Manifestazioak

2024/06/02 - 11:01

Manifestazio jendetsuak izan dira berriro Tel Aviven, Hamaseko bahituak aske utz ditzaten eskatzeko

120.000 pertsonak su-eten plana onartzeko eskatu diote Netanyahuri. Mobilizazioen amaieran, istiluak izan dira manifestarien eta Israelgo Indar Armatuetako kideen artean.

2024/06/01 - 22:17

Ekintzaile ekologista bat atxilotu dute Parisen Moneten obra batean poster bat jartzeagatik

Moneten "Mitxoletak" obraren aurkako erasoa egin dute berotze globalaren aurka protesta egiteko. Parisko Orsay Museoan dagoen obra horren gainean posterra itsatsi du aktibista batek, eta atxilotu egin dute. Aurretik ere egin dituzte antzeko ekintzak berotze globala salatzeko.

2024/06/01 - 19:37

Bilkurak egin dituzte Ipar Euskal Herrian euskararen aurkako erasoak salatzeko

"Euskara orain" lelopean batu dira, Frantziako konstituzioko bigarren artikulua alda dezatela exijitzeko. Izan ere, artikulu horren arabera, frantsesa da Frantziako Errepublikako hizkuntza.

2024/06/01 - 19:33

Ehunka lagunen babesa jaso dute Pasaian etxetik botako dituzten 12 familiek

Pasaiako portuan bizi diren 12 familia etxetik botako ditu Portu Agintaritzak. Merkantziak portura eramateko trenbide bat eraikiko denez, auzo hori eraitsi egingo dute.

2024/06/01 - 18:50

Arabako lurrak defendatu eta berriztagarrien jazarpena salatu dute traktoreekin Gasteizen egin duten protestan

Manifestazioaren amaieran, komunikatu bat irakurri dute. Horren bidez, Arabako Nekazarien Elkarteak, Bionekazaritzak eta Araba Bizirikek ziurtatu dute proiektu energetikoen etengabeko jarioak mehatxu egiten diola lehen sektorearen eta arabarren etorkizunari.

2024/06/01 - 18:33

Ehunka lagun eta 50 bat traktore atera dira kalera Gasteizen, protesta egitera

UAGA sindikatuak, Bionekazaritza elkarte ekologikoak eta Araba Bizirik taldeak deitu dute manifestazioa.

2024/05/31 - 17:08

Trafikoan eragina izango du Biriatun traktoreekin datorren astelehenean egingo duten protestak

Gipuzkoarako noranzkoan merkantzien zirkulazioa debekatuko dute, asteleheneko 10:00etatik hurrengo eguneko 10:00ak arte. Horrez gain, baliteke trafikoari eragingo dioten arazo gehiago sortzea, bi noranzkoetan.

2024/05/30 - 22:09

Martuteneko bizilagunek elkarretaratzea egin dute etxeetan ugaritu diren lapurretak salatzeko

Donostiako Martutene auzoko bizilagunek elkarretaratzea egin dute gaur arratsaldean, etxeetan azkenaldian ugaritu diren lapurretak salatzeko. Ez bakarrik lapurretak, baita indarkeriazko erasoak ere. Pasa den astean, 77 urteko gizon batek jipoia jaso zuen eta erietxera eraman behar izan zuten.

2024/05/26 - 15:53

Ehunka lagun bildu dira Donostia Defendatuz plataformak "hiri eredu bizigarri baten alde" deitutako martxan

Martxa 12:00etan abiatu da Easo plazatik 'Donostia ez dago salgai! Hiri bizigarri aten alde' lelopean. Donostia ez dagoela salgai aldarrikatu, eta Udalari, gutxi batzuen interes ekonomikoak barik, herritarrak lehenetsi ditzala exijitu diote.

2024/05/25 - 19:09

Turismo masiboaren aurkako protestak Estatu osora zabaltzen ari dira

Atzo Eivissan egin zuten manifestazioa; apirilean, besteak beste, Kanaria uharteetako kaleak jendez bete ziren, eta bihar Donostian egingo dute protesta.

