Alderdi Sozialistak negoziazioak "eten" ditu eta Mélenchoni "aniztasuna onartzeko" eskatu dio
Frantziako Alderdi Sozialistak "eten" egin ditu Jean-Luc Mélenchonen Frantzia Intsumisoarekin (LFI) hauteskunde-legegileetarako aliantza bat adosteko abian jarritako negoziazioak; "logika hegemonikoa" edukitzea leporatu dio azken horri.
Melenchonek botoen ia ehuneko 22 lortu zuen presidentetzarako hauteskundeen lehen itzulian, eta ez duezkutatzen Asanblada Nazionala eratzeko ekainaren 12an eta 19an egingo diren hauteskundeetatik lehen ministro hautatua izateko duen nahia. Horretarako, ezkerreko aliantza bat lortu nahi du, eta elkarrizketak hasiak zituen PS alderdi sozialistarekin, Europa Ekologia Berdeekin (EELV) eta Frantziako Alderdi Komunistarekin (PCF).
Sozialistekin harremanak ondo zihoazen itxuraz -asteazkenean bi aldeek esan zuten ez zegoela alde "gaindiezinik" -. Are gehiago, gaur goizean bertan akordio programatiko bat lortu dutela iragarri dute, nahiz eta negoziazioek aurrera jarraitzen zutela ohartarazi.
Bada, iragarpen hori egiten eta ordu gutxira, Olivier Faure PSko lehen idazkariak barne mezu batean iragarri du elkarrizketak "eten" dituztela, Franceinfo eta BFM TVren arabera.
"Logika hegemoniko oro hausteko eta aniztasuna onartzeko" eskatu dio Faurek Mélenchoni. "Une honetan, ez dugu inolako bermerik", adierazi du, eta aditzera eman du LFI ez dela ari aurkari politikoek eta bazkide potentzialek egindako proposamenak onartzeko pausorik ematen.
Bien bitartean, Julien Bayou EELVko idazkari nazionala baikor agertu da LFIrekin negoziazioek aurrera egin dutelako, eta "datozen orduetan" akordio bat lortzea espero du, hala azaldu du France 2ri eskainitako elkarrizketa batean.
Zure interesekoa izan daiteke
Kitchen auziaren epaiketa amaitu da, lau hilabeteren ostean
Lau hilabetean zehar, 100 lekukok baino gehiago deklaratu dute, eta epaiaren zain gelditu da prozesua.
Arabako Aldundiak ez du suhiltzailerik bidaliko Madrilera, bere lurraldean sute-arriskua dagoela eta
Astelehenean Espainiako Gobernuak baliabide gehiago eskatu zituen suteei aurre egiteko, eta EAEko hiru hiriburuetako udalek, Gipuzkoako Foru Aldundiarekin batera, bat egingo dute Bizkaiak Madrilen zabaldutako dispositiboan. Bitartean, hiru aldundiek partekatzen duten helikopteroak Euskadin jarraituko du.
Espainiako selekzioaren finalean Polizia Nazionala "bere eginkizunen gainetik" aritu izana salatu du Zupiriak
Munduko Txapelketaren finalean izandako istiluetan Polizia Nazionalak Bilbon egindako bi atxiloketak kritikatu ditu Eusko Jaurlaritzako Segurtasun sailburuak, Ertzaintzaren eskumena dela iritzita.
Sanchez: "Zer gehiago gertatu behar da larrialdi klimatikoaren aurkako ituna babesteko?"
Pedro Sanchez Espainiako Gobernuko presidenteak ohartarazi du "larrialdi klimatikoak hil" egiten duela eta berriro eskatu du Larrialdi Klimatikoaren eta "negazionismoaren" aurkako Estatu Ituna hitzartzea. Sanchezek gogorarazi du 2026an suteek 170.000 hektarea baino gehiago kiskali dituztela Espainian, iaz baino sei aldiz gehiago. Gainera, suteek dagoeneko hamar hildako inguru eragin dituztela adierazi du, abuztua eta iraila, arrisku handieneko hilabeteetako bi, oraindik aurretik direla.
Aitor Landa eta Alfonso Garaikoetxea, Ertzaintzaren zuzendari eta buru berriak
Landa goi-mailako teknikaria da Nekazaritzan, eta 36 urteko esperientzia du babes zibilaren arloan. Garaikoetxeak 41 urte daramatza Ertzaintzan, eta azken 7 urteetan Herritarren Babeserako arloburu izan da.
Bizkaiko Auzitegiak artxibatu egin du Voxen ekitaldi batean Santurtzin izandako istiluengatik atxilotutako emakume baten aurkako auzia
Auzitegiak uste du atxilotutako emakumearen deklarazioa legez ezarritako epetik kanpo hartu zela, eta auzi penala artxibatzea erabaki du.
Bi atxilotu Bilbon, Munduko Txapelketako finalean Espainiako kamiseta jantzita zeraman gazte bati eraso egitea egotzita
Atxilotuei gorroto eta lesio delituak eta desordena publikoak eragitea egotzi diete. Ez da baztertzen atxiloketa gehiago egotea.
Auzitegi Nazionalak Belateko lanen esleipena ikertuko du
Koldo auziaren instrukzioaren ardura duen epaileak gaur jakinarazi du erabakia. UPNk eta PPk Maria Chiviteren dimisioa eskatu dute.
EAJren "legatua" bere egin nahi dutenei mezua, Estebanek: "Ezin da oinordetzan hartu defendatu nahi izan ez zena"
Ekitaldi politikoa egin dute jeltzaleek Bilbon, Sabino Aranak EAJ sortu zuela 131 urte bete direnean. "Atzo mespretxatu zituenak gaur ez du haien txapela janzteko eskubiderik", esan du, zuzenean aipatu gabe, baina EH Bilduri erreferentzia eginez.
Arabako Aldundiak Manzanosko saihesbidea ireki du eta herriko trenbide-pasaguneko trafikoa kendu
Arabako ahaldun nagusi Ramiro Gonzalezek eta Mugikortasun Jasangarriaren eta Bide Azpiegituren Saileko foru diputatu Jon Nogalesek Manzanosko saihesbidea inauguratu dute astelehen honetan. Proiektuak 3,8 milioi euroko inbertsioa izan du, eta horri esker, Añanako kuadrillako herri hori zeharkatzen duen trenbide-pasaguneko ibilgailuen trafikoa itxi egin dute.