Nafarroako Gobernuak Neguko Bidezaintza Plana aktibatu du
Nafarroako Gobernuak apirilaren 30era arte iraungo duen Neguko Bidezaintza Plana aktibatu du. Neguan klimak zirkulazioan izaten dituen ondorioei aurrea hartzea, saihestea eta txikiagotzea dira plan honen helburuak.
200 ibilgailu eta 350 pertsona baino gehiago arituko dira lanean 2020ko Bidezaintza Planean. Ibilgailuen artean, elurra kentzeko 129 makina, turbofresa duten 6 ibilgailu eta errepideen egoera zaindu eta kontrolatzeko 90 ibilgailu daude. Nafarroako Gobernuak, halaber, elurra kentzeko 90 falka eta ekipo utzi dizkie tokiko erakundeei, udalerri batzuen erdigunera sartzeko zailtasunak eta espazio murriztua direla-eta errepideak garbitzeko arazoak dituzten 111 udalerriri zerbitzua emateko.
Bestalde, Herri Lan Zuzendaritza Nagusiak 18.000 tona gatz banatu ditu lurralde osoan zehar barreiaturiko 20 biltegi eta 50 siloen artean, izotza edota elurra denean erabiltzeko.
Neguko Bidezaintza Planeko protokoloek jarduteko bi agertoki planteatzen dituzte. 1. maila, edo alerta prebenitzeko fasea, errepideetan eragina duten elurteak edo izotz, euri edo haize denboraleak iragarri direnean aktibatuko da. 2. maila, edo aldi baterako fasea, berriz, martxan jarriko da elurra edo ekaitzak eragindako prezipitazioak daudenean edo egongo direla segurutzat jotzen dutenean.
Gidarientzako aholkuak
Neguko denboraleetan bidaiatu behar izanez gero, neurriak hartzea oso garrantzitsua dela gogorarazi die Foru Gobernuak herritarrei. Honako hauek nabarmendu ditu: trafiko-agintarien eta errepideetako langileen jarraibideak errespetatzea; elurra kentzeko makinen lana ez oztopatzea; egunez eta, ahal izanez gero, errepide nagusiak erabiliz bidaiatzea; ibilgailuari azterketa egitea (pneumatikoak, kateak, bateria edo argiak); erregai-depositua beteta ateratzea, eta 30 km/h-ko abiadura ez gainditzea kateekin. Halaber, herritarrei gogorarazi die errepideen egoerari buruzko informazioa etengabe eskura daitekeela 848 423 50 00 edo 011 telefonoetan.
Albiste gehiago gizartea
640 landareko marihuana-plantazio bat desegin dute Zallan, eta bi pertsona atxilotu dituzte
Desegindako instalazioetan hazkuntza-sistema aurreratuak eta material espezializatua zeuden. Agenteek aireztatzeko gailu sofistikatuak, argiztapen automatizatua eta landareen hazkundea bizkortzeko tresnak aurkitu zituzten. Polizia operazioak zabalik jarraitzen du, tartean pertsona gehiago dauden ikertzen ari baitira.
Sexu bidezko kutsatzeak bikoiztu egin dira azken urtean Euskadin eta GIB kasuak mantendu egin dira
Eusko Jaurlaritzak gaur ezagutarazi duen Hiesaren eta Sexu Transmisiozko Infekzioen Planaren 2024ko memoriaren arabera, iaz 5.305 klamidia, gonorrea eta sifilis kasu atzeman zituzten.
Ingurumen eta erreskate-larrialdi bikoitz baten aurrean jarduteko simulakroa egin dute Karraspion
Eusko Jaurlaritzak eta Foru Aldundiak arrakastaz testatu dute euren arteko koordinazioa Bizkaiko hondartzetako larrialdien urteko simulakroan. Karraspio hondartza (Mendexa) aukeratu dute itsasoko erreskateak eta isuri kutsatzaileak bezalako gertakariei aurre egiteko protokoloak probatzeko.
Emakume bat ikertzen ari dira apirilaren 1ean Bilbon gizon bat ustez indarkeriaz hiltzeagatik
Oraindik ez dute emakumea aurkitu epailearen aurrean deklaratu dezan. Auzitegiko medikuak asfixia zantzu argiak antzeman zituen gorpuan.
Osasun Saila EAEko osasun-zentroak ebaluatzen dabil, klimatizazio-arazoak konpontzeko
Eusko Jaurlaritzako Osasun Sailak osasun-zentro guztiak ebaluatzeari ekin dio, klimatizazio osoa egin ezin den lekuetan zer irtenbide ezar daitezkeen zehazteko.
Nagore Laffage oroitu dute Iruñean, hil zutenetik 17 urte pasa direnean
Duela 17 urte hil zuen Jose Diego Yllanesek Nagore Laffage, erizain gazteak 20 urte zituenean. Hura oroitzeko elkarretaratzean, dozenaka lagun bildu dira Astelehen Lilak elkarteak deituta, Asun Casasolari, Nagore Laffageren amari, babesa erakusteko. Musikaz jantzitako ekitaldian, besteak beste, Unai Hualde Nafarroako Parlamentuaren presidentea, Joseba Asiron Iruñeko alkatea eta UPN, PSN, EH Bildu, Geroa Bai, PPN eta Contigo-Zurekin alderdien ordezkariak ere izan dira.
Abian dira aldundiek eskaintzen dituzten udalekuak
Bizkaia, Araba eta Gipuzkoan 4.000 plaza baino gehiago eskaintzen dira 7 eta 13 urte bitarteko neska-mutilentzat. Horrez gain, 14 eta 17 urte bitarteko gazteentzat ere eskaintzen dira oporretako egonaldiak.
Giako Andre Mariaren eguna ospatu dute Portugaleten
Ohitura den legez, uztailaren 1ean milaka pertsona gerturatu dira Portugaletera Giako Andre Mariaren eguna ospatzera. Egun osoko egitarau oparoa antolatu dute: prozesioaz gainera, jaitsierak, musika, herri-kirolak eta jokoak izango dira giroa alaitzeko.
Argi berdea, sarreren birsalmentan prezioa igotzea debekatzen duen arauari
Espainiako Gobernuak argi berdea eman dio ikuskizunetarako sarreren birsalmentan prezioa igotzea debekatzen duen arau bati. Helburua da birsalmentan aritzen diren plataformek eta enpresek sortzen dituzten gehiegizko onurak eta espekulazioa geldiaraztea.
ELAk Bilboko Udala salatuko du, laneskaintza publikoetan euskara-maila jaisteagatik
Udalak % 70etik % 40ra jaitsi du 35 deialditan euskarazko hizkuntza eskakizunak egiaztatzeko baldintza eta, kasu batzuetan, erabat kendu egin du.