Matxismoa

2024/12/02 - 13:40

Pasaiako hilketa matxista salatu dute Gipuzkoako Foru Aldundiaren aurrean, Donostian

Aurretik, Gipuzkoako Foru Aldundiak ezohiko batzarra egin du, azken hilketa matxistari gaitzespena adierazteko. Ustezko egilea atxilotuta dago, eta hurrengo orduetan igaroko da epailearen aurrera.

2024/12/02 - 12:31

Bi gizon bizkaitar ikerketapean, helburu pornografikoengatik adingabeak galbidean jartzea egotzita

29 urteko gizaseme bat atxilotu dute Madrilen eta 13 gizon ikertzen ari dira. Atxilo hartutakoak 12 urteko neskato bat engainatu zuen argazki intimo bat bidal ziezaion, eta, ondoren, "sextortsioa" egin zioten.

2024/12/02 - 10:00

Pasaiako hilketa matxistaren ustezko egilea hurrengo orduetan igaroko da epailearen aurrera

53 urteko gizon matxista larunbatean atxilotu zuten, bikotekide ohia hil eta gutxira. Gipuzkoako Foru Aldundiak elkarretaratzea egingo du eguerdian, hilketa salatzeko eta biktimaren gertukoei babesa adierazteko.

2024/12/01 - 23:07

Pasaian bikotekide ohia hiltzeagatik atxilotutako gizonak Ertzaintzaren esku jarraitzen du

Hilketa gertatu eta denbora gutxira atxilotu zuten gizona, bere burua Villabonako Udaltzaingoaren komisarian entregatu zuen eta. Elkarretaratzea egin dute Pasaian, gertatutakoa gaitzesteko. Astelehen honetan ere protesta bat izango da Foru Aldundiaren atarian.

2024/12/01 - 14:16

Azken hilketa matxista gaitzesteko elkarretaratzea egin dute Pasaian

Pasaiako Udalak hiru eguneko dolua ezarri du. Hainbat erakundeetako ordezkariak izan dira bertan, tartean, Emakundeko zuzendaria eta Gipuzkoako ahaldun nagusia.

2024/12/01 - 13:33

Pasaian eraildako emakumeak ustezko hiltzailearen kontrako salaketa jarria zuen indarkeria matxistagatik

Biktima eta hiltzailea bikotekide ohiak ziren. Larunbatean, 16:00ak pasatxo zirela, emakumearen etxean sartu zen gizona eta tiroz hil zuen hura. Ihes egin zuen gero eta Villabonako Udaltzaingoan bere burua entregatu zuen. Atxilotuta jarraitzen du epailearen aurrera pasatzeko zain.

2024/11/30 - 20:21

Gizon batek bikotekide ohia hil du tiroz, Pasaian

16:00etan Pasaiako etxebizitza batean emakumea hil eta ihes egin du gero. Villabonako Udaltzaingoan entregatu du gero bere burua eta atxilotu egin dute.

2024/11/29 - 11:29

Indarkeria matxistaren Euskal Herriko biktimek euren lekukotzak kontatzeko Instagram kontua sortu dute

10 egun eskasean ia 100 lekukotza bildu ditu Denuncias Euskal Herria izeneko kontuak. Nabarmendu dutenez, bortxatuak edo erasotuak sentitu diren emakumeei ahotsa emango diete, konfidentzialtasuna errespetatuz, "beldurra eta lotsa lekuz aldatu" dadin.

2024/11/27 - 23:19

Agurainen bikotekideari sexu-erasoa egitea leporatuta atxilotutako 19 urteko gizona, espetxera

Gizonak emakumearekiko urruntze agindua zuen. Biktima osasun zentro batean artatu behar izan zuten. Atxilotua lehenago ere ikertu zuten, bikotekideari tratu txarrak emateagatik.

2024/11/27 - 13:38

Gizon bat atxilotu dute Agurainen, urruntze agindua urratzea eta bikotekideari sexu erasoa egitea leporatuta

19 urteko atxilotua epailearen esku utzi du gaur goizean Ertzaintzak, behin izapideak amaituta. Biktima osasun zentro batean artatu behar izan dute.

