EHUk Urrezko Domina emango die Nekane Balluerka, Jose Angel Iribar eta Carlos Garaikoetxeari
Euskal Herriko Unibertsitateko (EHU) errektoreka taldeak ostegun honetan gobernu kontseiluan aurkeztu du Urrezko Domina jasotzeko hiru hautagaien proposamena: Nekane Balluerka EHUko errektore ohia, Jose Angel Iribar Athleticen atezain ohia eta Carlos Garaikotxea Jaurlaritzako lehendakari ohia.
Euren gizatasuna eta euskararekiko nahiz herriarekiko konpromisoa azpimarratu ditu errektoretza taldeak Urrezko Domina emateko, besteak beste. Ikasturte hasierako ekitaldian banatuko dira aitortzak, irailaren 10ean Gipuzkoako campusean egingo den ekitaldian, EHUko iturriek jakinarazi dutenez.
Nekane Balluerka Lasa (Ordizia, Gipuzkoa, 1966) izan da EHUk errektore hautatutako lehenengo emakumea, eta unibertsitatea eraldatzeko izan zuen rolaz baliatuta, bere lidergoa goraipatu du EHUko errektoretza taldeak.
Errektore zela, unibertsitatearen muina diren prestakuntzan eta ikerketan jauzi kualitatibo eta kuantitatibo nabarmena egin zuen EHUk, eskaintza igoz eta talentua erakartzeko programa berria sustatuz. Gainera, Shanghai rankinean 100 postu gora egitea lortu zuen unibertsitateak, munduko 400 unibertsitate onenen artera jauzi eginez.
Balluerka "lider eredugarria, langilea eta maitatua" dela nabarmendu du, eta "feminismoaren eta berdintasunaren alde" lan egin zuela "indarkeria matxistaren aurkako protokoloa berritu eta ez diskriminazioaren aldeko neurri aitzindariak hartuz". EHU izan zen lehenengo unibertsitatea genero ez bitarra hautatzeko aukera gehitzen ikasleen aukeretan.
Joxerramon Bengoetxea EHUko errektoreak gogoratu du unibertsitateko publikoak lehenengo aldiz emango diola urrezko domina emakume bati Balluerka aintzatetsita.
Bestalde, kirol mitotik harago, Jose Angel Iribarrek (Zarautz, Gipuzkoa, 1943) Euskal Herriarekin eta euskararekin erakutsitako maitasuna eta konpromisoa azpimarratu ditu EHUk, baita bere "konpromiso soziala" ere.
EHUren arabera, "kirola balore eskola gisa sustatzen lagundu du etengabe, batez ere gazteen artean", eta, horrela, "talde lana, pertseberantzia, errespetua eta ahaleginaren printzipioak" nola txertatu dituen aitortu nahi izan du, "bertakoan errotuta, baina mundura irekitako nortasun kolektiboa islatuz, EHUk berak egin ohi duen legez".
Azkenik, EHUko gogorarazi du Carlos Garaikoetxeak (Iruñea, 1938) zuzendu zuen Jaurlaritzak egin zuela Euskal Herriko Unibertsitatea sortzeko urratsa 1980ko otsailaren 25ean. Bada, goi mailako ikasketen alde egindako urrats garrantzitsu hori aitortzea erabaki du EHUren gobernu Kontseiluak, "bere ibilbide politikoan herri honekiko erakutsitako konpromisoaren erakusle; hain justu, lehendakari gisa dimisioa ematera eraman zuen herri konpromisoa".
Zure interesekoa izan daiteke
Honela dago trafikoa AP-8 autobidean, Eibar eta Elgoibar artean, Maltzagako istripuaren ondoren
Errei bana ireki dute noranzko bakoitzean eta auto-ilarak erabat desegin dira. Hala ere, ezkerreko erreia itxita dago bi noranzkoetan, garbiketa lanak direla eta. Ezbeharra izan duen zisterna-kamioia kentzeko lanetan ari dira.
"Esperientzia eta konpromiso handiko" foruzainak: Hala deskribatzen dituzte Elgoibarko istripuko bost hildakoak
Fermin Sola, Jesus Maria Vidaurreta, Miguel Crespo, Juan Martin Dominguez eta Miguel Antonio D'Entremont Iurretara zihoazen, Ertzaintzarekin prestakuntza ikastaro bat egitera.
Lau pertsona artatu dituzte Gasteizko zabortegi batean izandako sutearen kea arnasteagatik
Sua asteazken honetako 17:00ak aldera piztu da, eta ez dago sugarrak baso-eremura zabaltzeko arriskurik.
Bost hildako eta zauritu bat AP-8an, Elgoibarren, furgoneta baten eta kamioi baten arteko istripuan
Hildakoak furgonetako bidaiariak ziren, Nafarroako foruzainak denak; Iurretan praktikak egitera zihoazen. Kamioi gidaria da zauritutakoa. Errepidea guztiz itxi dute, hasieran, bi norabideetan; geroxeago errei bat zabaldu dute Irunerako noranzkoan, baina arratsaldean zehar kamioia erretiratu arte, beste errepide batzuetatik bideratuko dute trafikoa.
Epaimahaiak errudun jo ditu Lukas Agirre hiltzeaz akusatutako bi gizonak
Hala ere, aringarria ezarri dio akusatu nagusiari drogak kontsumitzeagatik. Bigarren akusatuaren kasuan, erantzukizun penalaren aldaketa bikoitza erabaki du buruko nahasmendu bikoitzagatik eta estupefazienteak kontsumitzeagatik. Epaitutako hirugarren akusatua ere erruduntzat jo dute, beste biak estaltzeagatik.
Osasun Sailak tenperatura kaltegarrien atalaseak eguneratu ditu: 25,7 gradutik Gipuzkoako kostaldean 36,9 gradura Nafarroako Erriberan
Gehiegizko Tenperaturak Osasunean dituen Eraginak Prebenitzeko Jardueren Plan Nazionala asteazken honetan aurkeztu da, eta irailaren 14ra arte egongo da indarrean.
?fmt=webp-alpha&qlt=80)
23 pertsona atxilotu dituzte Iruñerrian, Vito Quilesen ekitaldi baten harira izandako istiluengatik
Espainiako Polizia Nazionalaren operazioak irekita jarraitzen du eta atxiloketa gehiago izan daitezke.
Nafarroako Gobernuak adierazpen instituzionala onartu du, hildako bost agenteen heriotzagatik samina agertzeko
"Herritarrak babesten eta zaintzen aritu diren bost zerbitzari publiko galdu ditugu. Gure aintzatespena, errespetua eta esker ona haientzat, erakutsi duten konpromisoagatik eta zerbitzurako bokazioagatik", dio testuak.
Asier, Maltzagako istripuaren lekukoa: "Larrialdi zerbitzuak oso azkar mobilizatu dira"
Radio Euskadin azaldu duenez, ez du istripuaren unea ikusi, baina bai berehalako ondorioak. Gertatutakoa azaldu du: kamioi bat galtzada batetik bestera igaro da, eta erdibitzailean geratu da, iraulita; istripuaren ondorioz, furgonetak kalte larriak izan ditu.
Hamar urteren ostean, Eibarren zezen-ikuskizunak atzera programatzea gaitzetsi du Haiekin elkarte animalistak
Elkartearen iritziz "atzerapauso handia" da, herriko San Joan jaietan hiru sokamutur saio programatzea, eta ohartarazi duenez "2016an PSE-EEk berak hartutako konpromiso ofizialen kontra doa".