EBk errepresaliak atzeratu ditu Trumpen muga-zergen aurrean, negoziatzen jarraitzeko
Ursula von der Leyen Europako Batzordeko presidenteak iragarri duenez, abuztuaren 1era arte jarrituko dute negoziatzen, egun horretan amaitzen baita negoziatzeko luzapena AEBk muga-zergak % 30era igo aurretik.
Ursula von der Leyen, Bruselan egindako prentsaurrekoan. Argazkia: Europa Press.
Ursula von der Leyen Europako Batzordeko presidenteak igande honetan iragarri duenez, Europar Batasunak Trumpek iragarritako muga-zergen aurkako errepresalia neurrien aplikazioa atzeratzen jarraituko du.
Hain zuzen ere, abuztuaren 1era arte jarraitu nahi dute AEBko Gobernuarekin negoziatzen, egun horretan amaitzen baita Washingtonek negoziazioak egiteko eskainitako luzapena muga-zergak % 30era igo aurretik.
"AEBk gutun bat bidali digu irtenbide negoziatu bat izan ezean indarrean sartuko diren neurrien berri emateko; beraz, guk ere abuztura arte ere atzeratuko ditugu gure neurriak", azaldu du Von der Leyenek Bruselan emandako prentsaurrekoan.
Europako Batzordeko presidenteak —Europako merkataritza-politikaren arduraduna— azpimarratu duenez, errepresaliak etenda izan arren, EBk AEBren muga-zerga berri horien aurkako neurriak prestatzen jarraitzen du, Etxe Zuriarekin negoziazioek huts egiten badute, erantzuna prest izateko.
"Horretarako prest gara, eta kontrako neurriekin erantzun dezakegu, beharrezkoa bada", azpimarratu du Von der Leyenek.
Gainera, Europako Batzordeko presidenteak Europako merkatu bakarra babestu du, eta merkataritza-harremanak "dibertsifikatzea" garrantzitsua dela gaineratu du.
Europar Batasuneko Merkataritza ministroek egoera aztertuko dute Kontseiluak astelehenean egingo duen ezohiko bileran, altzairu eta aluminioaren gaineko muga-zergen aurrean adostutako neurriak indarrean sartu bezperan. Hala ere, neurri horiek abuztuaren hasierara arte atzeratuko dituzte.
Gaur egun, AEBk bi muga-zerga jartzen dizkie Europar Batasuneko produktuei: batetik, % 10eko muga-zergak jartzen dizkie Europako produktu guztiei, eta, bestetik, % 25eko tasak jartzen dizkie altzairu, aluminio eta automobilen inportazioei. Hala ere, errekargu horiek bikoiztu eta % 50eraino igo ditzakeela ohartarazi du Trump presidenteak.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan Bilboko egoitzan. Erakundeetako eta enpresa munduko ordezkariak bildu dituen ekitaldi batean, konpainiaren historia gogoratu dute, eta "argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolako presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.