Hezkuntza

2024/02/06 - 16:30

Landare-zorriak aurkitu dituzte EAEko bost ikastetxetako jantokietako menuan

Orain arte zabaldutako informazioaren arabera, Galdakaoko Gandasegi eta Urreta eta Andoaingo Ondarreta zentroak daude kaltetuen artean. Bietan Ausolan enpresaren esku dago zerbitzua. Lezo Herri Eskolan eta Mungiako Legarda ikastetxean ere atzeman dira intsektuak.

2024/02/06 - 13:54

Greba bertan behera geratu da itunpeko ikastetxeetan, sindikatuek eta patronalak akordioa itxi ostean

ELA, Steilas, CCOO eta UGT sindikatuek eta Kristau Eskola eta AICE-IZEA patronalek lorturiko akordioari esker, greba bertan behera gelditu da. ELAko langileen asanbladak akordioa berretsi du. LABek aurreakordioa ez sinatzea erabaki du, eta kontsulta egingo du oinarriekin.

2024/02/06 - 10:07

Mª Eugenia Iparragirre: ''Gure ardura akordioa lortzea zen''

Kristau Eskolako zuzendariak adierazi duenez, gizarte ekimeneko ikastetxeetako ikasleek "ezin zuten gehiago jasan" egoera hau. "Gure bidea lana egitea, bilerak deitzea, proposamenak egitea eta beste aldearengana hurbitzea izan da", gaineratu du.

2024/02/06 - 09:51

Miren Zubizarreta: ''Mahai gainean jarritako eskaerek erantzuna izan dute eta oso akordio ona lortu dugu''

ELA sindikatuko Hezkuntzako arduradunaren hitzetan "gizarte ekimeneko ikastetxeetako langileak zoriontzeko eguna da gaurkoa". Hala ere, "tamalgarritzat" jo du akordioa lortzeko 14 greba egun egin behar izatea.

2024/02/05 - 13:37

Gizarte ekimeneko ikastetxeetako familiek grebak "berehala" bertan behera uzteko eskatu diete sindikatuei

Guraso elkarteen federazio ezberdinek ohar bateratua atera dute "ikastoletan bezala, akordioa lortzeko" deia egiteko. Diotenez, "lan gatazka izateari utzi dio eta gatazka politiko bihurtu da".

2024/02/03 - 21:24

Itunpeko eskoletako familiek manifestazioa egin dute akordioa lortu eta greben amaiera eskatzeko

Itunpeko ikastetxeetako ehunka gurasok eta ikaslek manifestazioa egin dute gaur arratsaldean Bilbon, ikastetxe horietako grebei amaiera emango dien akordioa eskatzeko eta seme-alaben hezkuntzarako eskubidea aldarrikatzeko.

2024/02/02 - 18:24

Sindikatuek eta patronalak akordiorik gabe amaitu dute bilera, eta otsaileko grebei eutsi diete

Kristau Eskolak negoziatzen jarraitzeko asmoa adierazi du. Sindikatuen ustez, aurkeztutako proposamena "ez da nahikoa", eta lanuzteei eutsi diete otsailaren 6, 7, 8, 19 eta 20rako.

2024/02/02 - 11:26

Itunpeko sindikatuek eta patronalak bilera egin dute 12:30ean

Negoziazio-mahaiak beste hitzordu bat du Lan Harremanen Kontseiluan, 9.000 langileri eragiten dien hitzarmenaren negoziazioan aurrera egiten saiatzeko.

2024/02/02 - 06:16

Orioko Ikastolako jangelan soberan geratzen den janaria herritarren eskura jarri dute doan

Orioko Herri Ikastolak Zero Zabor jarri du martxan, jangelatik zaborretara doan janaria aprobetxatzeko proiektu solidarioa. Mundu guztiari zuzendutako zerbitzua da, doakoa, eta eraikinaren sarreran jarri duten salmenta makina batean eskuragarri daude janariz betetako ontzitxoak.

2024/01/29 - 14:12

Familien % 9k soilik jartzen dizkiete adimen artifiziala erabiltzeko mugak seme-alabei

Ikerketa baten arabera, familien % 60 adimen artifiziala ikastetxeetan erabiltzearen aldekoak dira. Halaber, ikasleen % 82k onartu dute inoiz erabili duten teknologia bat dela.

