Giza eskubideak

2024/03/09 - 22:01

Open Armsen ontzi batek 200 tona janari eramango du Zipretik Gazara

Lurrez zein airez Gazara iristen den laguntza oso urria da, eta, horregatik, itsasoz korridorea zabaldu, eta laguntza bidaliko da Gazara. Open Armsen ontzian 200 tona laguntza kargatu dute Zipren, eta bi egun beharko ditu Gazako Zerrendara iristeko.

2024/03/09 - 21:19

Airez eta tantaka sartzen da laguntza humanitarioa Gazan, eta 25 dira dagoeneko gosez hil direnak

Gazako zeruan berriro hegazkinak, paraxuten laguntzarekin janari fardoak botatzen. Egiptotik apenas sartzen da laguntzarik. Jabalian gaur zorte apur bat izan dute batzuek, ahora eramateko zerbait lortu baitute; nahikorik ez, hala ere. Bonben ondorioz ez ezik, gosez ere hiltzen ari dira Gazan.

2024/03/09 - 13:42

NBEk ez du bat egiten Gazako itsas korridorearekin eta AEBk iragarritako behin-behineko portuarekin

"Ezerk ezin du ordezkatu eskala handiko laguntza lurretik banatzea", NBEren ustez. Israelek murriztu egin du laguntzaren sarbidea Nazioarteko Justizia Auzitegiak kontrakoa egitea eskatu zionetik.

2024/03/08 - 14:45

Von der Leyen: "Gazari laguntzeko itsas korridorea larunbat edo igandean irekiko dute"

"Larunbatean, luze jota igandean, zabalduko dute korridorea, eta gaur bertan probatuko dute", esan du Europako Batzordeko presidenteak Larnakan (Txipre) komunikabideentzat egindako adierazpenetan.

2024/03/08 - 13:37

Emakumeen salerosketaren aurkako lege proiektua onartu du Espainiako Gobernuak, biktimei eskubideak emateko

Aurreko legealdian aurrera egiterik ezin ez zuen egitasmoa da honakoa. Biktimak jarriko dituzte erdigunean: ez dituzte Estatutik kanporatuko, bizitoki eta lanerako agiriak emango dizkiete eta laguntzak jasoko dituzte, salaketa aurkeztu barik ere.

2024/03/07 - 14:47

Zigor Kodea barik, EBko araudia aplikatuko du Amnistia Legeak terrorismo delituen kasuan

PSOEk, ERCk eta Juntsek adostu duten erdibideko zuzenketaren arabera, "benetako mehatxu" izan ziren ekintzak joko dira traizio gisa, eta ondasun publikoak bidegabe erabiltzea "aberasteko asmoa" egon zenean.

2024/03/05 - 14:59

Kazetarien aurkako eraso eta jazarpenak jaitsi egin ziren iaz Europan, baina atxiloketak eta kartzelatzeak igo

Prentsa askatasunari buruz Europako Kontseiluak urtero egin ohi duen txostenaren arabera, bi kazetari hil zituzten Ukrainako gerraren berri ematen ari zirela. 2022an, 13 izan ziren eraildako kazetariak. Bestalde, 120 kazetari zeuden preso, tartean Pablo Gonzalez euskal herritarra.

2024/03/05 - 11:04

Egun ''historikoa'' Frantzian, abortu eskubidea Konstituzioan sartu ondoren

Frantziako Parlamentuko bi ganberek (Asanblea Nazionala eta Senatua) batera bilkura bat egin dute astelehen honetan, eta abortu eskubidea Konstituzioan sartzeko behin betiko oniritzia eman dute, Frantzia eskubide hori indarrean duen munduko estatu bakarra izan dadin.

2024/03/05 - 10:56

Israelek eta Hamasek su-eten baterako "oinarriko puntuak" adostu dituzte, iturri palestinarren arabera

Iturrion arabera, 40 egun iraungo iraungo lituzke su-etenak. 40 bahitu israeldar (umeak, haurrak eta 60 urtetik gorako gizonezkoak) eta 404 preso palestinar aske utziko lituzkete tarte horretan.

2024/03/04 - 20:54

Frantzia, abortu eskubidea Konstituzioan blindatzen duen munduko estatu bakarra

Frantziako Parlamentuko bi ganberek (Asanblea Nazionala eta Senatua) batera egin dute bilkura, eta abortu eskubidea Konstituzioan jasotzeari behin betiko oniritzia eman diote.

