Leonor Espinosa sukaldariak irabazi du Basque Culinary World Prize saria
Leonor Espinosa sukaldari kolonbiarrak irabazi du Basque Culinary World Prize 2017 saria, bere herrialdeko indigenen eta bioaniztasunaren alde lan egiteagatik.
Leo Cocina eta Cava jatetxeen jabe den sukaldaria, batez ere, indigenekin eta afroamerikarrekin egindako lanarengatik nabarmendu dute. Izan ere, Joxe Mari Aizega Basque Culinary Centerreko zuzendariaren esanetan, lan hori "oso garrantzitsua da Kolonbia bezalako herrialde batean". Gaineratu duenez, Espinosak bioaniztasuna eta kultura sustatzeko lan egin du, komunitate indigenen tradizioak bizirik mantentzen laguntzeko.
Horrenbestez, Espinosak 100.000 euro jasoko ditu, berak aukeratzen duen proiektu bati emateko, kontuan izanda proiektu horrek sukaldaritzaren botere eraldatzailea adierazi behar duela. BCCk eta Eusko Jaurlaritzak bultzatutako sariaren irabazlea gaur iragarri dute Mexiko Hirian egin duten ekitaldian, eta bertan izan dira, besteak beste, Joxe Mari Aizega BCCko zuzendaria, Bittor Oroz Nekazaritza, Arrantza eta Elikagaien Politikako sailburuordea eta Joan Roca sukaldari eta sariaren epaimahaiko presidentea.
Epaimahaia ospe handiko hainbat sukaldarik osatu dute, besteak beste, hauek: Gaston Acurio (Peru), Michel Bras (Frantzia), Dominique Crenn (Ameriketako Estatu Batuak) eta María Fernanda Di Giacobbe (Venezuela).
Leonor Espinosa aukeratu dute irabazle hamar proiektu finalisten artetik: AEBn bizi den Jose Andres sukaldari espainiarra, Ebru Baybara Demir (Turkia), Dan Giusti (AEB), David Hertz (AEB), Anthony Myint (AEB), Daniel Patterson & Roy Choi (AEB), Melinda McRostie (Australia / Grezia); Niko Romito (Italia) eta Ricardo Muñoz Zurita (Mexiko).
Zure interesekoa izan daiteke
4,7ko beste lurrikara batek Granada astindu du, hiru zauritu eta Alhambra itxita utzita
Granadan 4,7ko indarreko beste lurrikara bat izan dute, eta hiru pertsona arin zauritu dira, tartean adin txikiko bat. Granadako Gojar herrian egon da epizentroa, baina Andaluziako beste lurraldeetan ere igarri da. Granadako monumentuak itxi egin behar izan dituzte badaezpada, Alhambra bera ere bai.
Epaileak 24 urteko espetxe-zigorra ezarri dio Nelson David Morenori, Bilbon 73 urteko gizon bat hiltzeagatik
Epaileak 22 urteko zigorra ezarri dio hilketa astunduagatik, eta beste bi urtekoa iruzur informatikoagatik. Laugarren kondena du, eta ikertzaileek uste dute 2021eko udazkenean hildako zazpi gizon homosexualen heriotzekin zerikusia duela.
Suhiltzaileak Urzainkin piztutako baso-sutea itzaltzeko lanean ari dira
Baso suteetarako Babes Zibileko Plan Bereziaren bigarren egoera operatiboa aktibatu du Nafarroako Gobernuak, ostiralean piztu zen sutea berpiztu ostean.
Llantenoko sutea egonkortuta dute eta zaintza- eta hozte-lanetan ari dira suhiltzaileak
Egoerak onera egin duen arren, puntu beroak daude oraindik eta lanean jarraitzen dute Gasteizko eta Espejoko suhiltzaileek. Aiarako Udalak herritarrei eskatu die ez gerturatzeko sute-eremura, suhiltzaileen lana ez oztopatzeko.
Eguzki eklipsearen ondoren, beste bat dator: ilargiarena, partziala, hilaren 28an
Joan den abuztuaren 12ko eguzki-eklipse osoaren ondoren, zeruak fenomeno astronomiko berri bat eskainiko du: abuztuaren 28ko gauean ilargiaren eklipse partziala ikusiko da, eta ilargiaren diskoaren % 93 estaliko du, gutxi gorabehera. Begi hutsez ikusi ahal izango da, instrumentazio berezirik gabe.
Jacan oporretan dauden euskaldunak boluntarioen taldeetan antolatu dira sua herrira irits ez dadin
Huescako sutea itzaltzen saiatzeko boluntaro taldeak antolatu dira. Horietako asko, euskaldunak dira. Jakan etxebizitza duten gipuzkoar eta nafarrak. Sugarrak kontrolatzeko bidean dira suhiltzaileak, baina beraiek ere bere aletxoa jarri nahi dute. Sasi, zuhaitz eta adar; sua indartu dezakeen erregaia kentzen.
Imsersok iazko formula bera erabiliko du 2026-2027 denboraldian: bidaiak 50 eurotan eta maskotarekin bidaiatzeko aukera
Ia 900.000 plaza eskainiko dira orotara, eta horietatik 7.400 baliabide gutxien dituzten pentsiodunentzat erreserbatu dira, 50 euroko prezioan. Bidaiak irailaren 14tik 15era bitartean merkaturatuko dira.
Iruñeko Udaltzaingoaren ustez, gidariak giza akats bat egin zuen Nabarreriako kamioiaren istripuan
Gidaria ibilgailutik jaitsi zen kamioia itopuntuan zuela eta esku-balazta aktibatu gabe, Iruñeko Udaltzaingoak epaitegira bidalitako atestatuaren arabera. Hasiera batean balaztari eragin ziola ziurtatu zuen, baina gero adierazi zuen ez zuela argi gogoratzen.
Hil egin da Espinosa de los Monterosen (Burgos) traktore batek harrapatutako mutiko bizkaitarra
Ezbeharra pasa den larunbatean gertatu zen, eta, harrezkero, Gurutzetako ospitalean egon da larri.
Zuzenean: Balearen Desfilea
Balearen desfileak kolorez jantziko du Bilbo. Gaztetxoenei zuzendutako ekitaldiak hiriko kaleak zeharkatuko ditu milaka lagunek lagunduta.