Ukrainako gerra
2023/06/25 - 01:31
Amaitu den Wagnerren matxinadak zalantzan jarri du Putinen egonkortasuna
Wagnerren Moskurako martxa etengo duela iragarri zuen atzo arratsaldean Prigozhinek, Lukashenkoren bitartekaritzaren ostean. Milaka mertzenario matxinatu egin ziren ostiral gauean Errusiako Gobernuaren aurka, Ukrainian mertzenarioen kanpamendu bati eraso egin izana leporatu ostean.
2023/06/24 - 16:29
AEBak eta EBko potentzia handiak arnasari eusten ari dira, Wagnerreko mertzenarioen matxinadaren aurrean
AEBek eta Europar Batasunak, biek ala biek, esan dute egoera monitorizatzen ari direla. Errusiako presidenteak traiziotzat jo du Wagner taldeak hartutako bidea, eta matxinadan parte hartu duten guztiek zigor saihestezina jasoko dutela adierazi du.
2023/06/24 - 15:26
Datozen 48 orduak Errusiarentzat "erabakigarriak" izango direla uste du nazioarteak
Wagner taldeak Rostov hartu izana Errusiaren "barne arazo" bat dela uste du Europar Batasunak. Ukrainak, aldiz, errusiar lurraldean gerra zibil bat eragin lezakeen zantzu bat ikusten du. Bestalde, Ramzan Kadirov buruzagi txetxeniarrak Putinen alde dagoela adierazi du.
2023/06/24 - 13:45
Yevgeni Prigozhin, Putinen "chef" izatetik Errusiako Armadaren etsai izatera
Mertzenarioen Wagner taldea sortu zuen 2014an, aurretik ostalari-lanetan aritu bazen ere. 2000. urtean ezagutu zuen Putin, eta pixkanaka haren konfiantza bereganatu zuen.
2023/06/24 - 12:15
Wagnerreko mertzenarioak matxinatu dira, eta Errusiak segurtasuna bermatu die kuarteletara itzultzen direnei
Milaka mertzenario matxinatu egin ziren bart Errusiako Gobernuaren aurka, Ukrainian mertzenarioen kanpamendu bati eraso egin izana leporatu ostean. Wagner taldeko buruak, Yevgeni Prigozhinek, Rostoveko errusiar indarren Estatu Nagusia kontrolpean duela ziurtatu du, eta Putinek traidoretzat jo du.
2023/06/20 - 20:22
Errusiaren beldur dira Suedian
Suediako Parlamentuko batzorde batek adierazi du Errusia dela mehatxu handiena herrialdearen segurtasunarentzat.
2023/06/19 - 16:43
Frontea aurrera doa pausoz pauso, eta milaka ukrainar etxera itzuli ahal izateko zain daude
Ukrainako armadak beste herri bat askatu du Zaporiyiako frontean. Frontea aurrera doa pausoz pauso, eta milaka desplazatu albiste onen zain daude etxera itzuli ahal izateko.
2023/06/18 - 22:32
Eskuz egindako armak, Ukrainako tailer klandestinoetan
Ukrainako Armadak Mendebaldeko aliatuek agindutako armak jaso ditu, baina tailer klandestinoen sare bat ere badu. Bujiak, kohete jaurtigailuak edo kamikaze droneak eskuz egiten dituzte, tropei erasoaldian laguntzeko.
2023/06/16 - 19:58
Errusiaren lehen arma nuklear taktikoak iritsi dira Bielorrusiara
Vladimir Putin Errusiako presidenteak esan du prozesua beranduenez urte amaieran amaituko dela. "Udaren amaieran edo urte amaieran, prozesu hori guztia amaituta egongo da. Baina disuasio-neurri bat da", ziurtatu du.
2023/06/16 - 16:42
Kajovkako presa apurtu zenetik orduro neurtzen dute erradioaktibitatea Zaporiyian
Ukrainak poliki egin du aurrera hegoaldeko frontean. Fronte honetan gerraren berezko arriskuari istripu nuklear baten arriskua gehitzen zaio. Errusiak Europako zentralik handiena okupatu du inbasioa hasi zenetik eta inguruko hirietan erradioaktibitatea neurtzen dute orduero, istripu baten beldur.
