Trafiko Istripuak
2024/06/16 - 15:17
Txirrindulari bat hil da Urizaharrean, eroriko larri baten ondorioz
Ezbeharra goizeko hamaikak aldera izan da, A-3202 errepidean. Larrialdi zerbitzuak bertaratu dira, eta, nahiz eta osasun langileak suspertzen ahalegindu, 64 urteko gizonezkoa bertan hil da.
2024/06/15 - 22:16
Ordu eta erdi egon da itxita GI-627 errepidea Bergaran, hiru pertsona zauritu diren istripu baten ondorioz
Bi emakume eta gizon bat ospitalera eraman dituzte. Istripua 14:20an gertatu da.
2024/06/15 - 16:29
Abian da Bilbon Emisio Gutxiko Eremua (EGE), baina astelehenetik aurrera egongo da indarrean
Arau-haustea izango da A motako ibilgailu batekin Bilboko Emisio Gutxiko Eremuan sartzea. Dena dela, malgutasunez arituko dira eta irailaren 15era arte ez dute isunik jarriko. Nora Abete Mugikortasun eta Jasangarritasun zinegotzia izan da horren inaugurazio sinbolikoan.
2024/06/15 - 12:49
Ireki dute AP-1 errepidea Bergaran
Gasteizko noranzkoan izan den istrpu baten ondorioz itxita egon da. Ezbeharra tunel baten barruan izan da, baina bi norabideetan itxi dute, garbiketa lanak tarteko.
2024/06/13 - 15:17
Auto-ilarak daude GI-20an Donostian, Bilborako norantzan, istripu baten ondorioz
Istripua 13:00ak baino pixka bat lehenago gertatu da Aieteko tunelaren inguruan. Erreietako bat itxita dago.
2024/06/13 - 09:45
Gidari bat zauritu da Urnietan, kamioi batekin talka eginda
Istripuan, autoa irauli egin da, eta A-15eko eskuineko erreia itxita dago Urnietan, Irungo noranzkoan. Istripuaren ondoren, kilometro bat baino gehiagoko auto-ilarak sortu dira, eta, beraz, Segurtasun Sailak zuhurtasunez jokatu du bide horretatik zirkulatzerakoan.
2024/06/12 - 10:49
Kamioilari bat larri zauritu da Cortesen, geldirik zegoen beste kamioi batekin talka egin ondoren
Ezbeharra goizeko 06:00etan gertatu da, A-68 autobideko 116. kilometroan, Cortesen. Errepide horretako errei bat itxi behar izan dute, Tuterako noranzkoan.
2024/06/12 - 10:42
Kamioilari bat larri zauritu da geldirik zegoen beste kamioi baten aurka talka egin ostean, Cortes parean
Zauritutako kamioilaria 37 urteko zaragozar bat da, eta Tuterako ospitalera eraman dute. Istripuaren ondorioz, A-68 autobideko errei bat itxi behar izan dute Tuterako noranzkoan.
2024/06/09 - 13:00
23 urteko oinezko bat oso larri zauritu da Eneritzen, auto batek harrapatuta
Zauritua Nafarroako Unibertsitate Ospitalera eraman dute. Oinezkoa harrapatu ostean, ibilgailua patata-sail batera erori da, baina gidaria onik atera da. Negatibo eman du alkohola eta droga atzemateko proban.
2024/06/09 - 11:32
Untzueko motozale bat hil da Obanosen izandako istripu batean
Motor-gidaria, 47 urteko gizonezkoa, lekuan bertan hil da, auto baten kontra jota. Auto-gidariak zauri arinak egin ditu, eta positibo eman du alkohol-proban.
2024/06/05 - 16:40
Hiru pertsona zauritu dira A-8 autobidean, Galdakaon, hiru ibilgailuk talka eginda
Hiru pertsona zauritu dira eta Gurutzetako Ospitalera ereaman dituzte.
2024/06/05 - 14:52
Pertsona bat zauritu da A-1 autobidean, Gasteizen, lau kamioik talka eginda
Auto-ilara luzeak sortu dira lau orduz; bost kilometrorainokoak zenbait unetan. Istripua 08:25ean jazo da, Lopidanako irteeran. Lau kamioik, horietako bi artikulatuta, elkar jo dute.
2024/06/05 - 09:17
Ilarak sortu dira A-8an, Galdakaon eta noranzko bietan, istripu bat tarteko
Auto batek ezbeharra izan du Donostiarako noranzkoan. Gidaria zaurituta eraman dute Galdakaoko Ospitalera.
2024/06/04 - 14:02
Emakume bat hil da Gasteizen, autoarekin talka eginda Zaramagako tuneletan
Istripua atzo gauean jazo zen, 22:30 aldera, Boulevard merkataritza-gunetik gertu. Emakumea Txagorrituko Ospitalera eraman zuten, larri, eta handik ordu batzuetara hil zen.
2024/06/03 - 16:27
Ikasleak zeramatzan autobus bat kiskali du suak Urkiolako igoeran
Autobusak matxura izan du BI-623 errepidean, Urkiolako igoeran. Ikasleak zeramatzan ibilgailuak su hartu du eta erabat kiskalita geratu da, baina ez da inor zauritu. Ondorioz, errepidea itxi behar izan dute.
2024/06/02 - 22:13
21 urteko gidari bat atxilotu dute Irurtzungo hotel bateko terrazan bi emakume harrapatu ostean
Harrapatutako bi emakumeak, 29 eta 51 urtekoak, anbulantzian eraman behar izan dituzte Nafarroako Unibertsitate Ospitalera.
2024/06/02 - 17:27
Edanda zihoan gidari bat bidetik atera da eta terraza batean zeuden bi emakume harrapatu ditu Irurtzunen
13:00ak inguruan gertatu da ezbeharra. Gidaria Machain hoteleko terrazara sartu da autoarekin, eta albo baten gainean iraulita gelditu da. Alkohol proban tasa altua eman ondoren, bide-segurtasunaren kontrako delitu bat leporatuta inputatuko dute. Bi emakumeak erietxera eraman dituzte zaurituta.
2024/05/29 - 22:12
Fiskaltzak isun eskaera murriztu dio motozalea harrapatu zuen Bilboko udaltzainari
Udaltzainaren "arduragabekeria" izan zela uste du fiskalak, semaforoa gorri zeharkatu zuelako, baina biktimarena ere bai, "abiadura-muga bikoiztu zuelako eta zilindrada handiko motor baterako baimenik ez zuelako".
2024/05/28 - 21:27
Patinete elektrikoek erantzukizun zibileko asegurua izan beharko dute
Espainiako Gobernuak lege proiektu bat onartu du ibilgailu pertsonal arinentzako aseguru hori derrigorrezkoa egiteko, baita nekazaritzako edo industriako ibilgailuentzako ere. Diputatuen Kongresuak araua onartu beharko du.
2024/05/28 - 19:44
Motozalea harrapatu zuen Bilboko udaltzainak onartu du semaforoa "gorri" eta argirik gabe zeharkatu zuela
2019ko abenduaren 28ko goizaldean bidegurutze batean udaltzainen autoak motorrarekin talka egin zuen, eta motorzalea handik gutxira hil egin zen. Udaltzainari homizidio arduragabea leporatzen diote.