VOX
2023/08/21 - 09:11
Espainiako erregeak gaur abiatuko du inbestidurarako bilera erronda UPN, CC, EAJ eta Sumarrekin bilduta
Bihar, Voxen (10:30), PSOEren (12:00) eta PPren (16:00) txanda izango da. ERCk, EH Bilduk, Juntsek eta BNGk uko egin diote Espainiako erregearekin elkartzeari.
2023/08/18 - 18:03
Abuztuaren 25a izango da talde parlamentarioak osatzeko azken eguna
Taldeek izena emateko epea datorren ostiralean amaituko da, eta hurrengo astelehenean bilduko da Mahaia ebazpena emateko. Junts eta ERC ziurgabetasun egoeran daude taldeak osatzeko baldintza guztiak ez dituztelako betetzen.
2023/08/17 - 15:17
Kongresuko Mahaiaren osaketak PPren eta Voxen arteko haustura erakutsi du, eta Feijooren inbestidura zaildu
Voxek bere hautagaiari eman dio botoa Kongresuko Mahaiko presidente izateko, eta PPk ez ditu hautagai ultraeskuindarrak babestu presidenteordetza eskuratzeko.
2023/08/14 - 22:20
Chivitek gobernu "aurrerakoia" defendatu du, "eskuinen inboluzioaren" aurrean
Bestalde, hautagai sozialistak iragarri du euskarari buruzko akordioa bultzatuko duela, "errealitate soziolinguistikotik abiatuta"
2023/08/14 - 16:35
Gobernu berria "zatituta" jaio dela dio UPNk eta "zorrotza" izango dela ohartarazi du EH Bilduk
Geroa Bairen arabera, gobernu akordioak 2015ean hasitako bideari jarraituko dio. Zurekin Nafarroak, bere aldetik, nabarmendu du bere babesa ez dela "txeke zuri bat", bide baten "hasiera" baizik.
2023/08/14 - 16:05
Maite Nosti (Vox): ''Chivite anderea, zure botere anbizioa neurrigabea da''
Alderdi komunista batekin eta Sabino Aranaren jarraitzaile den alderdi separatista batekin ituna egitea leporatu dio Voxeko parlamentariak Maria Chiviteri. PSNk "alderdi komunista, abertzale, separtista eta 'filoetarra' baten babesa" izango duela ere salatu du.
2023/08/14 - 09:27
Gaur hasiko da Chivite Nafarroako presidente izendatzeko inbestidura saioa
Nafarroako Parlamentuak 50 eserleku ditu, eta alderdiek dagoeneko iragarri dituzte euren botoak. PSNk (11), Geroa Baik (7) eta Zurekin Nafarroak (3) alde bozkatuko dute, eta EH Bildu (9) abstenitu egingo da.
2023/08/10 - 18:28
Espinosa de los Monterosen ordezkoak ez du Kongresuko akta jasoko eta Voxen barne krisia areagotu du
Gainera, Juan Luis Steegmann medikuak uko egin die eskuin muturreko alderdiko zuzendaritzako karguei. Voxek bost eserleku lortu zituen Madrilgo barrutian; beraz, Steegmannek, zerrenda horretako seigarrenak, Espinosa de los Monterosek utzitako hutsunea bete behar zuen.
2023/08/09 - 13:24
PSN, Geroa Bai eta Zurekin Nafarroako ordezkariak EH Bildurekin bildu dira, gobernu akordioa azaltzeko
Lau indar politikoak goizean batzartu dira Nafarroako Parlamentuan. Bestalde, Unai Hualde Foru Ganberako presidenteak Parlamentuko talde guztiak hartu ditu inbestidurarako aukerak aztertzeko. EH Bilduk Hualderi jakinarazi dio bere militanteek erabakiko dutela abstenitu ala ez.
2023/08/08 - 14:47
Espinosa de los Monterosek Voxen zuzendaritza utziko du
Diputatu hautatu eta orain arte alderdi ultraeskuindarraren Kongresuko bozeramailea izan denak argitu du militante gisa jarraituko duela Voxen.
2023/08/08 - 14:42
''Arrazoi pertsonalengatik'' utziko du politika Espinosa de los Monterosek
Ivan Espinosa de los Monteros diputatu hautatu eta orain arte alderdi ultraeskuindarraren Kongresuko bozeramailea izan denak alderdiaren zuzendaritza utziko duela iragarri du. Argitu du militante gisa jarraituko duela Voxen eta, gaineratu du, Abascal Gobernuko presidente ikusteko esperantza duela.
