Zarautzen ustez alaba itsasora jaurti zuen gizona, akusatuen aulkian
2010. urteko urriaren 7an Zarauzko (Gipuzkoa) hondartzan hilik topatu zuten neskatoaren auzia epaitzen hasiko dira gaur. Aita eseriko da akusatuen aulkian, alaba itsasora bota izana egotzita.
Gipuzkoako Fiskaltzak 23 urte eta sei hilabeteko espetxe-zigorra eskatuko du horrentzat, hilketa delitua leporatuta, eta bi urtekoa, bikotekide ohiari (hildako neskatoaren ama) mehatxu egitea egotzita.
Lehen saio honen hasieran, herri-epaimahaiko kideak hautatuko dituzte. Iñaki Subijana epaileak baimendu egin du salara ikusleak eta kazetariak sartzea, baina ez akusatuari argazkiak ateratzea.
2010. urteko urriaren 7an, Ertzaintzak urte eta erdiko neskato bat hilik aurkitu zuen Zarauzko hondartzan, eta, ondoren, aita atxilotu zuen. Hura bilatzeko eta atxilotzeko agindua zuten aurretik, beste gertakari batengatik. Guztira, 11 aldiz atxilotu dute, tartean bere bikotekideari eraso egiteagatik eta alaba bahitzeagatik; azken hori, urte horretan bertan egin zuen.
2010eko egun hartan, gizonak Ertzaintzari deitu zion 05:20an, adin txikikoa desagertu zela jakinarazteko. Haren esanetan, Montetxio parkean, aire librean, biak lotan zeudela desagertu zen alaba.
Umea bilatzeko protokoloa ezarri zuen orduan Larrialdietarako Zuzendaritzak.
Alaba bahitu zuen urte berean
Bestalde, ustez alaba itsasora bota baino hiru hilabete lehenago, 2010eko uztailaren 18an, Galdakaon atxilotu zuten gizonezkoa, alaba bahitu eta Zarauztik hara ihes egin izana egotzita. Galdakaoko Udaltzaingoak atzeman zuen, bizilagun batek gizonezkoa adingabe batekin herritik noraezean zebilela ikusi eta horren berri eman eta gero.
Neskatoaren gurasoak bananduta zeuden. Ama atzerrian bizi zen, alabarekin. Uztailean, baina, Zarautzera bueltatu zen, bikotekide ohiarekin zituen kontu legal batzuk konpontzera. Hilaren 17an, hain zuzen, gizonarekin bildu zen, Zarauzko etxebizitza batean, eta eztabaida izan zuten. Gizonak emakumea kolpatu zuen, eta zauriak egin zizkion aurpegian eta lepoan.
Emakumeak etxebizitzatik ihes egitea lortu zuen, baina alaba han utzi zuen. Biharamunean alaba non zen galdetu zionean, Zarauztik joana zela jakinarazi zion gizonak, eta neskatoa ez zuela berriro ikusiko esanez mehatxu egin zion.
Albiste gehiago gizartea
Zarautzen egindako manifestazio batek herriaren turistifikazioa salatu du
"Turismoaren negozioari ez" lemapean, Zarautzen manifestazioa egin dute herriaren turistifikazioaren aurka, Urola Kostako Kontseilu Sozialistak eta Etxebizitza Sindikatuak antolatuta. Agerraldiak adin guztietako jendea bildu du herriko kaleetatik barrena. Bertan, hainbat izan dira salatutakoak; horien artean, etxe turistikoak % 181,8 hazi direla azken urteetan (horrek dakarren etxebizitzen prezioaren igoerarekin), espazio publikoaren erabilera pribatiboa eta udala egoeraren konplizea dela.
Emozioz eta tradizioz beteta abiatu da Jaialdi 2025
Hamarkada bat geroago, Boiseko euskal festa handia emozio, musika eta errotzearen bizileku bihurtu da berriro. Ozeanoak eta belaunaldiak gurutzatzen dituen identitatearen ospakizuna itzuli da.
Elko (Nevada), artzain euskaldunen topaleku: "Egun gazte euskaldunik ez dator, Euskadin hobeto bizi dira orain"
Egoera asko aldatu da, eta egun ez dira artzainik geratzen, eta urrezko meatzetatik bizi dira herritarrak. Dena dela, bere euskal nortasuna ez dute galdu, izan ere, AEBko udalerri horretako biztanleen % 4 euskal jatorrikoa da, Elkoko egungo sheriffa bezala.
Lan Onari saria Carmelo Urza Larrauri Filologia Hispanikoko doktoreari emanda itxi du Lehendakaritzak 2025eko Jaialdira egindako bisita
Esparru akademikoan egindako lanagatik eta kanpoan euskal kultura zabaltzen egindako ekarpenagatik saritu dute Renoko Unibertsitateko Filologia Hispanikoko doktorea. Oso gazte zela Estatu Batuetara bizitzera joan bazen ere, euskal sustraiei eusteagatik eta Euskadiren eta Estatu Batuen arteko harremanak estutzeko lan egiteagatik nabarmendu da beti.
Goiz korapilatsua euskal errepideetan larunbat honetan, eta auto-ilarak AP-8 eta AP-1 autobideetan
Europako iparraldetik hegoaldera errepidez egiten diren joan-etorrien bolumen handiak auto-ilarak sortu ditu euskal errepide sarean, abuztuko lehen asteburuko trafiko irteera operazioarekin batera.
Lau gizonek 18 urteko neska bat inguratu eta bortxatu dute Ferrolen
Gizon bat atxilotu dute jada. Erasoa Coruñako hiriaren Espainia plazako arkupe batzuetan gertatu zen. Gertakariak asteartetik asteazkenerako gauean jazo ziren, hiriaren erdialdean.
Bilbok hilerria modernizatu du errausketak eta maskotentzako zerbitzuak eskaintzeko
Araudi berria irailera arte egongo da ikusgai, eta heriotza perinatalari ematen zaion tratuari eta erlijio-aniztasunerako guneei buruzko hobekuntzak ere jasotzen ditu, besteak beste.
Adineko bost moja Urduñako komentutik ateratzea eragotzi dute, erlijiosoak Beloradotik bota ondoren
Adineko lekaimeen beharrengatik egokitutako garraio berezi bat prest zuten, baina ezin izan dute erabili, moja matxinoek uko egin baitiote giltzak emateari. Gainera, gaurko operazioa "bahiketatzat eta agintekeriatzat" jo dute moja horiek.
Gasteizko txosnak itzuli dira txandalariak omenduz, eta musikaz eta aldarrikapenez beteta
Txosnagunea Arabako Campusera itzuliko da kontzertuekin, herri-ekimenekin eta TicketBAIren ezarpenaren kontrako protestekin. Bien bitartean, Txosnetako txandalariak izan dira Txosnisariaren irabazleak.
50 boluntario inguruk Barrundian desagertutako 77 urteko emakumea bilatzeko lanekin bat egin dute
Senideek asteartean salatu zuten adineko emakumearen desagerpena. Emakumea Hermua auzoko bere etxebizitzatik atera zen, eta ez dute berriro ikusi.