Irun
2023/06/12 - 20:55
21 urteko gazte bat espetxeratu dute, maiatzaren 28an Irunen egindako sexu-erasoa leporatuta
Atxiloketa joan den ostiralean egin zuten, eta atxilotua epaitegiaren esku utzi dute gaur. Epaileak kartzelara bidali du. Irungo Udalak sexu-erasoa gaitzesteko elkarretaratzea deitu du astearterako, 19:00etan, San Juan plazan.
2023/06/11 - 15:49
Pertsona migratzaileen atxiloketak ''saritzeko neurria'' irmo salatu dute Irunen
Irungo Harrera Sareak deituta, 200 pertsona bildu dira Irungo polizia komisaldegiaren aurrean, migratzaileek dituzten oinarrizko eskubideak aldarrikatzeko, eta gertatutakoa argitzeko eskatu diete agintariei, dagozkien erantzukizunak haien gain hartuz.
2023/06/08 - 11:34
Jaizkibelen desagertutako 65 urteko gizona bilatzeko lanei ekin diete, bigarren egunez jarraian
Astearte goizean mendi buelta egitera atera zen sortzez errenteriarra den gizasemea, eta etxera hitzartutako orduan iritsi ez zela ikusita, salaketa aurkeztu zuten senitartekoek. Haren bila ari dira astearte arratsaldetik.
2023/06/07 - 20:09
Irunen gertatutakoaren ondotik, "arrazakeria instituzionala" salatu dute gizarte eragileek
SOS Arrazakeriaren ustez, "aurpegia garbitzea" da espedientea ireki izana; Irungo Harrera Sareak "harriduraz" hartu du "migratzaileak ehizatzeagatik poliziei emandako sariei" buruzko albistea, eta LABek kontrol "etniko, arraza eta politikoak" bertan behera uzteko eskatu du.
2023/06/07 - 16:29
Espedientea ireki diote migratzaileak atxilotzeagatik egun libreak eskaini zituen inspektoreari
Irungo Polizia Nazionaleko arduradun bati espedientea ireki diote legezkoa ez den agindu bat emateagatik. Barruko zirkular batean jai egunak eskaintzen zitzaizkien poliziei etorkinak atxilotzeagatik. Zenbat eta etorkin gehiago atxilotu, orduan eta opor egun gehiago.
2023/06/07 - 15:01
Inspektore bati espedientea ireki diote Irunen migratzaileak atxilotzeagatik egun libreak eskaintzea egotzita
Denis Itxaso Espainiako Gobernuak EAEn duen ordezkariak "akats zentzugabetzat" jo du agindua, eta deitoratu egin du "Poliziaren jokabidean justizia egiten ez duen" irudia eman izana.
2023/06/04 - 13:37
19 urteko zigorra eskatu dute zazpi iruzurgileentzat, Irungo auzokide bati 86.000 euroko iruzurra egiteagatik
Iruzurgileak, bost emakume eta bi gizon, Irungo bizilagunaren adiskide egin ziren eta, hainbat trikimailu erabilita, horrek dirutza ematea lortu zuten. Aurretik iruzurra egiteagatik kontrako hiru epai irmo ditu akusatu nagusiak (Donostiako, Tarragonako eta Cacereseko auzitegietan).
2023/06/02 - 12:54
Espetxera eraman dute Irunen irailean hilketa baten kontura atxilotutako gaztea
Astelehenean, maiatzaren 29an, Ikerketa Kriminaleko agenteek aurkitu eta atxilotu zuten, ustezko hilketa-delituagatik.
2023/05/20 - 19:53
Bi gizon atxilotu dituzte Araban eta Gipuzkoan, adingabeei egindako sexu-delituak leporatuta
Horietako bat 36 urteko gizon bat da: Irunen atxilotu dute, kalean neskato bati sexu-erasoa egiten saiatzeagatik; bigarren atxilotua beste gizon bat da, eta sare sozialen bidez adingabeei sexu-proposamenak egitea egotzi diote.
2023/05/19 - 08:56
Irungo Alkatetzak PSE-EEren esku jarraituko luke
Alderdi Sozialistak behera egingo luke bototan eta zinegotzi kopuruan, baina indar bozkatuena izaten segituko luke.
