Gipuzkoako hamar ikastetxek baino gehiagok egiaztatu dute ikasleak eduki sexuala duten txatetan ari direla
Gipuzkoako hamar ikastetxek baino gehiagok, gehienak Donostiakoak, baina baita beste herri batzuetakoak ere, hala nola Lezo, Lasarte edo Irungoak, egiaztatu dute ikastetxe edo institutu horietako ikasle batzuk eduki sexual eta iraingarriko Whatsapp txatetan sartu direla. Antza denez, hainbat ikastetxetako mila ikaslek baino gehiagok bat egin dute txatekin.
Oraingoz, Donostiako bi ikastetxek jarri dute salaketa Ertzaintzaren aurrean gertakari horiengatik.
Gainera, ikastetxeek, besteak beste, Aldapeta Maria Ikastetxeak, Jesuitak Donostiak, Herri Ametsa Ikastolak eta Luberrik, txat horren berri eman diete gurasoei.
Itziar Barrenechea Donostiako Jesuitak zentroko zuzendariak Radio Euskadin azaldu duenez, Ertzaintzak gomendatzen du kaltetuek horren berri beren ikastetxean ematea eta "salaketa guztiak ikastetxeen bitartez" bideratzea, eta Ertzaintza jarriko da "familiekin harremanetan".
Mercedes Bautista Adingabeen Gipuzkoako Fiskaltzako ordezkariak gertatutakoa Ertzaintzaren aurrean "premiaz" salatzeko eskatu die adingabeen gurasoei.
Oraingoz, salaketa bakarra jarri dute, eta "hori ez da ona", azaldu du Mercedes Bautistak. Aldi berean, gurasoei dei egin die Ertzaintzarengana jotzeko, "ikerketa bideratzen ari baita, informazioa ez sakabanatzeko".
"Mila ikasleri buruz hitz egiten da, baina oraingoz guraso batzuek bakarrik jarri dute salaketa", deitoratu du Bautistak, eta gurasoei ere eskatu die "aldez aurretik seme-alaben telefonoak aztertzeko".
"Batez ere 12 eta 14 urte bitarteko gazteak badira, horietan eduki desegokiak dauden ikusteko eta hala bada: Ertzaintzara jo, gertakariaren berri eman eta mugikorra entregatu, edukia aztertzeko baimena emanez", azaldu du.
Gainera, "lehenbailehen egiteko beharra" nabarmendu du, "ez baitakigu nor dagoen horren atzean, adinekoak edo adingabeak diren", eta "gai digitala" denez, "eduki guztiak aldakorrak direlako eta oso azkar desager daitezkeelako".
Bestalde, Jorge Bermudez Gipuzkoako Adingabeen fiskalak esan du Fiskaltza oraindik ez dela ikerbidearekin hasi, baina Ertzaintzarekin harremanetan dagoela.
Pornografia egiaztatuz gero, zigorrak "oso handiak" izan daitezkeela ohartarazi du, baita "bederatzi urtera arteko kasu oso larrietan ere". "Zigor horiei buruz hitz egiten ari gara adingabe bakoitzeko", erantsi du.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.