Atxilotu bat Gasteizen, Alaves eta Betiseko jarraitzaileen arteko liskarretan
Pertsona bat atxilotu dute igande honetan Gasteizen, Alaves eta Real Betis futbol taldeko zaleen artean izandako istiluetan, Eusko Jaurlaritzako Segurtasun Sailak jakitera eman duenez. Bi taldeen arteko partida izango da gaur arratsaldean Mendizorrotzan.
11:40ak aldera, Alaveseko eta Betiseko zehaztu gabeko jarraitzaile kopuru batek borroka handia izan dute Abendaño zonaldeko taberna batean, lehenik barruan eta jarraian, tabernako terrazan. Kalte materialak handiak dira, tabernako aulkiak eta mahaiak elkarri bota dituztelako.
Borroka sakabanatzeko, Ertzaintzak eta Udaltzaingoak esku hartu behar izan dute. Hainbat lagun zauritu dira, eta Ertzaintzak pertsona bat atxilotu du, agente bati aurre egin izana leporatuta. Gainera, zenbait arma ere konfiskatu dizkiete (tartean, labanak eta makilak), eta parte-hartzaileak identifikatzen jarraitzen dute oraindik.
Gaitzespena
"Gertatukoa eta indarkeria mota guztiak irmo gaitzetsi" ditu Alavasek ohar baten bidez. "Jarrera horiek ez dute futbolarekin zerikusirik. Indarkeriak ez du gure gizartean lekurik, are gutxiago futbolean, eta klubak jarrera horiek errefusatzen ditu kirolaren baloreak ordezkatzen ez dituztelako", gaineratu du.
Zure interesekoa izan daiteke
Taxilari bat hil dute tiroz Azpeitian
Gertakaria Artzubia hiribidean izan da, 20:15 inguruan. Lekukoen arabera, auto batek beste bat kolpatu du atzetik, eta kolpatutako autoko gidaria tirokatu egin dute. Ertzaintza egilearen bila ari da.
Elkarretaratzea Zizur Nagusian, adingabe batek jasandako sexu-erasoa gaitzesteko
Erasoa igande goizaldean gertatu zen, herriko jaietan. Ustezko egilea atxilotuta dago.
Joan den ostiraletik Barakaldon falta zen gizona aurkitu dute
Auzokide batek aurkitu du bere etxeko garajera oinez sartzeko eskaileretan. Biktimak akidura sintomak zituen.
Abiatu da ikasturtea Ipar Euskal Herrian, berritasun batekin: telefono mugikorrak, debekatuta
Ipar Euskal Herriko 50.000 ikasle inguruk gaur izan dute lehen eskola eguna. Aurten, berritasun nagusi bat izango dute zentro guztietan: telefono mugikorrak erabiltzea debekatuta dago eskola orduetan. Frantziako Gobernuak uztailean onartu zuen legea, eta gaur hasi dira aplikatzen.
Errenteriako hilerrian izandako lapurreten eta txikizioen ustezko egilea identifikatu eta epailearen esku utzi dute
Zentolengo hilerri zaharrean gertatu ziren lapurreta eta txikizioak abuztuaren 1etik 2rako goizaldean. Orotara, egileak 181 hilobi eta horma-hilobietako elementuak lapurtu edo hondatu zituen.
Arrotxapea hegoaldeko 24 orduko eremu laranja martxan jarri da
Neurriak Iruñeko auzo horretako araututako 5.307 aparkalekuetatik 1.760 bati eragingo die, eta eremua arintzea eta bizilagunentzako aparkalekuak askatzea du helburu.
Hil egin da Morean erreskatatu zuten 25 urteko neska
25 urteko gaztea zortzi egunez egoera kritikoan egon ostean hil da. Moreako baltsatik (Beriain) atera zuten. Abuztuaren 23an erreskatatu zuten, hurrengo egunean hil zen 20 urteko mutilarekin batera. Heriotza horrekin, zortzi lagun hil dira uda honetan Nafarroako bainu-esparruetan itota.
Albiste izango dira: Ceutarako premiazko laguntza, dieselaren eta gasolinaren prezioen beherapena eta Bazka Mahaiaren bilera
Orainek gaur landuko dituen albiste nagusiak, bi hitzetan.
Urzainkiko baso-sutea berpiztu egin da
Sutea abuztuaren 14an piztu zen, eta joan den astean kontrolpean hartzea lortu zuten.
Ehunka neskatok kale gorrian jarraitzen dute Ceutan
Espainiako Gobernuak behin-behineko harrera-zentro bat zabaldu du astelehen honetan hipikarako Ceutako gunean, eta horra bideratu dituzte 320 emakume eta neskato. Hala ere, leku gehiago behar dute, eta askok hilabete daramate kalean.