Milaka lagun elkartu dira Iruñean igande goizaldean izandako sexu-erasoa salatzeko
Milaka pertsona bildu dira igande arratsaldean Iruñeko Gaztelu Plazan goizaldean Alde Zaharraren inguruan izandako sexu-erasoaren aurka protesta egiteko eta erasotako emakumeei elkartasuna maitasuna adierazteko, Iruñerriko Mugimendu Feministaren deialdi bati erantzunez.
Erasoaren ondorioz, 'Sanferminetako eraso sexisten aurrean herritarrek eta erakundeek erantzuteko protokoloa' aktibatu da, eta Udaleko Bozeramaileen Batzordeak gaitzespen adierazpen instituzional bat onartu du.
'No a las agresiones sexistas! Erasotzaileak kanpora!' lelopean, Gazteluko Plazako agertoki handiaren aurrean bildu dira herritarrak. Agertokian, Mugimendu Feministako kideek 'Emakumeen aurkako indarkeriarik ez' leloa idatzi zuen pankarta atera dute. Iruñeko peñetako ordezkariek, berriz, 'Peñak ere gureak dira!' zihoen beste pankarta bat erakutsi dute.
Kenya Cordero eta Iratxe Alvarez plataforma feministako kideek irakurri duen oharrean, "Sanferminak hasi eta 24 ordu eskasera, intentsitate handiko lehen sexu-erasoaren berri izan dugu" salatu dute eta "jarrera horien aurrean planto egiten" dutela adierazi dute. Era berean, "intentsitate txikiko beste hiru eraso" gertatu direla azpimarratu dute. "Nahikoa da!" oihukatuz amaitu dute.
Txilibituak joz amaitu dute protesta ekitaldia.
Zure interesekoa izan daiteke
Los Gallardoseko sutea ez da hedatu eta badirudi aurki egonkortzeko modua izango dutela
Haizeak eta hezetasun mailak arnasaldia eman dute eta aukera baliatu dute suhiltzaileek hura kontrolpean hartzen saiatzeko. "Suak ez du aurrera egin gaur", jakinarazi du pozarren Bolaños ministroak.
Gizon bat atxilotu dute Santutxuko meskita batean pintaketak egiteagatik, gorroto-delitua egotzita
Gertakariak 09:30ean jazo dira. Ertzaintzak abisu bat jaso du, ohartaraziz pertsona bat pintaketak egiten ari zela komunitate musulmanaren aurkako gorroto-adierazpenekin.
Jose Escolarren zezenek entzierro arriskutsua osatu dute, eta korrikalari batek adarkada jaso du aurpegian
Taldean atera dira, baina azkenean batzuk atzean geratu eta une arriskutsuak izan dira, baina baita lasterketa ikusgarriak ere. Lehenengo balantzearen arabera, 14 dira zaurituak, eta batek adarkada jaso du aurpegian.
Emakume batek sexu erasoa salatu du bart sanferminetan
Ustezko erasotzailea atxilotuta dago. Gainera, beste hiru salaketa izan dira, ukituengatik. Horietako baten ustezko egilea atxilotu eta espetxera bidali dute, aurrekariak baitzituen. Iruñeko Udalak eraso sexistak gaitzetsi ditu.
Iruñea, jendez lepo, sanferminetako asteburu bakarrean
Txoko guztietako bisitariak bildu ditu sanfermin hauetako asteburu bakarrak. Ostalariek ere jende gehiago nabaritzen dute. Edonola ere, azken urteetan, bisitari gutxixeago etorri den irudipena dute batzuek. Aurtengo sanferminak itogarriak izaten ari dira, ia 40 ºC ingururekin egunero.
Aisialdi zentro bateko begirale batek egindako sexu-erasoak salatu dituzte Tarnosen
Elkarretaratzea egin dute Landetako Tarnos herrian, aisialdi zentroko begirale batek egindako sexu erasoak salatzeko. Sei haur txiki izan dira biktimak, eta beraiei baita familiei ere elkartasuna erakutsi nahi izan diete. Begiralea atxilotu dute, sexu erasoak leporatuta.
Kamioiek Gasteiz hartu dute San Kristobal egunean, ibilgailuak bedeinkatzeko
San Kristobal jaiak Arabako Garraio Elkarteko garraiolariak bildu ditu larunbat honetan. Ekitaldian, kamioien ohiko desfilea eta ibilgailuen bedeinkapena izan dira protagonista. Horrela eman diete amaiera auzoko ospakizunei.
Zuiako Udalak ur mozketak egingo ditu gauez hornidura bermatzeko
Mozketa 22:00etatik 08:00etara dago indarrean, atzotik. Gainera, udal igerilekuetako dutxak erabiltzea debekatuta egongo da aurrerantzean.
Beroagatik ezarritako alerta abisu horira jaitsi dute EAEn; Nafarroa erdialdean eta Iparraldean alerta mailari eutsiko diote
Arabak alertapean jarraituko du baso sute arriskuagatik. Abisu maila gorabehera, sargori egiten jarraituko du: maximoak 30 ºC-koak izango dira kostaldean, eta 37-38 ºC-koak, barnealdean. Astelehenean behera egingo dute tenperaturek.
Ezkaraiko sutea egonkortu dute, 115 hektarea inguru kiskali ostean
Dirudienez, Ayabarrena herrixkako sutea ostegunean piztu zen, ekaitzean botatako tximista baten eraginez.