Igandeko istiluak "onartezinak" direla esan du Ordiziako alkateak, eta Bozeramaileen Batzordea deitu du
Adur Ezenarrok azpimarratu duenez, liskarretan "ordiziar batzuei ere eraso egin zieten". "Horrelako jazoerek ez dute lekurik Ordizian", gaineratu du.
Adur Ezenarro Ordiziako alkatearen iritziz, igande honetan Gipuzkoako herri horretan izandako istiluak "onartezinak" dira.
Liskar horietan lau ertzain zauritu ziren, eta horietako bi ospitaleratu behar izan zituzten, borroka batean parte hartzen ari ziren hainbat lagunek ertzain-autoen aurka eginda baitzuten. Gainera, Udaleko Bozeramaileen Batzordea arratsalde honetarako deitu du Ordiziako alkateak.
Ezenarrok ohar bidez azaldu duenez, Udala liskarrei buruzko informazioa biltzen dabil. Zehaztu duenez, gertatutakoa jakin bezain pronto, Bingen Zupiria Segurtasuna sailburuari eta Tolosako Ertzaintzako Buruzagiari deitu zien, agenteen egoeraren berri jasotzeko.
Alkateak azpimarratu duenez, liskarretan "ordiziar batzuei ere eraso egin zieten", eta horiei elkartasuna eta babesa adierazi die.
Gainera, iragarri du astelehen arratsalderako Bozeramaileen Batzordea deitu duela, gaia artatzeko. "Hala eta guztiz ere, jazotakoa onartezina da, eta horrelako jarrerek ez dute lekurik Ordizian", gaineratu du.
Zure interesekoa izan daiteke
Errenteriako hilerrian izandako lapurreten eta txikizioen ustezko egilea identifikatu eta epailearen esku utzi dute
Zentolengo hilerri zaharrean gertatu ziren lapurreta eta txikizioak abuztuaren 1etik 2rako goizaldean. Orotara, egileak 181 hilobi eta horma-hilobietako elementuak lapurtu edo hondatu zituen.
Arrotxapea hegoaldeko 24 orduko eremu laranja martxan jarri da
Neurriak Iruñeko auzo horretako araututako 5.307 aparkalekuetatik 1.760 bati eragingo die, eta eremua arintzea eta bizilagunentzako aparkalekuak askatzea du helburu.
Hil egin da Morean erreskatatu zuten 25 urteko neska
25 urteko gaztea zortzi egunez egoera kritikoan egon ostean hil da. Moreako baltsatik (Beriain) atera zuten. Abuztuaren 23an erreskatatu zuten, hurrengo egunean hil zen 20 urteko mutilarekin batera. Heriotza horrekin, zortzi lagun hil dira uda honetan Nafarroako bainu-esparruetan itota.
Albiste izango dira: Ceutarako premiazko laguntza, dieselaren eta gasolinaren prezioen beherapena eta Bazka Mahaiaren bilera
Orainek gaur landuko dituen albiste nagusiak, bi hitzetan.
Urzainkiko baso-sutea berpiztu egin da
Sutea abuztuaren 14an piztu zen, eta joan den astean kontrolpean hartzea lortu zuten.
Ehunka neskatok kale gorrian jarraitzen dute Ceutan
Espainiako Gobernuak behin-behineko harrera-zentro bat zabaldu du astelehen honetan hipikarako Ceutako gunean, eta horra bideratu dituzte 320 emakume eta neskato. Hala ere, leku gehiago behar dute, eta askok hilabete daramate kalean.
Berdintasun Ministerioaren datuen arabera, 21 sexu-eraso izan dira Ceutan
Hala ere, Fiskaltzak 23 eraso zenbatu ditu, eta bederatzi biktima adingabeak direla ohartarazi du, 14 eta 17 urte bitartekoak.
Espainiako Futbol Federazioa ugalkortasun klinika batekin akordioa ixtekotan dago, jokalariek etorkizunean ama izateko aukerak izan ditzaten
Gero eta emakumezko kirolari gehiagok obozitoak atera eta gordetzeko hautua egiten dute. Europako liga eta klub askok akordioak dituzte ugalkortasun klinikekin, eta, nahi izanez gero, jokalariari aukera hori eskura jartzen diote.
Errepidea behera etorri da eta Guardia Zibilak gidari bati ateratzen lagundu dio, Sartagudan
Agenteek egiaztatu dutenez, gidaria, 67 urteko Sartagudako bizilaguna, ez da zauritu eta ez dute ospitalera eraman behar izan.
Harrera Sareak Donostiako Udalaren "jarrera erabat diskriminatzailea eta arrazista" salatu du
Elkarteak adierazi du ezin dela "elkartasuna zelatatzea, jazartzea eta zehapenekin mehatxatzea normalizatu", "laguntzea ez baita delitua".