Giza eskubideak

2024/04/07 - 18:08

Gaza, aurrekaririk gabeko krisi humanitarioan, gerra hasi zela sei hilabete bete direnean

Israelek 14.500 haur palestinar baino gehiago hil ditu urte erdian, eta orain herritarrak goseak hiltzen hasi dira. GKEek su-etena eskatzen dute, eta gaur berrekingo diete negoziazioei. Netanyahuk aurreratu du ez dela su-eten bati buruzko akordiorik egongo Hamasek 133 bahituak askatu arte.

2024/04/07 - 15:17

1994ko genozidioaren biktimak omentzeko 100 dolu-egun hasi dituzte Ruandan

Sarraski hartan, 800.000 tutsi eta hutu moderatu baino gehiago hil zituzten. Paul Kagame Ruandako presidenteak eta Jeannette emazteak oroitzapen-suontzia piztu dute Genozidioaren Oroimenezko Zentroan, Ruandako hiriburuan, omenaldi-ekitaldiei hasiera emanda.

2024/04/07 - 14:39

Gurseko kontzentrazio esparruko biktimak omendu dituzte, tartean euskaldun asko

Eusko Jaurlaritza duela 85 urte Bearnon zabaldu zen Gurseko kontzentrazio esparruan egindako omenaldian izan da igande honetan. Ia 6.000 euskal herritar baldintza negargarritan izan zituzten 1939 eta 1946 artean bertan.

2024/04/06 - 23:09

Israeli armak bidaltzeari uzteko eskatu diote Bideni Pelosik eta beste 39 demokratak

Joe Bideni eta Antony Blinken Estatu idazkariari eskatu diete Israelera armak bidaltzea berraztertzeko eta hemendik aurrerako arma-bidalketak eteteko, World Central Kitchen gobernuz kanpoko erakundearen aurkako erasoa erabat ikertu eta Gazako egoera humanitarioa arindu arte.

2024/04/06 - 21:53

Hamasek ordezkaritza bidali du igandean Kairon egingo diren elkarrizketetara

Israelek eta AEBk bahituak askatzeko eskatu dute balizko su-etena abiatu aurretik; Hamasek, berriz, soldadu israeldarrak Gazatik erretiratzea eta bonbardaketak etetea jarri du baldintza gisa.

2024/04/04 - 00:44

Jose Andres sukaldaria: 'Badakit Israelek nahita eraso egin zigula'

Sukaldariak ziurtatu duenez, erasotako hiru autoak kilometro bat baino gehiagora zihoazen bata bestetik, oso logo ikusgarriekin, eta, beraz, erasoa nahita egin zutela uste du, konboi osoa hiltzeko asmoz. Ikerketa independente bat eskatu du.

2024/04/03 - 12:56

Jose Andres sukaldariak, Israeli: "Gerra ezin da irabazi biztanleria oso bat gosez hiltzen"

Gazan erasoa pairatu zuen gobernuz kanpoko erakundearen sortzaileak iritzi artikulua kaleratu du "The New York Times"en. Zazpi langileak hiltzeagatik kargu hartu du Israel, eta "zibilak eta langile humanitarioak hiltzeari utzi eta bakearen bide luzean hasteko" eskatu dio Netanyahuri.

2024/03/28 - 19:34

Nazioarteko Justizia Gorteak genozidioa saihesteko eta Gazara laguntza sartzen uzteko exijitu dio Israeli

Bestalde, Estatu Batuek Israelek Rafah ez inbaditzea espero dute, Washingtonen egindako bileretan "alternatibak" planteatu arte behintzat.

2024/03/26 - 14:38

Epaitegiak atzeratu egin du Assangeren helegiteari buruzko erabakia eta ez du berehalakoan estraditatuko

Wikileakseko sortzailearen defentsak emandako argudio batzuk onartu dituzte magistratuek, eta maiatzerako beste auzi saio bat ezarri. Ordurako, akusatua heriotza zigorrera kondenatuko ez dutela bermatu beharko du AEBk.

2024/03/25 - 19:06

Israel Gazan genozidioa egiten ari dela ondorioztatzeko "zantzuak" ikusten ditu NBEko errelatoreak

25 orrialdeko agiriaren arabera, Israelek gutxienez hiru "ekintza genozida" egin ditu nahita, 1948ko Genozidio Delitua Prebenitzeko eta Zigortzeko Konbentzioan hala definitzen direnak.

