Trumpek % 30eko muga-zergak iragarri ditu Europar Batasunarentzat, abuztuaren 1etik aurrera
AEBko presidenteak gutun bat argitaratu du bere sare sozialean, eta esan du atzera egingo duela "Europar Batasunak edo EBko enpresek Estatu Batuetan produktuak fabrikatzea erabakitzen badute". Von der Layen prest agertu da negoziatzen jarraitzeko.
Donald Trump, AEBko presidentea. Argazkia: EFE
Donald Trump AEBko presidenteak iragarri du % 30eko muga-zergak ezarriko dizkiela Europar Batasuneko produktu guztiei abuztuaren 1etik aurrera.
"2025eko abuztuaren 1etik aurrera, Estatu Batuetara bidalitako EBko produktuen gaineko % 30eko muga-zerga bakarrik kobratuko diogu Europar Batasunari, muga-zerga sektorial guztietatik aparte", jakinarazi du Trumpek Truth Social sare sozialean, Ursula von der Leyen Europako Batzordeko presidenteari zuzendutako gutun bat argitaratuta.
Aurreko egunetan beste herrialde batzuekin egin duen bezala, Trumpek atzera egingo du "Europar Batasunak edo EBko enpresek AEBn produktuak fabrikatzea erabakitzen badute".
"Ahal dugun guztia egingo dugu onarpenak azkar, profesionalki eta errutinaz lortzeko; hau da, asteak igaro baino lehen", idatzi du gutunean, ohiko formatuari jarraituz: EBk, arrazoiren batengatik, muga-zergak handitzea eta errepresaliak hartzea erabakitzen badu, "kopuru bera gehituko diogu % 30 horri".
Trumpen iragarpenaren berri izan bezain laster, Ursula von der Leyen Europako Batzordeko presidenteak Estatu Batuetako presidenteari berretsi dionez, Brusela prest dago akordio komertzial bat negoziatzeko, nahiz eta "beharrezko" joz gero, errepresalia neurriak hartzeko aukera zabalik utzi duen.
Von der Leyenek, Trumpen gutuna "aintzat hartzen" duela azaldu ondoren, ohartarazi du zerga gehigarri hori ezartzeak "funtsezko hornidura kate transatlantikoak etengo lituzkeela, Atlantikoaren bi aldeetako enpresen, kontsumitzaileen eta pazienteen kaltetan".
Europako Batzordeko presidenteak adierazi duenez, "munduan ekonomia gutxik berdintzen dute Europar Batasunaren bidezko merkataritza praktiken irekitasun eta atxikimendu maila", zeinak "sistematikoki lehenetsi baitu AEBrekin negoziatutako irtenbide bat". Bere ustez, horrek "elkarrizketaren, egonkortasunaren eta elkarte transatlantiko eraikitzaile baten aldeko konpromisoa" islatzen du.
Von der Leyenek azpimarratu duenez, Brusela prest dago "abuztuaren 1a baino lehen akordio bat lortzeko lanean jarraitzeko", baina ohartarazi du bere interesak "babesteko beharrezkoak diren neurri guztiak" ere hartuko dituela, "baita kontraneurri proportzionalak ere, beharrezko ikusiz gero".
"Bitartean, arauetan oinarritutako nazioarteko merkataritzaren printzipioetan sendo errotutata dauden aliantza globalak sakontzen jarraitzen dugu", esan du Von der Leyenek.
% 30ekoak Mexikori ere
EBra bezala, Mexikora ere bidali du gaur mezua Trumpek. AEBko presidenteak Claudia Sheinbaum Mexikoko presidenteari zuzendutako gutun bat argitaratu du eta bertan jasotzen denez, "% 30eko muga-zerga berriak" ezarriko dizkie "AEBra bidalitako produktu mexikarrei, muga-zerga sektorial guztiez gain", abuztuaren 1etik aurrera.
Mandatariak gutunean azaldu duenez, muga-zerga horiek "gorantz edo beherantz" alda daitezke, AEBren eta Mexikoren arteko harremanen arabera.
"Lurra zeharkatu duen jenderik mesprezagarrienaz osatzen diren kartelak eta gure herrialdera datozen drogak ez geldiaraztea" leporatzen dio Trumpek Mexikori.
Halaber, Mexikok errepresaliak hartu eta muga-zergak handitzea erabakitzen badu, AEBek hark erabakitako kopuruari beste % 30 gehituko diola ohartarazi dio.
Trumpek gutunean adierazi duenez, Mexikok "muga babesten lagundio dio AEBri, baina Mexikok egin duena ez da nahikoa", eta gehiago egin behar du "muga babesteko" eta fentaniloaren droga Estatu Batuetara iristea eragozteko.
