Ezbeharra Urda herriko geltokiaren parean jazo da, 09:00ak baino minutu batzuk lehenago. Renferen tren batek geldirik zegoen Iryoren tren bat jo du. Zaurituek ere dozenaka dira, beraz, litekeena da hildakoen kopuruak gora egitea.
Espainiako Estatuko erkidego guztietako Osasun sailak Gaztela-Mantxako Gobernuari laguntzeko prest agertu dira, eta odola emateko deia egin dute, zaurituak artatzeko.
Gaztela-Mantxako Gobernuak jakinarazi du uneotan 30 direla gutxienez 2080 AVEaren eta 6076 Iryoaren arteko istripuan hildakoak.
Guztira, Esther Padilla Gaztela-Mantxako Gobernuko bozeramaileak esan du 147 pertsona zihoazela Iryoren trenean, eta 397 AVEan.
Adif da tren azpiegituren arduraduna, eta sistema guztiak eta gertakariaren nondik norakoak aztertzen ari da zer gertatu den argitzeko.
Oscar Puente Espainiako Garraio eta Mugikortasun Iraunkorreko ministroak Madrilgo Unibertsitate Politeknikoan (UPM) izan du gertakariaren berri, World Infraestructure Forum (WIF) kongresuan parte hartzen ari zenean, eta ezbeharra izan duen lekura abiatu da berehala.
Toledoko Urda herriko geltokiaren parean gertatu da tren istripua 09:00ak aldera. Dirudienez, Renfeko tren batek geldirik zegoen Iryo trena jo du atzetik, eta, ondorioz, azken horren bi bagoi errailetik atera dira, Garraio Ministerioko iturriek adierazi dutenez. Momentuz zauritu ugari daudela jakinarazi dute.
Toledoko Urda herriko geltokiaren parean gertatu da tren istripua 09:00ak aldera. Dirudienez, Renfeko tren batek geldirik zegoen Iryo trena jo du atzetik, eta, ondorioz, azken horren bi bagoi errailetik atera dira, Garraio Ministerioko iturriek adierazi dutenez.
