Frantzia Intsumisoak eta Berdeek hauteskunde legegileetara elkarrekin aurkezteko akordioa lortu dute
Ekainaren 12an eta 19an Frantzian egingo diren hauteskunde legegileei begira, Frantzia Intsumisoak eta Berdeek elkarrekin aurkezteko akordioa lortu dute. Ezkerreko koalizio hori zabalagoa izan daiteke, Frantzia Intsumisoak eta Berdeek Alderdi Sozialistarekin eta Alderdi Komunistarekin negoziatzen jarraitzen baitute. Emmanuel Macron presidente berrautatuari aurre egiteko ezkerreko alderdien arteko koalizioa osatu nahi dute.
Berdeen Kontseilu Federalak gehiengo zabalez onartu du Frantzia Intsumisoarekin azken bi asteetan landutako akordioa. Bozketan, aldeko 41 boto, kontrako 10 eta 8 zuri izan dira (ordezkari batek ez du bozketan parte hartu). Le Figaro egunkariak negoziazioen gertuko iturriak aipatuz zabaldu duenez, 100 barruti izango ditu alderdi ekologistak hauteskunde legegileetan.
Jean-Luc Melenchon buru duen Frantzia Intsumisoak botoen % 22 eskuratu zituen Frantziako presidentea aukeratzeko hauteskundeen lehen itzulian, eta Berdeek, % 4,6. Ezkerreko aliantza, baina, are zabalagoa izatea nahi dute, eta Alderdi Sozialistarekin eta Alderdi Komunistarekin hitz egiten ari dira horretarako.
Ostiralean, Frantziako Alderdi Sozialistak "eten" egin zituen Jean-Luc Mélenchonen Frantzia Intsumisoarekin (LFI) hauteskunde legegileetarako koalizio bat adosteko abian jarritako negoziazioak, eta "logika hegemonikoa" izatea leporatu zion.
Maiatzaren leheneko manifestazioan, Frantzia Intsumisoko buruak eta sozilisten lehen idazkariak elkarri eskua eman diote eta hizketan aritu dira, inguruan zituzten manifestariek batasunaren aldeko oihuak egin dituzten bitartean.
Zure interesekoa izan daiteke
Ramon Aizarnak 300 metrora bizi izan zituen 2001ean I-11ko atentatuak: "Ikusitako guztiaren inpaktua bizitza osorako izango da"
Ramon Aizarna gipuzkoarrak, AEBn bizi den euskaldunak, World Trade Centerrera begira zegoen loft batetik ikusi zituen I-11ko Dorre Bikien aurkako atentatuak. Une hartan bertan gertatzen ari zena zuzenean kontatu zuen ETBrentzat. 25 urte geroago, berriro hitz egin dugu berarekin, historia aldatu zuen egun tragiko hura berarekin gogoratzeko.
Emma Bonino hil da, Kontsumo, Arrantza eta Laguntza Humanitarioko Europako komisario ohia, 78 urte zituela
Eragin handiko politikari italiarra izan zen. Eskubide zibilen alde borrokatu zen bere ibilbide osoan (Italian abortua legeztatzearen alde, besteak beste), eta europazale sutsua izan zen.
Albiste izango dira: I-11ko atentatuen 25. urteurrena, PISA txostenaren analisia eta Kataluniako Diada
Gaurkoan Orain-en albiste izango direnen laburpena, bi hitzetan.
25 urte, I-11tik : Horrela gertatu zen mundu osoa dardarka jarri zuen eraso terrorista
Lau bidaiari-hegazkin bahitu eta Estatu Batuen erdigunea lehertu zuen Al-Qaidak gaur 25 urte. George W. Bush AEBko orduko presidentearen erantzuna berehala etorri zen, aurrekaririk gabeko terrorismoaren aurkako gerra abiaraziz.
Ceutako krisia Espainian barne helburu politikoetarako erabiltzen ari direla salatu du Marokok
Ceutara legez kanpo sartu ziren pertsonak "ofizialki berriro hartzeko prest" dagoela dio Marokok, eta horrekin lotuta, galdera egin du: "Zein da pertsona horiek ez itzultzeko arrazoia?".
Mamdani 11Sko omenaldira joango da New Yorken, eta Trump ez da bertan izango
Alkatearen presentziak kritika eragin du biktima batzuen senideen artean; Trumpek, berriz, Pentagonoan hartuko du parte oroimen-ekitaldietan.
Trumpek 5.000 dolar agindu dizkie estatubatuarrei bere alderdiak azaroko hauteskundeak irabazten baditu
Donald Trumpek heldu bakoitzeko 5.000 dolarreko "dibidendua" agindu du, errepublikanoek azaroaren 3ko hauteskundeak irabazten badituzte eta Kongresuaren kontrolari eusten badiote.
Etxebizitza turistikoaren jarduera eta gune tentsionatuetan bigarren etxebizitzak erostea mugatu nahi ditu Europak
Etxebizitza krisia dela eta, Europa osoan dagoen arazo larriari heldu nahi dio Bruselak, eta gaur lege berri bat aurkeztu du. Besteak beste, murriztu egin nahi du etxebizitza turistikoaren jarduera eta baita gune tentsionatuetan bigarren etxebizitzak erostea.
Netanyahuk ukatu egin du Emirerriek urriaren 7ko erasoez ohartarazi izana
‘Haaretz’ egunkariak argitaratu duen informazioaren arabera, Arabiar Emirerri Batuek operazioaren berri eman zioten Israelgo lehen ministroari, eta, informazio horren aurrean, bertako oposizioak ohartarazpenei entzungor egitea leporatu dio Netanyahuri.
Indonesiako zenbait aireportu berriz ireki dituzte, Anak Krakatoa sumendiaren erupzioaren ondorioz itxita egon ostean
Krakatoaren erupzioaren ondoren asteburutik itxita zeuden Jakartako aireportu nagusia eta beste lau aireportu ireki ditu berriro Indonesiak. 3.000 hegaldi eta 370.000 bidaiari inguru kaltetu dira udako oporren itzulera operazio betean. Anak Krakatoa sumendia Indonesiako hiriburutik 150 kilometrora dago eta erupzioan sartu zen ostiralean, laba eta errauts-zutabe handiak jaurtiz.