2024/01/29 - 14:01

2 eta 3 urteko ikasleek plaza lortuko dute anai-arrebek ikasten duten ikastetxean

Ikastetxe bakarra duten udalerri edo eragin-eremuetan bizi diren eskatzaileek ere eskuratuko dute plaza, ikastetxe bakar horretarako eskabidea aurkezten badute.

2024/01/29 - 09:34

Albiste izango dira: 2024-2025eko aurrematrikula, erasoa Tolosaldean eta laborariak Paris blokeatu nahian

Gaurkoan albiste izango direnen laburpena, hitz bitan.

2024/01/28 - 12:44

Arrakala digitalaren aurkako 'Aukerak suspertzen' programan Euskadiko 3.710 adingabek hartu dute parte 2023an

Berdintasun, Justizia eta Gizarte Politiketako Sailaren ekimenak eten digitala ezabatu nahi du, eskolaz kanpoko laguntza eta tokiko sare komunitarioaren aktibazioa sustatuz. Erabiltzaile gehienak familia migratzaileetatik eta ikastetxe publikoetatik datoz.

2024/01/25 - 14:21

Eskola Kontseiluak lehen hezkuntzan mugikorra debekatzea eta institutuetan erabilera mugatzea gomendatu du

Estatuko Eskola Kontseiluak aholkatu du lehen hezkuntzan mugikorren erabilera debekatzea, eta bigarren hezkuntzan soilik helburu pedagogiko edo medikoetara mugatzea.

2024/01/24 - 21:39

Serunionen auziak gehien erasandako ikastetxeetako familiak, pozik eta itxaropentsu aldaketarekin

Serunionekin kontratua eten arte, batera edo bestera moldatu dira kaltetutako ikastetxeetako gurasoak. Egungo catering eredua errefusatzen dute, eta seme-alaben bazkariak ikastetxean bertan prestatzea nahiko lukete.

2024/01/24 - 17:09

EAEKo 17 ikastetxeri jantoki zerbitzua ematen dion Serunion enpresarekin kontratua eten du Hezkuntza Sailak

Bi aldeen arteko desegite akordioa, ikasturte honetan ikastetxe jakin batzuetako jantokietan izandako arazoen ondotik etorri da. Otsailaren 5etik aurrera, sektoreko enpresek beteko dute Serunionek ikasturte honetan ematen zuen jantoki zerbitzua.

2024/01/24 - 16:36

PPk gobernatzen dituen autonomia erkidegoek EBAU proba komun bat bultzatuko dute 2025erako, Feijooren arabera

PPko buruak esan duenez, "ez du zentzurik 17 proba izatea unibertsitate sistema berean sartzeko".

2024/01/24 - 16:30

Nafarroako ikastoletan Lehen Hezkuntzan eskola-jazarpen kasuak % 10 jaitsi dira KiVa plana ezarri zenetik

2016an ezarri zuten KiVa bullying kasuei aurre egiteko programa finlandiarra Foru Gobernuko 15 ikastoletan. Prebentzioan begirada jarrita, ikasleen jarreretan eragitea da helburua.

2024/01/24 - 14:21

Otsailaren 5ean hasiko dira ''sektoreko hiru enpresa'' orain arte Serunionek ematen zuen zerbitzua eskaintzen

Jokin Bildarratz Eusko Jaurlaritzako Hezkuntza sailburuak zehaztu duenez, "zerbitzu juridikoekin" aztertu ondoren, otsailaren 5ean etengo da Serunion SA enpresarekin zuten kontratua. Horren lekua "sektoreko beste hiru enpresek" hartuko dutela esan du.

2024/01/23 - 15:59

Sindikatuen arabera, itunpeko eskoletako grebak % 65eko jarraipena izan du; patronalaren hitzetan, % 16koa

Sindikatuek hitzarmena sinatzeko proposamenak lehenbailehen egiteko eskatu diete patronalei. Gainera, "konponbidea ez oztopatzeko eta gatazka bideratzeko esku hartzeko" eskatu diote Eusko Jaurlaritzari.