan dira Frantzian ultraeskuinaren aurka, baina baita Macronen politiken aurka ere
Aurreko egunetan manifestazio ugari izan dira ultraeskuinaren eta Macronen politikaren aurka, eta hainbat unibertsitatetan itxialdiak egin dituzte. Gaurko egunean hainbat manifestazio deituta daude herrialdeko hainbat lekutan, hala nola Parisen.
2022/04/23 - 14:04
Hausnarketa eguna Frantzian, biharko abstentzio hotsen itzalpean
Macronen kontinuismoak abantaila azaldu du Le Penen aurrean. Azken horrek, ordea, ez du jada hainbeste gaitzespenik eragiten hautesleriaren artean.
2022/04/22 - 23:28
Hauteskunde kanpainaren azken orduetan elkarren kontrako tonua gogortu dute Macronek eta Le Penek
Macron presidentegaiak gehiegizko konfiantzaz ohartarazi du eta azken orduko proposamenak egin ditu. Le Pen ultraeskuindarrak merkatu batean eta jendez inguratuta egin du kanpainako azken ekitaldia.
2022/04/21 - 00:30
Ipar Euskal Herriko hautetsien bozketa sinbolikoa, herritarrek eskuin muturraren aurka bozka dezaten eskatzeko
Le Penekin demokrazia arriskuan egongo dela ohartarazita, ez dute zuzenean Macronen aldeko botoa eskatu. Eskuin muturrari bakoitzak bere moduan egin behar diola aurre azpimarratu dute.
2022/04/17 - 00:42
Macronek egitasmo ekologikoez arduratuko den lehen ministro bat izango duela hitzeman du
Presidenteak horixe adierazi du boto-emaile ezkertiarrei begira; izan ere, litekeena da Melenchonek datozen orduetan jakinaraztea bigarren itzulirako boto agindurik emango duen ala ez.
2022/04/11 - 22:33
Ezkerreko eta eskuineko frantziar alderdi tradizionalak, desagertzeko zorian
Alderdi Sozialistak eta errepublikano kontserbadoreek ez dute botoen % 5 ere lortu, eta finantziazio arazo larriak izango dituzte bizirauteko.
2022/04/11 - 17:05
Macron gailendu da Frantziako Presidentetzarako hauteskundeen lehenengo itzulian, Le Penen aurretik
Frantziako presidentea eta eskuin muturreko hautagaia lehiatuko dira bigarren itzulian, hilaren 24an, botoen % 27 eta % 23 jasota, hurrenez hurren. Hirugarren Melenchon ezkertiarra izan da, eta jada eskatu du ultrari botorik ez emateko. Kanpoan geratu diren hautagai nagusiek Macronen alde egin dute.
2022/04/11 - 10:44
Emmanuel Macron eta Marie Le Pen Frantziako presidentetzarako hauteskundeen bigarren itzulira igaro dira
Frantziako presidentea eta hautagai ultraeskuindarra izango dira apirilaren 24an egingo den bigarren itzulira igaroko direnak, % 27ko eta % 23ko babesarekin, hurrenez hurren. Melenchon hirugarren izan da, ia % 22rekin, eta hautagai ultrari botoa ez ematea eskatu du.
2022/04/11 - 00:32
Iritzi ezberdinak batuko dituen "zerbait berria asmatzeko prest" agertu da Macron
Errepublika Martxan alderdiko hautagaiak esan du ez dagoela "ezer erabakita", eta "zerbait berria asmatzeko prest" dagoela bigarren itzuliari begira, "sentsibilitate ezberdinak batzeko".
2022/04/10 - 23:24
Macroni botoa eman ez dieten guztien babesa eskatu du Le Penek bigarren itzulirako
Emmanuel Macron zentristak eta Marine Le Pen ultraeskuindarrak jokatuko dute Frantziako presidentetzarako hauteskundeen bigarren itzulia. Macroni botoa eman ez dioten guztiei bat egin eta botoa berari emateko esan die Le Penek.
2022/04/10 - 21:28
Macron eta Le Pen berdinduta lehenengo itzulian, hauteslekuetan egindako inkesta belgikar baten arabera
Aurreikuspenen arabera, botoen % 24 eskuratu dute, eta hirugarren izango litzateke Jean-Luc Melenchon ezkertiarra, botoen % 19 jasota.
2022/04/10 - 19:45
Frantziako hauteskundeetako parte-hartzea % 65ekoa zen 17:00etan, 2002tik izan den baxuena
Iparraldean, berriz, Pirinio Atlantikoetako parte-hartzea % 72,78koa zen ordu horretan, aurreko hauteskundeetan baino 2 puntu altuagoa.
2022/04/09 - 17:59
Frantziako presidentea hautatzeko kanpainak ez du jarraipen handirik izan Ipar Euskal Herrian
Iparraldeko hautetsi gehienak zentro eskuinekoak dira, baina Etchegaray Elkargoko presidenteak Macronen alde egin du. Ezker abertzaleak ez du kontsignarik eman, baina askok Poutou antikapitalista sustengatzen dute eta haren aldeko kanpainako bideo bat Fermin Muguruzak egin du.
2022/04/08 - 13:34
Zer gerta liteke igandean Frantziako hauteskundeen lehen itzulian?
Eguzki Urteaga soziologoaren arabera, Macron, Le Pen eta Melechon dira bigarren itzulira igarotzeko aukera gehien dituztenak. Ukrainako gerrak bete-betean harrapatu du hauteskunde kanpaina, eta hein batean, baldintzatu egin du. Azken asteetan, baina, eragina lausotu dela ohartarazi digu adituak.
2022/04/08 - 11:21
Frantziako hauteskundeak: Macronen aurka lehiatuko diren hautagai nagusiak
Igande honetan, Frantziako Presidentetzarako hauteskundeen lehen itzulia egingo da. Oposizioa hauteskunde kanpainari azken ukituak ematen ari da bigarren itzuli batean Macronekin lehiatu ahal izateko. Le Pen, Melenchon edo Zemmour: horiek dira Presidentetzarako lehiakide nagusiak.
2022/04/05 - 15:47
Espainiak Errusiako enbaxadako 25 diplomazialari kanporatu ditu, eta Kremlinek esan du erantzun egingo duela
Jose Manuel Albares Kanpo Arazoetako ministroak adierazi du "Espainiaren segurtasunerako mehatxua" direlako kanporatu dituztela. Errusiako Gobernuak ohartarazi du "horrelako erabaki guztiek dagokien erantzuna" jasoko dutela.
2022/04/01 - 23:35
Frantziako Poliziak bakegileak kanporatu ditu Biarritzeko Zergen egoitzatik
Bake Bideko aktibistek eta Bakearen Aldeko Artisauek ordu luzez okupatu dute Biarritzeko Zergen Zentroa, Frantziako Gobernuari euskal presoekiko politika alda dezala eskatzeko.
2022/04/01 - 11:11
Mariupoletik Zaporizhiara giza korridorea zabaldu du Errusiak
Azken orduetan, 1.400 pertsona baino gehiago ebakuatu dituzte hego-ekialdeko hirietatik.
2022/03/28 - 12:21
Frantziako hauteskunde kanpaina hasi da, Macron faborito dela
Frantziako presidentea nagusi da inkestetan eta Marine Le Pen ondo kokatuta dago bigarren txandara pasatzeko.