Manifestazioak

2024/11/09 - 22:04

Mazonen eta Gobernu osoaren dimisioa eskatu dute, euriteen aurreko eta osteko kudeaketa ''penagarriagatik''

Deialdia egin duten dozenaka elkarteek Valentziako Gobernuaren gaitasun eza salatu dute eta Mazon presidentearen eta Gobernu osoaren dimisioa eskatu dute. Politika ekonomiko eta sozialetan aldaketak eskatu dituzte, berreraikuntza "pertsonak erdigunean jarriz" egin dadin.

2024/11/09 - 19:30

Ehunka lagun bildu dira Lagan, dunak aldatzeko Kosta zuzendaritzaren lanen kontra

Salatu dutenez, obra horiekin hondartzako bi dunak pasabide baten bidez lotu nahi dituzte. Paisaia aldatzeaz gain, pasabide hori oztopo izango litzateke mugikortasun urriko pertsonak hondartzara sartzeko eta balizko ebakuazioak egiteko. Udalak ez zuen lanen jakinarazpen ofizialik.

2024/11/08 - 14:39

CCOOk, UGTk eta Euskadiko patronalek bilkura egin dute Bilbon, GOIDIren biktimei elkartasuna adierazteko

Sindikatuek 10 minutuko kontzentrazioa egin dute Bilbon, euren egoitzen aurrean, eta Confebask, CEOE eta Cebek patronaletako kideek elkarretaratzea egin dute Euskadi plazan, Iberdrola dorrearen aurrean.

2024/11/01 - 20:00

Hiru atxilotu eta 9 ikertu Aquariumean desordena publikoagatik, kontzentrazio antiespezista batean

Kontzentrazioaren amaieran, dozena bat parte-hartzaile Aquiariumera sartu dira, erabiltzaileei sartzea galaraziz. Borondatez irten nahi ez zutenez, Ertzaintzak indarrez atera behar izan ditu. Atxilotuak aske utzi dituzte arratsaldean.

2024/10/26 - 22:23

Araban aurreikusitako makroproiektu energetikoak bertan behera uzteko eskatu dute Gasteizen

UAGA Arabako nekazarien sindikatuak eta hainbat herri-plataformak deituta, Bilbo plazatik abiatu da manifestazioa. Antolatzaileen arabera, 5.500 manifestari inguru batu dira "Makroproiekturik ez. Lurra defenda dezagun" leloa zeraman pankarta erraldoiaren atzean.

2024/10/26 - 22:09

160 erakundek makroproiektu energetikoen aurkako manifestazioa egin dute Gasteizen

5.500 manifestari batu dira protestan, antolatzaileen arabera. Hiriguneko kaleak zeharkatu dituzte, "Makroproiekturik ez. Lurra defenda dezagun" leloa zeraman pankarta erraldoiaren atzean.

2024/10/20 - 16:35

Pedro Sanchezen aurkako elkarretaratzea egin dute Madrilen, PPren eta Voxen bultzadarekin

Espainia Konstituzionalaren aldeko Plataformak elkarretaratzea egin du gaur eguerdian Madrilen, hauteskundeak eskatzeko, "batasunaren, duintasunaren, legearen eta askatasunaren alde". PPko eta Voxeko politikariek hartu dute parte ekitaldian.

2024/10/19 - 23:23

Urdaibaiko Guggenheim museoaren proiektua gelditzeko eskatu dute milaka lagunek Gernikan

Manifestariek egitasmoa gelditzeko eskatu dute, "Busturialdearen etorkizunaren alde". Guggenheim Urdaibai Stop plataformak deituta, parte-hartzaileek salatu dute proiektuak ez diela eskualdearen beharrizanei erantzuten, "erakunde pribatu baten nahiei baizik".

2024/10/19 - 22:54

''Gutxi batzuen mesederako'' izango den Guggenheim Urdaibai proiektua ''bihar bertan'' gelditzeko eskatu dute

Busturiak bere etorkizuna erabaki nahi duela adierazi dute milaka lagunek Gernikan, "pertsonak eta natura erdigunean jarriko dituen etorkizuna" aldarrikatu eta Urdaibai ez dagoela salgai esanez. Diru publikoa "gutxi batzuen interesentzako eta natura suntsitzeko erabiltzea" bidegabe jo dute.

