Funtzionarioak

2022/09/30 - 10:51

Funtzionarioentzako soldata igoeraren eskaintza hobetu du Espainiako Gobernuak, % 8tik % 9,5era

Gertuago egon liteke akordioa sindikatuen eta exekutiboaren artean. UGTren hitzetan, "ziurrenik, oniritzia" emango diote gaur. Ogasun Ministerioak egindako "ahalegina" balioan jarri du CCOOk, eta sindikatuaren zuzendaritza taldearen esku utzi du erabakia.

2022/09/29 - 13:17

Lakuntzak euskal alderdiei eskatu die langile publikoen soldata igoerari buruzko eztabaida Madrilera eramatea

Mitxel Lakuntza ELAko idazkari nagusia elkarrizketatu dute ETB1eko "Egun on Euskadi" saioan. Horren esanetan, langile publikoen soldata % 3,5 igotzeko proposamena aurrera ateratzen bada, horrek esan nahi du, hamar urtean, % 20ko erosahalmena galdu dutela.

2022/09/28 - 16:28

Funtzionarioen soldata % 3,5 igotzeko proposamena oso eskasa da EAEko sindikatu nagusientzat

ELA, LAB, CCOO eta UGTk salatu dute, berriro ere, langile publikoen erosteko ahalmena asko urrituko litzatekeela. Hori dela eta, eta aukera egon badagoelako, osagarriak negoziatzea eskatu diote Jaurlaritzari.

2022/09/28 - 16:23

2023rako funtzionarioei % 3,5eko soldata igoera eskaintzea aztertzen ari da Espainiako Gobernua

Negoziazio kolektiboan erdietsitako hitzarmenetan, EAEn, batez beste, % 5eko igoerak sinatu dira. Nolanahi ere, oinarrizko legea izanik, Madrilen onartutako erabakia hemen ere indarrean jarri behar da.

2022/09/28 - 15:46

Nafarroak funtzionarioen soldata % 3 igotzea aurreikusten du 2023rako

Nafarroako Gobernuak funtzionarioen soldatan % 3ko igoera aurreikusten du datorren urterako Nafarroako Aurrekontu Orokorren aurreproiektuan. Aurreko urteko kontuen aldean Nafarroako Gobernuak aurreikusten duen gastu-gehikuntzetako bat da.

2022/09/26 - 20:23

LEPeko bigarren faseko azterketen datak plazaratu ditu Osakidetzak

2022ko azaroaren 26a eta 2023ko urtarrilaren 29a bitarte izango dira azterketak. Gehienak Gasteizen egingo dituzte, eta gainerakoak Barakaldoko BECen.

2022/09/26 - 15:39

ELAk, LABek eta Kontseiluak EAEko administrazioa 15 urtean euskalduntzeko proposamenak aurkeztu dituzte

Sindikatuek eta Euskalgintzaren Kontseiluak Eusko Jaurlaritzari eta alderdiei helarazi diete "epe zehatzak eta egingarriak" zehazten dituen oinarrizko proposamena, dekreturako aintzat har ditzaten. Esan dutenez, "gehiengo zabal baten babesa du".

2022/09/20 - 11:53

Arza: "Ez da dramatizatu behar, oso arraroa da administrazioan euskaraz artatzeko inor ere ez egotea"

Euskadiko UGTren idazkari nagusiak uste du administrazio publikoan eskatu beharreko hizkuntza profilen kontura "hausnarketa lasaia" egin behar dela. Horren hitzetan, 45 urtetik gorako langileei, "salbuespen gisa", ez liekete hizkuntza profilik eskatu behar.

2022/09/19 - 22:57

EAEko Udaltzaingoen lan poltsarako euskararen B2 maila ez dela beharko erabaki du epaitegi batek

Segurtasun Sailak epaiari helegitea aurkezteko asmoa azaldu du, Euskadiko udalerrietara bidaltzen diren udaltzainek herritarrekin euskaraz hitz egin ahal izatea "estrategikoa" delako.