Trafikoa

2024/07/24 - 19:51

Bypass batek arautuko du N-1 errepideko zirkulazioa Andoainen, ostegunetik aurrera eta abuztu osoan

1976ko zubi bat birgaitzeko iazko udan egindako obrei berrekingo zaie. Trafiko gutxien dagoen urteko asteetarako programatuta egon arren, "unean uneko auto pilaketak aurreikusten dira".

2024/07/23 - 09:53

Trafikoa bere onera etorri da Barakaldon, A-8n, kamioi baten matxurak auto-ilarak sortu ondoren

07:15 inguruan geratu da errepidean ez atzera ez aurrera ibilgailua, eta Bilboko noranzkoan ilara luzeak ari dira sortzen. Zehazki, Max Center parean izan du matxura kamioiak.

2024/07/20 - 20:23

Udan lehen aldiz aktibatu dute Donostiako erdigunera autoen sarbidea mugatzeko protokoloa

Trafiko handiaren eraginez, lehen aldiz aktibatu dute Donostiako erdigunera autoen sarbidea mugatzeko protokoloa. Behin protokoloa aktibatuta, zenbait erregulazio-puntu ezartzen dira ibilgailuak beste bide batzuetara edo hiriko aparkaleku periferikoetara bideratzeko.

2024/07/19 - 21:54

Auto-ilarak amaitu dira A-8an Kantabriara bidean, Abanto parean istripua izan ondoren

Bi ibilgailuk talka egin dute Abanton, eta ez da inor zauritu, baina zirkulazio arazoak sortu dira hainbat orduz.

2024/07/19 - 12:04

6 kilometroko auto-ilarak Zarautzen, Bilboko noranzkoan

Kamioi baten matxurak eragin ditu pilaketak, errei bat itxi behar izan baitute.

2024/07/19 - 00:35

Barazar mendateko errepidea guztiz itxita dago oraindik, kamioi batek transformadoreak galdu ostean

Zamaz gain, ibilgailuak olioa ere isuri du eta bidea bi noranzkoetan zarratu behar izan dute.

2024/07/17 - 15:34

Arabako Errioxarako autobidearen beste zati bat ireki dute

Armiñon eta Berantevilla arteko N-124 errepidearen bikoizketa ireki dute gaur goizean. Gasteiztik Arabako Errioxara sartzeko bide nagusiena da. Lanek bi urteko iraupena izan dute eta 17 milioi euroko inbertsioa.

2024/07/17 - 13:40

Foruzaingoak gizon bat atxilotu du Martzillan, kontrol batetik ihesi eta ausarkeriaz gidatzeagatik

Foruzaingoak Azkoiengo 34 urteko gidari bat atxilotu du Martzillan, jazarri ostean. Atxilotuak kontrol batetik ihes egin zuen Tiebasen, alkoholaren eraginpean, eta 200 km/h-ko abiaduran gidatu zuen 52 kilometroan.

2024/07/16 - 12:27

Istripu ikusgarria izan du Inditex taldeko langilez betetako autobus batek Bartzelonako autobide batean

Pineda de Marreko (Bartzelona) C-32 autobideko tunel baten sarreran istripua izan duen autobuseko bidaiari guztiak ebakuatu dituzte. 35 zauritu inguru daude, horietako bi oso larri.

2024/07/13 - 13:36

Txirrindulari bat larri zauritu da A-3641 errepidean, Okondon

09:30 aldera jazo da istripua, eta bertaratu diren osasun langileek ospitalera eraman dute. Antza denez, tartean ez da ibilgailu gehiago izan.

2024/07/09 - 20:10

21 urteko lizarrar bat hil da San Adrianen, auto batek eta kamioi batek aurrez aurre talka eginda

Istripua 16:28 aldera gertatu da, NA-134 errepidean (Ebroko ardatza). Hildakoa autoaren gidaria da.

2024/07/09 - 19:03

Hondarribiko Higerko errepidean luizi baten ondorioz martxotik itxita zegoen erreietako bat ireki dute

Hondarribiko Higerko errepidean luizi baten ondorioz martxotik itxita zegoen erreietako bat ireki dute. Aurreikuspena errepidea osorik abuztu hasieran ireki ahal izatea da.

2024/07/05 - 19:26

Amaitu dira auto-ilarak Zierbenan, A-8an Kantabriarantz, istripu baten ondorioz errei bat itxita egon ostean

Bi autoren arteko talka izan da 14:00ak aldera, eta ez da inor zauritu, baina errei bat itxi behar izan dute, eta ostiral arratsaldeetan izaten den trafiko astuna dela eta, 11 kilometrorainoko ilarak izan dira.

2024/07/05 - 19:02

20 urteko gizon bat larri zauritu da Sartagudan, lanean ari zela traktorea irauli eta azpian harrapatuta

Bardalen izan da istripua, 11:00ak inguruan. Suhiltzaileek atera behar izan dute traktore azpitik, eta helikopteroz eraman dute Nafarroako Unibertsitate Ospitalera. Traumatismo torazikoa du, eta hanka hautsita, eta larri dago.

2024/07/01 - 01:16

Ezkerreko erreia zabalik da AP8an Usurbilen, luizi baten ondorioz errepidea ia bi egunez itxita egon ondotik

Larunbat goizean lur-jauzi handi bat gertatatu zenetik itxita egon da errepidea Irungo noranzkoan. Asteburu osoan garbiketa eta egonkortze lanetan aritu dira eta igande gauerako zabaldu ahal izan da erreietako bat.

2024/06/30 - 21:04

Itxita jarraituko du AP-8 errepidea, Usurbil parean, ingurua egonkortzeko eta garbitzeko lanak egin bitartean

Ez zen inor zauritu, baina, une honetan, trafikoa GI-20 errepidetik bideratzen ari dira. Datozen orduotan ingurua egonkortzen eta garbitzen jarraituko dute, eta errepidea itxita jarraituko du lan horiek amaitu arte.

2024/06/30 - 20:01

Emakumezko motor gidari bat hil da Villabonan

N-1 errepidean izan da ezbeharra 15:15ean, Gasteizko noranzkoan. Lekura hurbildu diren medikuak motor gidaria suspertzen saiatu dira, baina ez dute lortu haren bizia salbatzea.

2024/06/29 - 19:30

AP8 errepideak itxita jarraituko du Usurbilen, ingurua egonkortzen eta garbitzen duten bitartean

Datozen orduotan itxita jarraituko du errepideak. Hori dela eta, trafikoa GI-20 errepidetik desbideratzen ari dira.

2024/06/29 - 14:22

Suhiltzaileak eta teknikariak AP8 errepidea berriz zabaltzeko lanetan ari dira

AP8 errepidea itxi dute behin-behinean, Usurbilen (Gipuzkoa), Irungo noranzkoan, luizi baten ondorioz, Eusko Jaurlaritzako Segurtasun Sailak jakinarazi duenez.

2024/06/28 - 20:53

Donostiako aparkaleku publiko nagusien tarifak % 23 garestituko dira uda honetan

Oraingoz, Cervantes plazako (Kontxa), Boulevardeko eta Okendoko (Telpark enpresak kudeatzen ditu) aparkalekuei eragingo die neurriak. Udalak azpimarratu du erdigunen "trafikoaren eragina murriztea" dela helburua.