2024/03/03 - 23:02

Laguntza humanitarioaren zain zeuden dozenaka zibil hil ditu Israelek Gazan, hainbat erasotan

"Israelgo okupazio indarrek izugarrizko sarraskia egin dute eta dozenaka pertsona hil eta beste batzuk zauritu dituzte Kuwait biribilgunean", adierazi du Osasun Ministerioak ohar batean.

2024/03/03 - 20:12

Martxoaren 3ko biktimak oroitu dituzte milaka lagunek Gasteizen, sarraskitik 48 urte bete diren egunean

Lore-eskaintzaren ostean, Martxoak 3 biktimen elkarteak eta ELA, LAB, ESK eta Steilas sindikatuek deitutako manifestazioa hasi da, "Etorkizun justu baterantz" lelopean. Istiluak izan dira, Ertzaintza manifestariei oldartu zaie eta hainbat lagun zauritu dira. Lau pertsona atxilotu dituzte.

2024/03/02 - 22:56

AEBk laguntza humanitarioa bota du gaur, lehen aldiz, airetik Gazan

Hiru hegazkinetatik egin dute jaurtiketa. Paraxutak erabili dituzte 66 fardo handi Gazan botatzeko; guztira 38.000 jatordu, jakinarazi dutenez. Ostegunean konboi bat janaria banatzen ari zenean Israelgo Armadak eragindako sarraskia erabakigarri izan da AEBk urrats hau eman dezan.

2024/03/02 - 18:46

Gazara laguntza aire bidez helarazteko operazioa hasi du AEBk, 38.000 elikagai-pakete jaurtiz

Gutxienez 92 gazatar hil dituzte azken 24 orduetan Gazako Zerrendan. Gainera, 15 haurtxo hil dira aste honetan malnutrizioaren eta deshidratazioaren ondorioz.

2024/03/02 - 09:10

Agur labur bezain jendetsua jaso du Aleksei Navalnik Moskun, segurtasun neurri zorrotzekin egin den hiletan

Navalniren aldeko beilatokiak ordu erdi pasatxo iraun du, eta tenpluaren inguruan bilduta zeuden opositorearen milaka jarraitzaileak ezin izan dira sartu hari azken agurra ematera. Borisovoko hilerrian lurperatu dute.

2024/03/01 - 23:28

Bidenek iragarri du AEBk Gazan laguntza paketeak airetik botako dituela

Ameriketako Estatu Batuetako (AEB) presidenteak itsas korridore bat zabaltzeko aukeraz hitz egin du, eta Israeli Gazako Zerrendan kamioi gehiago sartzen uzteko eskatuko diola esan du.

2024/03/01 - 15:56

Gasteizko San Frantzisko eliza memoria gune izendatzeko eskatu du alkateak

Lehen aldiz hartu du parte Espainiako Gobernuko ministro batek Martxoaren 3ko biktimen aldeko lore eskaintzan. Angel Victor Torres ministroak 600.000 euroko dirulaguntza iragarri du Martxoak 3 fundaziorako.

2024/03/01 - 12:31

AEBk blokeatu egin du NBEn Gazan janaria hartzeko ilaran zeudenen aurkako erasoa salatzeko adierazpena

Aljeriak proposatutako testuaren aurka bozkatu zuen atzo Washingtonek NBEren Segurtasun Kontseiluaren bileran, "gertatutakoaren inguruko datu guztiak ez" dituela argudiatuta.

2024/03/01 - 11:49

Nazioarteak gogor gaitzetsi du Gazan janaria hartzeko ilaran zain zeuden kontra Israelek egindako erasoa

AEBk NBEren Segurtasun Kontseiluan sarraskia gaitzesteko adierazpena blokeatu zuen, beste behin. EBk eta dozenaka herrialdek, tartean Espainiak, Frantziak edo Australiak, gaitzespen irmoa egin dute. Kolonbia harago joan da eta Israeli armak erosteari utziko diola jakinarazi du.

2024/02/29 - 23:58

Hamar haurtxo gosez eta egarriz hil dira azken hiru egunetan, Gazako ospitaleetan, Israelen setioaren ondorioz

Lau umetxo hil dira gaur Kamal Adwan ospitalean, desnutrizioaren eta deshidratazioaren ondorioz. Asteazkenean beste lau haurtxo hil ziren ospitale berdinean, eta beste bi egun berean hil ziren Gaza hiriko Shifa ospitalean.