2024/05/24 - 22:21

Greenpeace-ko kideek pankarta erraldoia eskegi dute Total Energies enpresaren bulegoan

Ekologisten manifestazioek Parisko kaleak hartu dituzte. Greenpeace-ko kideek pankarta erraldoia eskegi dute Total Energies enpresaren bulego nagusien alboko eraikinean, akziodunen batzarra egiten ari ziren bitartean.

2024/05/24 - 00:39

Berrizko bizilagunak kalera atera dira osasun-arreta duin baten alde

Berrizko bizilagunak arratsaldean atera dira kalera, bihartik aurrera osasun-zentroan 3 familia-mediku izatetik bakarra izatera igaroko direla salatzeko. Mediku bakar bat 4.500 biztanleko herri honetan, eta, gainera, medikuak presazko kasuak baino ez ditu artatuko.

2024/05/23 - 18:42

Kaledonia Berrian protestak abiarazi zituen hauteskunde-erroldaren erreforma behin-behinean eten du Macronek

"Alde guztiei entzun ostean, hitz eman dut erreforma hau ez dadin indarrean sartu testuinguru honetan. Aste batzuk hartuko ditugu elkarrizketarako, adostasun zabala lortzeko helburuz", esan du presidenteak Frantziatik 17.000 kilometrora dagoen artxipelagora egindako bisita azkarrean.

2024/05/23 - 18:23

Iñigo Aguayo: ''Ez dugu Kaledonia Berritik irteteko modurik''

Iñigo Aguayo eta Justus senarra Kaledonia Berrian harrapatuta geratu dira, hauteskunde-erroldaren erreformak eragindako matxinaden ondorioz. Europako agintarien babesgabetasuna "erabatekoa" dela esan digute.

2024/05/22 - 00:42

Macron Kaledonia Berrira joan da elkarrizketak abiatzeko, bederatzi eguneko protesten ostean

Frantziako presidentearen bidaia itsasoz haraindiko lurraldeetako arduradun eta ordezkarien eskaeren ondorio da. Horiek elkarrizketa-prozesu bat eskatu zioten estatuburuari, protesten zergatiari heltzeko, hau da, hauteskunde-erroldaren erreformari.

2024/05/19 - 18:52

Faxismoaren kontrako elkarretaratzea egin dute Madrilen, ultraeskuinaren goi-bilerari aurre egiteko

"Europa Viva 24" ekitaldian ultraeskuinaren nazioarteko ordezkariak egongo zirela jakinda deitu dute protesta. Podemosek ere bat egin du protestarekin, eta Vox gaitzesteaz gain, Irene Monterok gogor kritikatu ditu Argentinako presidentearekin bildu diren espainiar enpresaburuak.

2024/05/18 - 21:48

Kultur politiketan eta ikus-entzunezkoetan euskara lehenestea eskatu diote 32 eragile sozialek Jaurlaritzari

"Aldatu Gidoia euskararen alde" leloa zuen pankartaren atzean, ikus-entzunezkoen eskaintza "zabal, duin, eguneratu, erakargarri eta euskalduna" aldarrikatu dute manifestazioaren deitzaileek.

2024/05/18 - 19:36

Zubietako erraustegiaren aurkako martxa egin dute Donostian, Aire Garbia plataformak deituta

11:00etan abiatu dute protesta, eta erraustegiaren gaineko eztabaida publikoa "enegarrenez behin betiko ixten saiatzea" leporatu diote manifestariek Gipuzkoako Foru Aldundiari.

2024/05/18 - 14:18

Klimaren aldeko aktibista talde batek Municheko aireportua geldiaraztea lortu du tarte batez

Sei lagunek pistetara sartzea lortu dute eta errodaje-kaleetan aurrera egitea eragotzi diete. Azken Belaunaldia taldeak iragarria zuen berotze globalaren aurka halako protestak egiteko asmoa. Mendekoste zubiaren lehen eguna da gaur Alemanian, eta aireportuetan bidaiari asko ibiltzen dira egunotan.

2024/05/15 - 23:06

Mobilizazioak Palestinaren alde eta Israeli boikota egitea aldarrikatzeko, Nakba egunean

Bilbon, Donostian eta Gasteizen 19:00etan izan dira protestak, eta Iruñean, berriz, bart gauerdian.