2023/05/14 - 20:29
Autoarekin ertzain bat jo eta alkohol tasa hirukoiztu duen gidari bat atxilotu dute Irunen
25 urteko gizasemeak 0,78ko emaitza eman zuen alkoholemia proban, eta agintaritzako agenteen aurkako atentatua eta alkoholemia delituak egozten dizkiote.
2023/05/14 - 16:00
Irungo alardeak lehen aldiz gizonezko kantinera bat izango du aurten
Antxon Jauregi izango da protagonista aurten Irungo alardean. Emakumez jantzita aterako den aurrena izango da, eta, dudarik gabe, historia egingo du herrian. Berarekin hitz egin dugu, eta erabat pozik dagoela dio.
2023/05/11 - 12:11
Itzulia Women 2023 lasterketak eragina izango du trafikoan ostirala eta igandea bitartean
Garraio publikoa erabiltzeko deia egin die herritarrei Eusko Jaurlaritzak. Autoa hartu behar izatekotan, lasterketa igarotzen ez den tokietatik joatea aholkatu die, baita agenteen jarraibideei kasu egitea ere.
2023/05/04 - 16:26
Bilboko serie hiltzailearen aurkako zazpi kausetatik bakarra dago epaiketa zain, justiziako lan gatazkengatik
Duela urtebete ustezko serie hiltzaile batek bere burua entregatu zuen Irunen. Ertzaintzaren ustez Bilbon izandako 5 gizonen heriotzarekin zerikusia du eta baita beste bi homizidio kasurekin ere. Justiziako lan gatazken ondorioz, 7 kausa horietatik bakarra dago epaiketaren zain.
2023/05/01 - 10:21
Motor-gidari bat hil da Irungo erdigunean izandako istripuan
Plaiaundu kalean gertatu da istripua, bart, 23:45ean, Ertzaintzak eitb.eus-i jakinarazi dionez.
2023/04/22 - 17:50
Gure Eskuk erreferenduma lortzeko helburuz lan egiteko konpromisoa berretsi du, 10. urteurrenaren atarian
Horretarako, "burujabetza esparruak irabazteko eta euskal lurralde guztietako herritarron arteko lankidetzan sakontzeko" pausoak ematen jarraituko omen dute.
2023/04/22 - 17:43
Gure Eskuk erreferenduma lortzeko bidean egin duen ibilbidearen irakurketa egin du Ficoban
Itsasargia izeneko gogoeta prozesuaren emaitza da gaur aurkeztu dutena, 10 urteko ibilbidearen emaitza, alegia. Gainera, mobilizazioak iragarri ditu ekainaren 8rako Bilbon, eta uztailaren 1, 2 eta 3rako Tourraren harira.
2023/04/22 - 10:21
Bi autopsiak 'kontaktu-appko ustezko hiltzailea'ren auzia alda dezakete
Saul Castro abokatuak ETBri azaldu dionez, "biktimen gorpuak nola aurkitu zituzten ikusita, bateragarria da itotzeko teknika batekin". "Teknika hau berezia da: karotida-arteriak estutzea; teknika honen berezitasuna da ez duela barneko edo kanpoko lesiorik uzten", azpimarratu du.
2023/04/21 - 22:59
Zer dakigu Irungo krimenari buruz?
Ertzaintzaren ustez, Josu Recaldek ehiza-eskopeta batekin tiro egin zion Ignacio Abrego bazkideari, eta gero bere buruaz beste egin zuen. Baina oraindik ez dago ziur zerk eragin zuen krimena.
2023/04/21 - 11:42
Erkoreka: "Konfirmatu daiteke batek bestea erail zuela eta gero bere buruaz beste egin zuela"
Segurtasun sailburuak Legebiltzarraren atarian egin duen agerraldian azaldu duenez, hilketa egon zela egiaztatu dute auzitegiko medikuek eta ikerlariek. Biek ala biek harreman ekonomikoa zutela ere erantsi du. Gainerakoan, "hipotesi guztiak zabalik daude", azpimarratu du.