"Mexikok kartelei desafio egitea eta fentaniloaren fluxua gelditzea lortzen badu, gutun hau doitzea pentsatuko dugu", idatzi du presidente errepublikanoak.
Mexikoko Gobernuak AEBrekin "mahai binazional" bat eratu duela iragarri du, eta joan den ostiralean egin dute lehen bilera, aurrez jaso baitzuten zergen iragarpenaren berri.
"Mahai iraunkor binazionalaren lehen zeregin nagusia lanak gidatzea izango dela adostu zen, data hori (abuztuaren 1a) baino lehen mugaz bi aldeetako enpresak eta enpleguak babestea ahalbidetuko duen alternatiba bat izan dezagun", gaineratu du Gobernuakk X. kontuan argitaratutako ohar batean. Segurtasuna, migrazioa, muga eta uren kudeaketa eta bi herrialdeen arteko harreman ekonomikoa landuko dira, besteak beste.
Zure interesekoa izan daiteke
Ali Khamenei aiatola Mashhaden lurperatu dute, sei eguneko hileta-zeremonien ostean
Irango lider gorena zenaren ehorzketarekin bukatutzat eman dituzte sei eguneko hileta-zeremoniak. Jendetza bildu da Irango kaleetan, eta erregimenak indar eta batasun irudia erakutsi nahi izan du.
NATOren goi-bileraren ostean Espainia "oso eskuzabal" aritu dela esan du Trumpek
Estatu Batuetako presidenteak ziurtatu duenez, Espainiako Gobernuak Aliantza Atlantikoaren "ordainketa ugari" egiteko eskaerari erantzun dio, eta aliatuek Ankaran egindako bileraren ostean erakutsitako batasuna goraipatu du.
AEBek 90 helburu militar inguru bonbardatu dituzte Iranen, eta Teheranek base estatubatuarrei eraso egin die
Washingtonek Iranen aurkako beste erasoaldi militar baten berri eman du, esan dutenez, Teheranek Ormuzeko itsasartean merkataritza-ontzien aurka egindako erasoei erantzuteko. Iranek dio operazioak su-eten iraunkorra urratu duela.
Koro Barriolaren gorpua aurkitu dute Venezuelan, hondakinen artean hildako hirugarren euskalduna
81 urte zituen eta donostiarra zen; Alazne Solabarrieta eta Jon Sustacharen gorpuak aurkitu zituzten aurretik.
"Espainiarekin alferrik da": Trumpek merkataritza guztia eteteko mehatxua egin du
AEBko presidenteak merkataritza-trukeak hausteko asmoa agertu du Espainiak gastu militarra igotzeari uko egin ondotik; Espainiako Gobernuak, berriz, "lasaitasunez eta normaltasunez" hartu du mehatxua.
Trumpek amaitutzat eman du Iranekin adostutako su-etena eta dio ez duela gehiago negoziatu nahi
Donald Trump AEBko presidenteak Ankaran adierazi duenez, Iranekin adostutako su-eten akordioa "amaitu da", eta baztertu egin du negoziazioekin jarraitzea, herrialdea "gaixo, gaizto eta bortitzek zuzentzen" dutela iritzita.
AEBren erasoei "erantzun irmoa" emango diela mehatxatu du Iranek, eta Bahrainek eta Kuwaitek alarmak piztu dituzte
Irango agintariek salatu dutenez, AEBko bonbardaketek hautsi egin dute ekainean lortutako su-eten akordioa, eta Ameriketako Estatu Batuek diote Ormuzeko itsasartean ontzi komertzialen aurka egindako erasoei erantzun zietela.
Marine Le Pen hauteskundeetara aurkeztuko da, Justiziak zigorra murriztu ostean
Iazko martxoan, kargu publikoan aritzeko bost urteko inhabilitazioa eta lau urteko espetxe zigorra ezarri zioten politikari ultraeskuindarrari, diru publikoa bidegabe erabiltzeagatik. Orain, zigor hori hiru urteko espetxe zigorrera eta 15 hilabeteko inhabilitaziora murriztuta geratu da eta ultraeskuineko liderrak iragarri du hauteskundeetan lehian arituko dela.
Politikaren itzala futbolean: Mussolini, Trump eta beste zenbait adibide
Balogunen indultuak mundu mailako oihartzuna izan du; Munduko Kopetan antzeko kasu gehiago izan dira.
Macronek Damaskora egiten ari den bidaiaren agendari eutsiko dio, bere hotelaren ondoan leherketa batzuk izan arren
Bi leherketa gogor izan dira astearte honetan Damaskon, Emmanuel Macron Frantziako presidenteak Siriako hiriburura egindako bisitarekin bat eginez. Agintarien esanetan, badira guxtienez 18 zauritu.