2024/10/19 - 20:37

Manifestazioa Gernikan, Guggenheim museoaren proiektuaren aurka

Guggenheim Urdaibai Stop plataformak manifestazio "zaratatsua" egin du 18:00etan hasita Gernikan, museo berriaren proiektua gaitzesteko.

2024/10/19 - 19:27

Bularreko minbizia osasun publikoaren krisi bat dela aldarrikatu dute Bilbon eta Donostian

Bi manifestazio egin dituzte aipatu hiriburuetan, neurri gehiago eskatzeko, eta kolore arrosarekin ez direla identifikatuta sentitzen adierazteko.

2024/10/15 - 00:33

Manifestazio "zaratatsua" deitu dute larunbaterako, Urdaibain Guggenheim berria eraikitzearen aurka

Guggenheim Urdaibai plataformak esan du proiektuak "marra gorri" guztiak zapaltzen dituela ingurumen legeriaren arloan, eta salatu du "fundazio pribatu" baten nahiak asebetetzen dituela, "gutxi batzuen mesedetan".

2024/10/13 - 13:32

Manifestazio jendetsua egin dute Donostian, txirrindulari lasterketak egiteko dituzten zailtasunak salatzeko

Gipuzkoan txirrindularitza probak antolatzeko zailtasunak dituztela salatu dute gaur eguerdian Gipuzkoako Txirrindularitza Federazioak, txirrindularitza taldeek eta txirrindulariek.

2024/10/07 - 22:13

CCOOk eta UGTk greba orokorra deitu dute errepideko garraiolarien erretiro aurrerapena eskatzeko

Deialdi honen bidez, garraiolarien erretiro aurreratua arautzea eskatu nahi dute, lanbidearen arrisku-mailagatik. Lanuztea urriaren 28an, azaroaren 11n, 28an eta 29an, eta abenduaren 5ean eta 9an egingo da, eta abenduaren 23tik aurrera mugagabea izango da.

2024/10/05 - 23:27

Manifestazio jendetsuak izan dira mundu osoan Palestinaren alde

Israelek Gazako inbasioa abiatu zuenetik urtebete beteko da astelehenean. Larunbatean, manifestazioak egin dituzte palestinarren aurkako erasoak amaitzea eskatzeko; izan ere, Gazan bakarrik 41.000 pertsona baino gehiago hil ditu orain arte Israelek.

2024/10/05 - 22:55

Palestinarekiko elkartasun uholdea Iruñean, ''Genozidio bat, 76 urteko erresistentzia'' lelopean

Deitzaileen arabera, 12.000 pertsona baino gehiago elkartu dira mobilizazioan; Espainiako Gobernuak Nafarroan duen Ordezkaritzaren arabera, aldiz, 2.000 baino ez. "Nazioarteko ebazpenak bete behar direla" azpimarratu dute bertan.

2024/10/05 - 18:54

Milaka pertsona elkartu dira Bilbon eta Iruñean palestinar herriaren eta erresistentziaren alde

Bilbokoa eguerdian abiatu da, Jesusen Bihotzetik, eta udaletxearen aurrean amaitu da, Palestinarekin Elkartasuna plataformak deituta. Ibilbidean zehar espaloietan zain zeuden pertsona askok bat egin dute protestarekin. Arratsaldean, antzeko irudia errepikatu da Iruñean.

2024/10/05 - 18:47

Bilbok bat egin du palestinar herriarekin

Milaka pertsonak Bilboko erdiguneko kaleak zeharkatu dituzte gaur Palestinako herriari eta erresistentziari elkartasuna adierazteko, Palestinarekin Elkartasuna plataformak deituta. Manifestazioaren buruan ikurrina bat eta bandera palestinar handi bat izan dira.

2024/10/01 - 15:03

Gipuzkoako ehungintza merkataritza eta zapata dendetako langileen lanuztea, euskal hitzarmenaren alde

Patronala osatzen duten Inditex, Mango eta Primark kate handiek bilera dute gaur, Madrilen. Euren asmoa sektoreko euskal langileei ere Estatuko lan hitzarmena ezartzea da. Protesta egin duten langileen ustez, horrek zeharo okertuko lituzke lan baldintzak.

2024/09/30 - 16:13

EH Bilduk mobilizazio nazionala deitu du azaroaren 23an, Bilbon, Euskal Herria nazioa dela aldarrikatzeko

Espainiako Estatuan irekitzear den "arazo nazionalen" eta "lurralde ereduaren" inguruko eztabaida baliatu behar dela nabarmendu du Arnaldo Otegik.