2024/11/26 - 17:43

Emakume adingabe batek sexu erasoa egin diotela salatu du Basaurin

Larunbatean gertatu zen erasoa. Oraindik ez dute susmagarririk atxilotu.

2024/11/26 - 13:13

Nafarroako Goi Mailako Musika Kontserbatorioko ikasleek bi irakasle salatu dituzte indarkeria matxistagatik

Hezkuntza Departamentuak espedienteak egin dizkie biei. Ikasleek elkarretatzea egin dute goizean, pairatutako "jazarpen eta matxismo egoera onartezinak" salatzeko eta erasotzaileen kontrako neurri "eraginkorrak" eskatzeko. Kontserbatorioko zuzendaritza ere protestan izan da, babesa adierazteko.

2024/11/25 - 22:35

Milaka lagunek indarkeria matxistaren eta borroka feministaren aldeko aldarria egin dute Euskal Herrian

Azaroak 25 duen honetan, Emakumeen aurkako Indarkeria desagerrarazteko Nazioarteko Egunean, azken urteotan bezala, aldarrikapenak eta mobilizazioak izan dira nonahi, jarrera matxistak salatu eta emakumeen eta nesken kontrako eraso oro gaitzesteko.

2024/11/25 - 21:54

Milaka pertsonak indarkeria matxista desagertzea eskatu dute Iruñean

Marea feminista batek Iruñeko kaleak zeharkatu ditu gaur arratsaldean, "Konponbidea ez bazara, arazoa zara" lelopean. Manifestazioa Gazteluko Plazan amaitu da.

2024/11/25 - 21:35

Emakumeen aurkako indarkeriaren amaiera eskatzeko kalera atera dira ehunka pertsona Baionan

Manifestazio jendetsua izan da gaur arratsaldean Lapurdiko hiriburuan, Emakumeen aurkako Indarkeria Desagerrarazteko Nazioarteko Eguna dela eta.

2024/11/25 - 21:15

''Lotsak bandoz aldatu'' behar duela aldarrikatu dute Donostian milaka pertsonak

Adin guztietako milaka emakumek eta gizonek Donostiako erdigunea zeharkatu dute gaur arratsaldean, emakumeen aurkako indarkeriaren amaiera eskatzeko. Manifestazioa bukatzeko, manifestu bat irakurri dute Boulevardean.

2024/11/25 - 20:57

Emakumeen kontrako indarkeria gaitsezteko aldarriak Gasteiz zeharkatu du

Manifestazio jendetsua egin dute Arabako hiriburuko kaleetan, Emakumeen aurkako Indarkeria Desagerrarazteko Nazioarteko Eguna dela eta.

2024/11/25 - 20:43

Marea feminista, Bilboko kaleetan barrena

Milaka lagunek egin dute bat Bilbo Feminista Saretzen plataformak deitutako manifestazioarekin. "Bortxaketa kulturaren konplize zarete. Lotsa bandoz aldatuko da" lelopean, manifestazioa 19:00etan atera da, Jesusen Bihotzetik.

2024/11/25 - 20:10

Milaka emakumek ahotsak altxatu eta kalean ohartarazi dute: "ez bazarete konponbidea, arazoa zarete"

Milaka lagun atera dira kalera Emakumeen aurkako Indarkeria Desagerrarazteko Nazioarteko Egunean. Aldarrikapenak eta mobilizazioak izan dira nonahi, jarrera matxistak salatu eta emakumeen eta nesken kontrako eraso oro gaitzesteko.

2024/11/25 - 10:52

15 urteko neskato bat hil dute labankadaz Orihuelan

17 urteko gizonezko bat, biktimaren bikotekide ohia, atxilotu dute hilketarekin zerikusia duelakoan. Hala, eta kasua ikerketapean duten arren, badirudi hilketa matxista izan dela. Antza, neskak harremana hautsi zuen duela egun batzuk.