Ertzaintzak Realaren, Alavesen eta Celtaren 20 zale "erradikal" inguru identifikatu ditu Donostian
Realak eta Lyongo Olympique taldeek iluntzean jokatuko duten Europa Ligako partidaren atarian, Ertzaintzak Realeko sei zaleri zigor espedientea ireki die borrak, defentsarako esprai poteak, arma zuriak, bengalak eta substantzia estupefazienteak izateagatik.
Ertzaintzak atzemandako materiala. Argazkia: Ertzaintza.
Ertzaintzak 20 zale "erradikal" inguru identifikatu ditu bart Donostiako Anoeta estadioaren inguruan, Realak eta Olympique Lyon taldeek gaur arratsaldean (18:45) jokatuko duten Europa Ligako partidaren atariko operatiboan, Ertzaintzak ostegunean ohar bidez jakinarazi duenaren arabera. Gainera, zale horietako seiri zigor espedientea egin die, hainbat objektu eta arma izateagatik.
Atzo arratsaldeko lehen orduan, Ertzaintzak zaintzako prebentzio dispositibo bat ezarri zuen Donostian, Realaren eta Olympique Lyonen zaleen arteko istiluak saihesteko helburuarekin.
Aipaturiko dispositiboaren baitan, Anoeta estadiotik gertu 100 lagun inguruko talde bat zegoela konturatu ziren. Tartean, Realaren zale "erradikalak" ez ezik, Alavesen eta Celtaren "erradikalak" ere bazeudela egiaztatu zuten.
Ertzaintzako agenteek aipatu taldeetako 20 bat zale "erradikal" identifikatu zituzten estadioaren inguruan. Halaber, debekatutako hainbat objektu eta arma atzeman zituzten, hala nola borrak, defentsarako esprai poteak, arma zuriak, bengalak eta substantzia estupefazienteak.
Hori dela eta, Realaren sei zaleri zigor espedientea ireki die Ertzaintzak. 20 eta 31 urte bitarteko gizonak dira.
Ertzaintzaren kontrolak Biriatuko mugan
Zure interesekoa izan daiteke
Zazpi urteko kartzela-zigorra ezarri diote gizon bati, lo zegoen 14 urteko adingabe bat bortxatzeagatik
ErNEk Tolosako bi udaltzaini egindako eraso bat salatu du, esku-hartze batean larri zauritu zituzten
Greba orokorra Iparraldean, bizitzaren garestitzearen aurka
Zupiria: "Ertzaintzak eta Donostiako Udaltzaingoak hartu dituzte hartu beharreko neurriak gaurko partiduari begira"
Behobia-Donostia lasterketak aldaketak eragingo ditu igandean trafikoan, aparkalekuetan eta garraio publikoan
Etxebizitza eta ekonomia dira EAEko herritarren kezka nagusiak, erabakigarriak iruditzen zaizkien hauteskunde orokorren atarian
Elkarretaratzea deitu dute Santutxun, bi adingabe dituen familia baten etxegabetzea geldiarazteko
FIFAren ordezkariak Bilbon eta Donostian dira egunotan, 2030eko Mundialerako hautagaitza bateratua ebaluatzeko
