Madrilgo kaleak zaborrez gainezka, grebaren 9. egunean
Zikinkeriaz eta zaborrez beteta. Hala daude bederatzigarren egunez Madrilgo kaleak, garbiketa zerbitzuetako langileek abiatutako greba mugagabearen ondorioz. Konponbideak, gainera, urrun dirudi.
Oraingoz egoera ez da osasun publikoari erasatekoa modukoa. Hala azpimarratu du Ana Mato Osasun ministroak. Madrilgo gobernua "erne" dago, eta, egoera "benetan larria" denean eta osasunerako arriskutsu bihurtzen denean, "hartu beharreko neurriak" hartuko dituela agertu du.
Bien bitartean, herritarrek gatazka lehenbailehen konpontzeko eskatu dute. 2.000 sinadura baino gehiago bildu dituzte Internet bidez Armadak kaleak garbi ditzan. Defentsa Ministerioak argi utzi du Udalak berak eskatu beharko diola esku hartze hori, eta halakorik, oraingoz, ez duela egin.
Irtenbide barik
Madrilgo gobernuak eta sindikatuek negoziatzen jarraitzen dute, baina, gaur-gaurkoz, ez dirudi konponbide azkarra edukiko duenik. Lan-gatazka garbiketa enpresek iragarritako enplegu-erregulazioko txosten baten harian sortu da: 6.000 langileetatik 1.000 baino gehiago kalean geratuko lirateke, hori betez gero. Madrilgo gobernuak % 33 murriztu zuen garbiketarako aurrekontua, eta hortik etorri ei da txostena.
Enpresek proposamen berria egin zioten langileei atzo. Horren arabera, langileek 2007ko soldatei eta antzinakotasunari eutsiko zieten, baina hilabeteko enplegu-erregulazioko txostena aplikatuko liekete behargin guztiei. Astelehenean, berriz, kaleratuen kopurua 625ra murriztu zuten, baina soldatak murriztea zekarren eskaintzak. Aukera guztiei ezetz esan diete sindikatuek.
Bederatzi egun hauetan, 16 lagun atxilotu, 211 identifikatu eta 27 salatu dituzte "ekintza bandalikoak" egotzita.
Albiste gehiago gizartea
Nagore Laffage oroitu dute Iruñean, hil zutenetik 17 urte pasa direnean
Duela 17 urte hil zuen Jose Diego Yllanesek Nagore Laffage, honek 20 urte zituenean. Hura oroitzeko elkarretaratzean, dozenaka lagun bildu dira Astelehen Lilak elkarteak deituta, Asun Casasolari, Nagore Laffageren amari, babesa erakusteko. Musikaz jantzitako ekitaldian, besteak beste, Unai Hualde Nafarroako Parlamentuko presidentea, Joseba Asiron Iruñeko alkatea eta UPN, PSN, EH Bildu, Geroa Bai, PPN eta Contigo-Zurekin alderdietako ordezkariak ere izan dira.
Giako Andre Mariaren eguna ospatu dute Portugaleten
Ohitura den legez, uztailaren 1ean milaka pertsona gerturatu dira Portugaletera Giako Andre Mariaren eguna ospatzera. Egun osoko egitarau oparoa antolatu dute: prozesioaz gainera, jaitsierak, musika, herri-kirolak eta jokoak izango dira giroa alaitzeko.
Abian dira aldundiek eskaintzen dituzten udalekuak
Bizkaia, Araba eta Gipuzkoan 4.000 plaza baino gehiago eskaintzen dira 7 eta 13 urte bitarteko neska-mutilentzat. Horrez gain, 14 eta 17 urte bitarteko gazteentzat ere eskaintzen dira oporretako egonaldiak.
Argi berdea, sarreren birsalmentan prezioa igotzea debekatzen duen arauari
Espainiako Gobernuak argi berdea eman dio ikuskizunetarako sarreren birsalmentan prezioa igotzea debekatzen duen arau bati. Helburua da birsalmentan aritzen diren plataformek eta enpresek sortzen dituzten gehiegizko onurak eta espekulazioa geldiaraztea.
ELAk Bilboko Udala salatuko du, lan eskaintza publikoetan euskara maila jaisteagatik
Udalak %70etik %40ra jaitsi du 35 deialditan euskarazko hizkuntza eskakizunak egiaztatzeko baldintza eta, kasu batzuetan, erabat kendu du baldintza hori.
Nola eragiten die beroak gailu elektronikoei?
Tenperatura altuen eta bero-boladen ondorioak pairatzea ez da soilik gizakion kontua. Askotan, gailu elektronikoek, gure egunerokoan hain beharrezkoak direnek, funtzionatzeari uzten diote beroa dela eta.
Gasteiz eta Bilboko aireportua lotzen dituen autobus linea berria abian da
Lehenengo autobusa 4:30ean irtengo da Gasteiztik, eta, azkena, 21:45ean. Loiutik lehen eta azken zerbitzuak, berriz, 6:30ean eta 23:30ean izango dira, hurrenez hurren.
Aske utzi dute apirilean Bilbon gizon bat indarkeriaz hiltzeaz akusatutako gizona, kautelazko neurriekin
Ertzaintzak atzo atxilotu zuen 30 urteko gizasemea, hilketaren ustezko egilea zelakoan. Baliteke atxiloketa gehiago egitea, jakinarazi dutenez.
Gizon bat espetxeratu dute Donostian emakume bat jo eta bortxatzeagatik
Gertakariak larunbat gauean izan ziren, Udaletik baieztatu dutenez.
TAO zerbitzua, udan: Bilbo, Donostia, Gasteiz eta Iruñean izango diren aldaketa nagusiak
Bilbon, larunbatetan eta jaiegunetan zerbitzua bertan behera geldituko da, eta abuztutik arratsaldetan gauza bera gertatuko da. Gasteizen, abuztuaren 4tik 31ra bitartean ez da zerbitzua ordaindu beharko. Aitzitik, Donostian larunbat arratsaldeetara eta igande eta jaiegunetara zabalduko da, eta Iruñean, sanferminetan, eguneko 24 orduetan ordaindu beharko da.