Ertzaintza
Istiluak izan dira bart Azpeitian gazte batzuen eta polizia agenteen artean, eta bi ertzain zauritu dira
Eusko Jaurlaritzako Segurtasun sailak gertakaria gaitzetsi du, eta elkartasun osoa adierazi die agenteei. EUSPEL, ESAN eta ERNE sindikatuek gogor kritikatu dituzte gertakariak. Arratsaldean ehunka lagun bildu dira Azpeitiko plazan Gaztetxeak deitutako protesta bilkuran.
Samaniegon desagertutako 70 urteko gizonaren bilaketari ekin diote berriro
Arabako Errioxako landa-eremuan bilatzen ari dira gizona. Desagertuak praka beixak eta niki urdin argi bat zeramatzan jantzita azken aldiz ikusi zutenean.
Espetxera bidali du epaileak Anoetan txirrindulari bat harrapatu eta hiltzea leporatuta atxilotutako gidaria
Samaniegon desagertutako 70 urteko gizon baten bila ari dira
Desagertua ostiral arratsaldean ikusi zuten azkenekoz; bilaketa Arabako Errioxako landa-eremuan egiten ari dira.
Txirrindulari bat hil da Anoetan, auto batek harrapatuta
Istripua 20:00ak aldera gertatu da, GI-3630 errepidean.
Espetxera Ordizian lau ertzaini eraso egiteagatik atxilotutako bi pertsonetako bat
Tolosako epaitegi batek behin-behineko espetxealdia ezarri dio, agintaritzaren aurkako atentatua eta lesio delitua egotzita. Aldiz, atxilotutako bigarren gizona aske geratu da, kautelazko neurririk gabe.
Espetxera bidali dute Torre Pachecon gizon bati egindako erasoarekin lotura duelakoan Errenterian atxilotutako gizasemea
Ertzaintzak astelehenean atxilotu zuen Errenterian, Irunerako trena hartzera zihoala, antza denez, muga zeharkatzeko asmoz.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ertzain-etxean jarraitzen dute Ordizian hainbat ertzaini eraso egiteagatik atxilotutako bi lagunek
Biak datozen orduetan epailearen aurrera eramateko zain daude, Eusko Jaurlaritzako Segurtasun Sailak jakinarazi duenez.
Errenterian atxilotu dute Torre Pachecon gizon bati egindako erasoan inplikatutako hirugarren pertsona bat
Ertzaintzak Errenterian atxilotu egin du, Irunerako tren bat hartzera zihoala, antza denez, muga zeharkatzeko asmoz. Gertakaria aitzakia hartuta, Murtziako herrian istilu arrazistak izan dira. Espainiako ultraeskuinak pertsona migratzaileen kontrako ehizaldia abiatu du Torre Pachecon.
Ordiziako Udalak "onartezintzat" jo ditu igandeko istiluak, eta jaiak "errespetuz" bizitzeko deia egin du
Udaleko Bozeramaileen Batzordeak, talde politiko guztien babesarekin, adierazpen instituzionala onartu du. Testuan gogorarazi dutenez, elkarbizitzak "errespetua eta erantzukizuna eskatzen du".
Igandeko istiluak "onartezinak" direla esan du Ordiziako alkateak, eta Bozeramaileen Batzordea deitu du
Adur Ezenarrok azpimarratu duenez, liskarretan "ordiziar batzuei ere eraso egin zieten". "Horrelako jazoerek ez dute lekurik Ordizian", gaineratu du.
Beste lagun bat atxilotu dute, Ordiziako istiluekin lotura duelakoan; lau ertzain daude zaurituta
Segurtasun Saileko iturriek nabarmendu dutenez, ikerketa zabalik dago oraindik. Bien bitartean, atxilotuek ertzain-etxean jarraitzen dute, epailearen aurrera noiz eramango zain.
Segurtasun sailburuordeak elkartasuna agertu die ertzainei, eta Ordizian gertatutakoa "oso larria eta onartezina" dela salatu du
Ricardo Ituarte Eusko Jaurlaritzako Segurtasun sailburuordeak azaldu duenez, larrien dagoen ertzaina Gurutzetako Ospitalera eraman dute, ebakuntza egitera, masailezurra eta lepauztaia hautsita baititu. “Gertatutakoa onartezina eta oso larria da. Ikerketa amaieraraino joango da eraso latz honen erantzukizun guztiak argitzeko. Pertsona gehiago inplikatuta dauden jakin nahi dugu”, esan du Ituartek, eta elkartasuna agertu die erasoa jasan duten ertzainen senideei eta Ordizian izandako ertzainei.
Lau ertzain zauritu dira Ordizian, hainbat pertsonak eraso eginda
Gizon bat atxilotu dute agintaritzaren aurkako atentatua eta lesioak egotzita. Ertzain-etxean beharrezko izapideak egin ondoren, epailearen aurrera eraman dute.
Hiru atxilotu Gasteizen gizon bati eraso egiteagatik
Zauritua anbulantzian eraman dute ospitalera, aurpegian zauri bat eta saihetsetan mina zuelarik.
Ertzaintzak gizon bat atxilotu du Orioko haur-patio batetik gertu, exhibizionismoa egotzita
Asteartean gertatu zen, uztailaren 8an, 16:00ak aldera, gizonezkoa adingabe batzuk zeuden esparrura sartzeko hesiaren ondoan zegoela.
Gorbeian hildako 86 urteko mendizalearen senideak epailearen erabakiarekin haserre, geolokalizazioa ez baimentzeagatik
Asteazken gauean aurkitu zuten desagertutako gizona. Eskarmentu handiko mendizale arabarra Ertzaintzaren helikoptero batek topatu zuen. Epaileak ez zuen geolokalizazioa onartu, baina mugikorrak seinalea ematen jarraitzen zuen.
Justizia Aranarentzat plataformak salatu du Bilbon barrabil bat galdu zuen gaztea zauritu zuen "ertzaina estaltzen" ari direla
Plataformaren hitzetan, "nahikoa zantzu" daude ziurtatzeko "Iker jo zuen foam bala zuzenean jaurti zutela, inolako istilurik edo arrisku egoerarik ez zegoen testuinguru batean".
Mutrikuko txiringitoaren jabea zuhurtziagabekeriagatik ikertuko dute, bezero batek garbigarria edan zuen eta
Ertzaintzaren arabera, "botila barra gainean egoteak zerbitzariak huts egitea eragin zuen". Biktima ekainaren 30era arte egon zen Donostia Ospitalean.