2023/06/13 - 12:30
Gutxienez sei hildako Kryvyi Rih Zelenskiren jaioterriaren aurkako erasoan
Misilekin egindako bonbardaketa masibo batek gutxienez sei hildako utzi ditu Kryvyi Rih hirian, Volodímir Zelenski presidentearen jaioterrian.
2023/06/12 - 22:45
Kieven arabera, zazpi herri berreskuratu ditu Ukrainak Errusiaren aurkako kontraerasoaren hasieran
Mendebaldeak agindutako armak iritsi zain egon gabe ekin dio Ukrainako Armadak hilabeteetan iragarrirako kontraerasoari. Oso txikia da oraingoz berreskuratu duten eremua, baina pixkanaka aurrera eginez, Errusiako Armadak Krimea hornitzeko duen bidea moztea da helburu.
2023/06/12 - 16:40
Gerran dagoen hiri baten beharrei auzo osoak ur azpian dituen hiri batenak gehitzen zaizkie orain Khersonen
Presa lehertu eta astebetera, uraren maila jaisten hasi da Kherson eskualdean. Hala ere, azken orduetan, artilleria erasoak areagotu egin dira inguruan.
2023/06/11 - 22:38
Urak mina-eremuak mugitu ditu Ukrainan, eta orain lehergailuak urak hartutako edozein lekutan ager daitezke
Ukrainan mehatxu handia dira egunotan gerrako minak. Errusiarrek okupazioetan barreiatutako minak, orain mugitu egin ditu urak, Nova Kayofkako presa lehertu ostean. Korronteak noraezean eraman ditu, gainera, arriskua biderkatuz.
2023/06/10 - 16:40
Ukrainako Dnieper ibaian jaisten hasia da ur maila; 700.000 pertsona edateko urik gabe daude
Ukrainan, duela egun batzuk Nova Kayofkako presa suntsitu zutenetik, hainbat pertsona hil dira eta milaka euren etxeetatik atera behar izan dituzte sortutako uholdeengatik, urak kaleak eta etxeak hartu zituelako. Gaur albistea da ur maila hasi dela pixkanaka jaisten.
2023/06/10 - 15:35
Bajmuteko frontean 1,4 kilometro aurreratu dituela iragarri du Ukrainak
Ukrainako agintariek adierazi dute etsaiari erasoka ari direla, eta errusiarren zortzi bonbardaketa salatu dituzte azken orduetan.
2023/06/09 - 16:04
Nova Kakhovkako presa suntsitu ondorengo uholdeak astebetez luzatu daitezkeela uste du NBEk
Nazio Batuen Erakundearen hasierako kalkuluen arabera, uholdeek gutxienez 40.000 pertsonari eragin die. Ukrainako Gobernuaren esanetan, gutxienez 4 pertsona hil dira, beste 13 desagertuta daude eta 2.400 pertsona baino gehiago ebakuatu dituzte.
2023/06/08 - 22:39
Urak lurrazalean zabaldutako minak arrastan eraman ditu, eta arriskua biderkatu egin da Jerson inguruan
Ukrainan Nova Kajofnako presa lehertu eta 3 egunera urak zabaltzen eta herriak harrapatzen jarraitzen du. Uholde hauen beste ondorio bat da gainera, urak lurrazalean zabaldutako minak arrastan eraman dituela arriskua biderkatuz. Mikel Ayestaran, Jerson inguruan dago.
2023/06/08 - 13:58
2.000 lagun ebakuatu dituzte eta 600 kilometro koadro urpean daude, Nova Kakhovkako presa suntsitu zutenetik
Aurki edateko ura faltako dela ohartarazi du Nazio Batuen Erakundeak. "Milaka herritar zeuden Nova Kakhovka urtegiaren menpe, eta ur maila oso arin ari da jaisten", adierazi du.
2023/06/08 - 13:44
Ukrainak dio Khersonen 600 kilometro koadro urpean daudela Kajovkako presa suntsitu ondoren
Volodimir Zelenski Ukrainako presidentea Kherson probintziara joan da gaur, bertako agintariekin batera larrialdi operazioak koordinatzeko, Kievek Errusiako armadari egozten dion Kajovka presaren suntsipenak eragindako hondamendiaren aurrean.