2024/03/25 - 13:45

Israelek Sanchezi: "Palestinako Estatua aitortzea terrorismoa saritzea litzateke"

Lior Haiat Israelgo Atzerri ministroak Sanchez kritikatu du eta ostiralean Espainiak, Irlandak, Maltak eta Esloveniak sinatutako adierazpena jomugan jarri. Lau herrialdeak Palestinaren aitortza egiteko prest azaldu ziren.

2024/03/25 - 10:20

Rafahri erasoz gero, ondorioak egon litezkeela ohartarazi dio AEBk Israeli

Kamala Harris AEBko presidendeteordeak adierazi duenez, Egiptoko mugatik gertu, Zerrendako hegoaldean, desplazatutako 1,2 milioi gazatarrek "ez dute nora jo", eta hortaz, gune horretan erasoaldia egitea "akats larria" litzateke.

2024/03/24 - 22:20

Memoriaren txingarra ez da itzali Argentinan, azken kolpe militarretik 48 urtera

Gizarteak kaleak hartu ditu gaur Argentinan, "Nunca Más" lelopean. Mileiren Gobernuak diktaduran desagertutakoen kopurua zalantzan jarri izanari erantzunez, "30.000 dira" esan diote, ozen eta argi. Buenos Airesen, ezkerreko gazte mugimendua eta Maiatzeko Plazako amak izan dira protagonista.

2024/03/24 - 21:22

Israelek ez du Gazako Zerrendaren iparraldera konboi humanitario gehiago joaten utziko, gosetea egon arren

"Gure zaintzapean gertatzen ari den tragedia gorabehera, Israelgo agintariek NBEri jakinarazi diote jada ez dutela UNRWAren elikagai konboirik onartuko iparralderantz", jakinarazi du Philippe Lazzarini ordezkari nagusiak.

2024/03/23 - 20:36

Guterres: "Bada garaia palestinarrei Estatu palestinar bat izango duten itxaropena emateko"

NBEko buruak adierazi duenez, "ahal den guztia" egin behar da Israelek Rafahn eraso egin ez dezan. Sinai penintsula eta Gazako Zerrenda lotzen duen hiri horren mugako igarobidea bisitatu ondoren egin ditu adierazpenok.

2024/03/22 - 19:43

Errusiak eta Txinak atzera bota dute AEBk Gazarako egindako su-eten proposamena, "sendotasun faltagatik"

Bi kide iraunkor horiez gain, Aljeriak ere egin du AEBk NBEko Segurtasun Kontseiluan aurkeztutako ebazpenaren kontra. Guyana abstenitu egin da, eta beste hamaika herrialdek aldeko botoa eman dute.

2024/03/22 - 09:26

Gazan "su etenari bide emango dion etenaldi humanitario bat" eskatu du EBk lehenbizikoz

Testua onartzeko orduan, Europar Batasunak aintzat hartu du AEBk "berehalako su etena" eskatuz Segurtasun Kontseiluan aurkeztutako ebazpena.

2024/03/19 - 18:31

Gazako herritarrak gosetera eramanda, Israelek gerra krimena egiten duela salatu du NBEk

Gutxienez 210.000 pertsona eraman dituzte gosetera iparraldean, eta 1,1 milioi gazatar baino gehiago egoera bera pairatzeko arriskuan daude. Bestalde, Netanyahuk baieztatu du Washingtonek "bere ideiak" aurkeztu ahal izango dituela Rafahen lurreko inbasioaren inguruan.

2024/03/18 - 11:42

Israelek Gazako Al Shifa ospitalea setiatu du laugarren aldiz, frankotiratzaileekin eta tankeekin

Zerrendako ospitale inportanteena da, eta hildakoak izan dira barruan aterpe hartzen ari diren 30.000 desplazatuen artean.

2024/03/18 - 10:59

Israelgo Armada Gazako Al Shifa Ospitalean sartu da gauez

Israelek dio kontrolpean duela Al Shifa ospitalea, Gazako garrantzitsuena. Gainera, operazioak zehaztu gabeko hildako kopuru bat utzi duela adierazi dute, eta gutxienez 80 pertsona atxilotu dituztela, "jarduera terroristekin zerikusia dutelakoan".