Kike Amonarriz: "Euskaldunok hizkuntza ohituretan euskarazko eskaintzei lekua eman behar diegu"
Azken egunotan barra-barra ikusten dira pare bat jolasi buruzko txioak eta mezuak. Duela gutxi sortu dituzte Berbaxerka eta Wordle jolasak, baina harrera bikaina izan dute egun gutxian. Marc Font informatikariak sortu eta Gorka Salcesek itzuli du lehena; bestea Talaios kooperatibako kideek euskaratu dute. Egunean Behin jolasarekin batera, euskal komunitatea bildu dute bi jokoek.
Kike Amonarriz Euskaltzaleen Topaguneko presidenteak azaldu du halako ekimenak apartak direla norberak hizkuntza bat ikasteko eta horretan trebatzeko; "umorea eta jolasa oso baliabide egokiak dira". Gainera, "hizkuntzarekiko atxikimendua" indartzeko eta jendartean zabaltzeko ere balio dutela gehitu du: "Erakusten dute badela euskaraz bizitzeko hautua egin duen hizkuntza komunitate trinko samar bat".
Amonarrizek dioenez, Egunean Behin, Berbaxerka eta Wordlek frogatu dute aukera dagoela jolasak euskaraz bideratzeko. Hiru faktore hartu beharko dira aintzat aurrerantzean: horrelakoak sortuko dituen multzo tekniko bat egotea, laguntza eta bultzada administratibo eta ekonomikoa, eta sustapen kanpaina zabalak. "Euskaldunok hizkuntza ohituretan euskarazko eskaintza horiei bere lekua eman behar diegu", gehitu du.
Jolasez gain, beste formatuetako edukien aldeko hautua ere egin behar dela dio. Nahitaezkotzat jo du "euskaratik eta euskaraz" sortutako proposamenak egitea eta munduan zehar arrakastatsuak diren ereduak geure egitea:"Bi alderditan jokatu behar dugu: sortzaile gisa gure eskaintzak egitea eta kanpotik datorzkigun formatuak euskarara ekartzea".
Azken kontu horretan sakondu du Amonarrizek. Izan ere, euskarak, hizkuntza guztiek bezala, formatu desberdinetara egokitzen jakin behar du. "Momentu honetan argi dago pantailetan behar dugula euskarazko eskaintza; jolasak erabiltzen diren bezala, ikus-entzunezkoak euskaraz behar ditugu". Bide horretan, Pantailak Euskaraz mugimendua ekarri du gogora; itzulpengintza sustatu behar da kanpoko produkzioak euskaraz gozatu ahal izateko.
CONTENIDO NO ENCONTRADO
Zure interesekoa izan daiteke
Osasun Sailak tenperatura kaltegarrien atalaseak eguneratu ditu: 25,7 gradutik Gipuzkoako kostaldean 36,9 gradura Nafarroako Erriberan
Gehiegizko Tenperaturak Osasunean dituen Eraginak Prebenitzeko Jardueren Plan Nazionala asteazken honetan aurkeztu da, eta irailaren 14ra arte egongo da indarrean.
Bost hildako eta zauritu bat AP-8an, Elgoibarren, furgoneta baten eta kamioi baten arteko istripuan
Hildakoak furgonetako bidaiariak ziren, Nafarroako foruzainak denak; Iurretan praktikak egitera zihoazen. Kamioi gidaria da zauritutakoa. Errepidea guztiz itxi dute, hasieran, bi norabideetan; geroxeago errei bat zabaldu dute Irunerako noranzkoan, baina "arratsaldean zehar" kamioia erretiratu arte, beste errepide batzuetatik bideratuko dute trafikoa.
Honela dago trafikoa AP-8 autobidean, Eibar eta Elgoibar artean, Maltzagako istripuaren ondoren
Errei bat ireki dute Donostiara norabidean, baina zirkulazioa oso zaila da oraindik AP-8an, Eibar eta Elgoibar parean. Bilboko noranzkoan bi erreiak itxita jarraitzen dute, eta istripua izan duen kamioia gauean erretiratuko dute bidetik.
?fmt=webp-alpha&qlt=80)
23 pertsona atxilotu dituzte Iruñerrian, Vito Quilesen ekitaldi baten harira izandako istiluengatik
Espainiako Polizia Nazionalaren operazioak irekita jarraitzen du eta atxiloketa gehiago izan daitezke.
Nafarroako Gobernua Elgoibarko istripu larrian hildako bost lagunen omenezko ekitaldi instituzionala prestatzen ari da
Furgonetan zihoazen bost bidaiariak Nafarroako foruzainak ziren. Imanol Pradales lehendakaria eta Maria Chivite Nafarroako Gobernuko presidentea atsekabeturik agertu dira ezbehar larriaren aurrean.
Asier, Maltzagako istripuaren lekukoa: "Larrialdi zerbitzuak oso azkar mobilizatu dira"
Radio Euskadin azaldu duenez, ez du istripuaren unea ikusi, baina bai berehalako ondorioak. Gertatutakoa azaldu du: kamioi bat galtzada batetik bestera igaro da, eta erdibitzailean geratu da, iraulita; istripuaren ondorioz, furgonetak kalte larriak izan ditu.
Elgoibarko istripuan hildako bost bidaiariak foruzainak ziren
Foruzainak Iurretara zihoazen, Ertzaintzarekin formakuntza ikastaro bat egitera.
Hamar urteren ostean, Eibarren zezen-ikuskizunak atzera programatzea gaitzetsi du Haiekin elkarte animalistak
Elkartearen iritziz "atzerapauso handia" da, herriko San Joan jaietan hiru sokamutur saio programatzea, eta ohartarazi duenez "2016an PSE-EEk berak hartutako konpromiso ofizialen kontra doa".
Irungo isuri gutxiko eremua 2028ko udaberrian sartuko da indarrean
Irungo udalbatzak, osoko bilkuran, 30 salbuespen aurreikusten dituen ordenantzari hasierako onespena eman dio. Orain alegazioak aurkezteko epea zabaldu da, eta behin betiko testua aurtengo azken hiruhilekoan onartuko da.
Bi gidari hil dira istripuz astearte honetan Nafarroan
56 urteko motozale bat hil da Izaban, motorretik erorita. 60 urteko gizon bat hil da Esteribarren, ibilgailua bidetik irtenda.