2023/08/07 - 14:48
Voxen eskaintza ''PPrekin izandako bilera sekretuetan adostutakoa'' dela ziurtatu du Rodriguezek
Isabel Rodriguez Espainiak Gobernuko jarduneko eledunak Alberto Nuñez Feijoo PPko buruari eskatu dio "itxurakeriak egiteari uzteko". "Voxen eskaintza ez da kasualitatea. PPrekin izandako bilera sekretuetan adostutakoa da", esan du.
2023/08/07 - 09:04
Hauteskunde Batzordeak gaur erabakiko du PSOEk boto baliogabeak berrikusteko egindako eskaerari buruz
Madrilgo Probintzia Batzordeak atzera bota zuen, "bideraezina" zelakoan, arrakasta izateko aukerarik ez zuelakoan eta "funtsik gabeko espekulazioetan" oinarritzen zela argudiatuta. Sozialistek, ordea, aldea "txikia" dela argudiatu dute, 1.300 boto eskasekoa.
2023/08/06 - 14:59
Feijoo, Voxen proposamenaren inguruan: “Konstituzionalismorako aurrerapausoa da, beharrezkoa”
PPren presidente eta Gobernu espainiarreko presidente izateko hautagai den Alberto Nuñez Feijook berretsi du euren proposamena dela "Alderdi Popularraren gobernua bakardadean osatzea, akordio zabal batean oinarrituta, Konstituzioaren barruan".
2023/08/06 - 14:52
Voxek PP babestuko luke Gobernuan sartu gabe, Sanchezen inbestidura saihesteko "separatisten" laguntzarekin
Alderdi ultraeskuindarreko 33 diputatuek PPren 137 eserlekuen eta PSOEren 121 hautetsien batura jarri dute mahai gainean, haien diputatuekin batera 291era iritsiz. Gobernu bat osatu nahi dute, "Konstituzioaren oinarriak suntsitu nahi dituztenen" babesik gabe.
2023/08/04 - 18:40
PPk eta Voxek akordioa sinatu dute Aragoin elkarrekin gobernatzeko
Jorge Azcon popularra izango da Gobernuko presidentea, eta Voxeko Alejandro Nolasco, presidenteordea.
2023/07/31 - 22:40
Voxek ezagutzera eman du Feijoo eta Abascal hauteskundeen emaitzak aztertzeko bildu zirela
Eskutitzak elkarri trukatzetik, adierazpenak gurutzatzera igaro dira popularrak eta sozialistak. Feijooren taldeak gobernatzeko eskubideari eusten dio, Sanchezi negoziatzera deitzen dioten bitartean. Sanchezek, baina, argi du: gorteak osatutakoan, gehiengo parlamentarioa lortzeari ekingo dio.
2023/07/31 - 11:21
PSOEk Hauteskunde Batzorde Zentralean aurkeztuko du Madrilgo 30.000 boto baliogabeak berrikusteko eskaera
Madrilgo Hauteskunde Batzordeak berrikusteari uko egin zion atzo. Argudiatu zuenez, "ez dago arrazoirik" berrikusketa egiteko. Erkidego horretan oso estua da PPren eta PSOEren arteko boto aldea (1.300 bat), eta hala, "ahalik eta zuhurren" jokatu nahi dute sozialistek.
2023/07/30 - 21:18
Madrilgo Hauteskunde Batzordeak baztertu egin du PSOEk 30.000 boto baliogabe berrikusteko egindako eskaera
Madrilgo Hauteskunde Batzordearen ebazpenaren arabera, "ez dago arrazoirik Hauteskunde Batzorde honi eskatu zaion ezohiko berrikuspena egiteko boto baliogabean izan ditzakeen irregulartasunei buruz". PSOEk iragarri du Hauteskunde Batzorde Zentralera jo duela, ezezkoa jaso ostean.
2023/07/30 - 14:52
PSOEk boto baliogabeak berraztertzea eskatu dio Madrileko Batzordeari, diputatu bat lortzeko tartea ikusita
PSOE 1.323 botora geratu da hamaikagarren diputatua lortzetik, eta horrek ekarriko luke PPk hamaseigarrena galtzea, alegia, Carlos Garcia Adanero UPNren kidek ohiari dagokiona.