Pandemian jarritako terrazak "arrazoizkoa den epean", uda baino lehen, kendu nahi ditu Donostiako Udalak
Pandemian, salbuespen egoeran, handitu edota ezarri ziren terraza berriak "arrazoizkoa den epean", uda baino lehen, kendu nahi ditu Donostiako Udalak, Eneko Goia alkateak gaur jakinarazi duenez.
Goiak Intxaurrondo auzoan eraberritu duten Intxaurralde Zahar Etxearen inaugurazioan eman du asmoaren berri. Aurreratu duenez, datorren astean bilduko da ostalariekin, data zehazte aldera. "Arrazoizkoa izan daitekeen epe bat adostu" nahi dutela azpimarratu du, baina ohartarazi duenez, "arrazoizkoa ez da udara eta gero".
Ostalariek, aldiz, udara amaiera arte eutsi nahi diote neurriari. Euren ustez, tabernari txikientzat "ezinbestekoak" dira. Mikel Ubarretxena Gipuzkoako ostalarien presidenteak Euskadi Irratiari azpimarratu duenez, "terraza horiei esker egon dira zabalik taberna txiki asko, eta horiek mantendu dute bizi ostalaritza". Terrazok kendu behar badira, gaur egungo ordenantza aldatzea eskatu diote Udalari.
Tabernariei erantzunez Goiak esan duenez, "uler dezaket, bakoitzak bere ikuspegia eta interesa defendatzen duelako, baina indarrean dagoen ordenantza indarrean dagoen ordenantza da, eta hori ez betetzeko arrazoi bakarra salbuespen egoera da".
Hego Euskal Herriko gainerako hiriburuetan ere aurki desagertuko dira. Bilbon maiatzaren 30ean kenduko dituzte, eta Iruñean, sanferminak pasatuta. Gasteizen, azkenik, ordenantza aldatu dute eta urte guztian paratu ahalko dira terrazak, zorura lotuta eta berogailuarekin hornituta.
Zure interesekoa izan daiteke
Mahai Sektoriala uzteko mehatxua egin du UGTk Osakidetzak medikuei "tratu pribilegiatua" ematen dien "ezkutuko estatutua" bultzatzen badu
UGT izan da astelehen honetan aurkeztuko den proposamenari erantzun dion lehen sindikatua, nahiz eta aurreko batzuetan Osakidetzan ordezkaritza duten beste erakunde batzuek ere kritikatu izan duten medikuei ematen zaien "mesede-tratua".
Guardien eta soldaten sisteman hobekuntzak jasotzen dituen akordio-proposamena aurkeztuko du Osakidetzak astelehenean
Euskadiko Medikuen Sindikatuak positibotzat jo du proposamena, baina irailerako aurreikusitako greba mugagabearen deialdiari eutsi dio, Osasun Ministerioarekin ez baitago adostasunik Estatutu Marko propioaren inguruan.
Akordioa Osakidetzaren eta sindikatu medikoen artean, guardien antolaketa aldatzeko
Osasun Sailak asteleheneko mahai sektorialera eramango du medikuen lan-baldintzak hobetzea helburu duen akordio-proposamena. Testuak honako hauek aurreikusten ditu, batik bat: guardien eredua berrikustea, atseden-sistema hobetzea, guardien ordainsaria mailaz maila handitzea eta lanbide-aitorpena indartzea. Bestalde, Euskal Medikuen Sindikatuak nabarmendu du hitzarmenak ez dituela bere aldarrikapen guztiak asetzen, baina aurrerapauso esanguratsutzat jo du, eta, gainera, egungo gatazka giroa baretzen lagun dezakeela uste du. Alberto Martinezek, Eusko Jaurlaritzako Osasun sailburuak, azaldu du antolaketa aldaketa hau "baloratzeko lan taldeak sortuko" dituztela.
EAEko BPGa % 2,1 igo da bigarren hiruhilekoan iaztik, eta % 0,5 lehenengo hiruhilekotik
Eustatek egindako hiruhilekoko kontu ekonomikoen aurrerapenaren arabera, EAEko enplegua % 1,3 igo da urteko bigarren hiruhilekoan, 2025eko bigarren hiruhilekoarekin alderatuta, eta % 0,4 2026ko lehen hiruhilekoarekin alderatuta.
Miraik, Jainagaren konpainiak, estaldura elektrolitikoak egiten dituen Reco enpresa bizkaitarra erosi du
Barakaldon kokatuta dago, eta taldeak 40 urte baino gehiagoko esperientzia du. Egun, 60 langilek egiten dute lan eta iaz 14 milioi euroko irabaziak izan zituen.
Dependentziarako laguntzak finantzatzeko akordioa lortzeko Kontzertu Ekonomikoaren garrantzia azpimarratu du D'Anjouk
Noel d'Anjou Eusko Jaurlaritzako Ogasun eta Finantza sailburuak Euskadi Irratian adierazi duenez, Euskadiren kasuan dependentziarako laguntzen % 50 Estatuak finantziatuko ditu, Kontzertu Ekonomikoaren baitan lortutako akordioari esker. Prozesua "zaila eta oso teknikoa" izan dela adierazi du, baina azkenean lortu egin dela nabarmendu du. Menpekotasunaren konpetentzia Foru Aldundiena dela gogorarazi du, eta, horrez gain, iragarri du urrian Herri-Dirubideen Euskal Kontseiluak egingo duen bileran erabakiko dutela nola banatu Madrildik etorriko den finantzazioa.
Balenciaga Shipyardek aro berri bati ekin dio bere lehen ontziaren gila jarrita, eta itxieraren mehatxua atzean utzi du
Inaugurazio ekitaldia gaur goizean izan da, Zumaiako Balenciaga Shipyarden portuko instalazioetan bertan. Mikel Jauregi Industria, Trantsizio Energetiko eta Jasangarritasun sailburua "hilabete askotako hotzaren eta hodeitzar beltzen" ondoren, ontziola zumaiarrak "etorkizun oparoa" duela eta pozik agertu da.
Euskadik 407 milioi euro izango ditu mendekotasun sistema finantzatzeko 2027an, duela hiru urte halako bi
Akordio berriari esker Estatuak gastuen % 50 finantzatuko dituela, eta ekarpen hori "babestu" egingo dela etorkizuneko lege aldaketen aurrean.
Urtean 250 milioi euro gehiago emango dizkio Espainiako Gobernuak EAEri, mendekotasun arreta finantzatzeko
Kontzertu Ekonomikoaren gaineko Batzorde Mistoak, aho batez, onartu egin du EAEko Autonomiaren Aldeko eta Mendekotasunari Arreta Eskaintzeko Sistemaren finantzaketa osagarriari buruzko akordioa. Horren arabera, Araban, Bizkaian eta Gipuzkoan erakunde publikoek mendekotasun sistemara bideratutako gastuen % 50 Estatuak ordainduko ditu datorren urteko urtarrilaren 1etik aurrera.
Pello Igeregi, ELA: "Absentismoa Euskal Herrian % 0koa da; ez dago absentismorik"
Enpresek ezartzen dituzten lan baldintzek, prebentzio faltak eta osasun publikoaren ahultzeak langileen osasun egoera nabarmen okertu dutela salatu du ELA sindikatuak. Hego Euskal Herrian "absentismoa ehuneko zerokoa" dela esan du Pello Igeregi ELAren Lan Osasuneko arduradunak, eta langileak kriminalizatzea leporatu die Alderdi Popularrari eta Confebaski.