Netanyahuk ezeztatu egin du Gaza hegoaldean "etenaldi teknikoak" baimenduko dituenik laguntza sartzeko
Benjamin Netanyahu Israelgo lehen ministroaren bulegoak baztertu egin du "etenaldi teknikoak" egitea Gaza hegoaldean, eta operazioek "aurreikusitakoaren arabera" jarraituko dutela ziurtatu du. "Ez dago aldaketarik Israelgo Defentsa Indarren politikan, eta Rafahko operazioek aurreikusitakoaren arabera jarraituko dute", esan du.
Adierazpen horiek egin baino ordu batzuk lehenago, ordea, Gazako Zerrendaren hegoaldeko erasoaldian etenaldiak egingo dituela iragarri du Israelgo Armadak. Etenaldi horiek 08:00etatik 19:00etara (Gazako ordua) egingo dituztela gaineratu du, eta laguntza humanitarioa banatu ahal izateko izango direla.
Adierazpen baten bidez jakitera eman dutenez, "NBErekin eta nazioarteko erakundeekin eztabaidak izan ondoren" hartu du erabakia Israelek.
Egiptorako mugako pasabidea itxita dago Israelgo Armada joan den hilaren hasieran Gaza hegoaldeko Rafah hirian sartu zenetik. Pasabide horretatik heltzen zen laguntza humanitarioaren zati handi bat. Era berean, Kerem Shalomeko pasabidetik hornidurak tarteka sartzen dira.
Ondorioz, ospitaleak eta klinikak itxi behar izan dituzte eta krisi humanitarioak okerrera egin du, Mugarik Gabeko Medikuak erakundeak salatu dutenez.
Armadaren arabera, lehen etenaldia atzo egin zuten.
Gerra hasi zenetik larunbat hau izan da Israelgo Armadarentzat egunik latzena; izan ere, 8 soldadu hil dira, horiek zeramatzan ibilgailu blindatua lehertuta. Indar armatuen arabera, bonba baten eztandak lehergaiz beteta zihoan ibilgailua harrapatu, eta eztanda handi bat eragin zuen.
Gerra hasi zenetik, 37.200 gazatar baino gehiago hil dira, gehienak emakumeak eta haurrak, Israelgo Armadaren etengabeko erasoetan, baita 307 soldadu israeldar ere.
Hamasen erantzuna Gazako su-eten proposamenari
Bestalde, Hamasek Gazako azken su-eten proposamenari emandako erantzuna "bat dator" Joe Biden AEBko presidentearen printzipioekin. "Hamas eta talde palestinarrak prest daude su-etena ekarriko duen akordio orokorrerako, Gazako Zerrendatik erretiratzeko, suntsitutakoa berreraikitzeko eta presoak trukatzeko akordio baterako", easn du Hamaseko goi buruzagi batek.
Zure interesekoa izan daiteke
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.
Zer gertatuko da Ormuzko itsasartearekin? AEB-Iran akordioaren gakoak
Estatu Batuen, Iranen eta bien arteko bitartekari Pakistanen ikuspuntuak, gerrari amaiera emateko atariko akordioaren edukiari buruz.
UFCren 60 milioiko borroka-gala, Etxe Zurian: honela ospatu du Trumpek bere 80. urtebetetzea
Ekitaldirako, estadio bat eraiki zuten Etxe Zuriko hegoaldeko lorategian, 4.000 bat laguneko edukierarekin. Arte martzialetako borroka-ikuskizunak 60 milioi dolarreko kostua izan du, eta Trumpen aurkariek kritikatu egin dute, Etxe Zuria helburu komertzialak dituen ekitaldi pribatu baterako erabiltzea leporatuta.
Lau urteko kartzela-zigorra ezarri diote Mette-Marit printzesaren semeari, bortxaketa eta tratu txarrak egotzita
39 delitu leporatzen zizkioten Marius Borg Høibyri, Mette-Maritek Haakon printze oinordekoarekin ezkondu aurretik izan zuen semeari.
Albiste izango dira: AEBren eta Iranen arteko bake akordioa, Zubietako espetxearen inaugurazioa eta medikuen greba
Gaurkoan Orain-en albiste izango direnen laburpena, bi hitzetan.
Manifestazio jendetsua egin dute Genevan G7ko gailurraren kontra, eta istiluak sortu dira amaieran
Frantziako agintariek ez dute manifestaziorik baimendu, eta, beraz, No G7 taldeak mobilizazioa Genevan egitea eskatu du. Oro har, martxa baketsua izan da. Dena dela, manifestari talde batek harriak eta bengalak jaurti ditu, eta poliziak negar eragiteko gasa bota du.