Donostiako Piratek Aste Nagusi herrikoi eta anitza prestatu dute, musika, joko eta abordatze tradizionalarekin
Donostiako Piratek omenaldia egingo diote Donostiako Pentsiodunen Mugimenduari, haiek izango dira abuztuaren 9tik 17ra jaietako astea ofizialki irekiko duen txupinazoa botako dutenak.
Abuztuaren 9tik 17ra bitartean, Donostiako Piratek Donostiako portuan eta Alde Zaharrean zabalduko dute euren jai proposamena, eta, urtero bezala, "jai herrikoi, euskaldun eta kolaboratzaile" baten aldeko apustua egingo dute, Donostiako Piratak taldeko bozeramaile Inge Ugartek eta Aitor Egañak azaldu dutenez.
Ekintzaz beteriko kartelarekin dator ekimena, musika, jolasak, kalejirak, bertsoak eta herri bazkariak uztartuz, giro autogestionatuan eta hiri osoarentzat zabalik. Ez dira faltako koadrilen arteko ohiko jokoak, playbacka ezta azokak ere.
Abuztuaren 11n, astelehenean, egingo da “mugimenduaren sinbolo” bihurtu den ekintza maitatuenetako bat: Piraten Abordatzea. Hitzordu honetan, parte-hartzaileek eraikitako txalupek beteko dute badia. Beste data nabarmen bat abuztuaren 15a izango da, Pirataren Eguna, non haurrek "adabakiak jantzi eta ezpatak astindu" ahal izango dituzten, jolasekin, hockey tailerrarekin eta abordatze txikiarekin, besteak beste.
Zortzi egunez, Flamenka, kaia eta Trinitate Plaza bezalako guneen artean banatuko da jaia, musika eskaintza “anitza, euskalduna eta feminista” -rekin. Eszenatokien gainetik Orekka Erromeria, Izaki Gardenak, Olatz Salvador, La Txama, Hofe, Merina Gris, Bengo, Goxua’n Salsa, Añube, Eusko Princess, Sukena, Labar, Indabe, Lukiek, Marte Lasarte, Pelax eta Ekiza & Xak bezalako artistak igaroko dira. Baita Revolutionary Brothers, Peppermint Sextet, Andoni Ollokiegi, Larre, on, Badmintones eta La Jodedera ere.
Aurten, gainera, Donostiako Piratek omenaldia egingo die Donostiako Pentsiodunen Mugimenduari, beraiek izango baitira Aste Nagusia ofizialki irekiko duen txupina botako dutenak. Keinu horrekin, Donostiako Piratek pentsio duinen aldeko borroka nabarmendu dute, eta "bizi baldintza duinen" aldeko aldarrikapenarekin bat egin.
Gainera, hilaren 16an, 19:30ean, "kaleak hartuko" dituztela iragarri dute, "erasoei autodefentsa feministarekin erantzungo diegula argi uzteko", eta, aldi berean, sor daitezkeen eraso "faxista edo arrazistei" aurre egingo dietela nabarmendu dute, "gorroto-erasorik gabeko hiria" nahi dutelako “jaietan ere”.
Zure interesekoa izan daiteke
Zortzi arrantzale eta saregile bat omendu dituzte, bizi osoa itsasoari eskaintzeagatik
Gaztetatik sakrifizio handiko lana egin duten zortzi arrantzale eta saregile baten aldeko omenaldia egin dute gaur Donostian. Gipuzkoan itsasoan lan egin duten 310 lagunek erretiroa hartu dute, eta guztien omenez eman dituzte sariak.
Donostiako Udala akusazio partikular izango da hirian delituak behin eta berriz egiten dituztenen aurkako auzietan
Jon Insasuti Donostiako alkateak esan du delinkuentziaren aurkako borroka lehentasunetako bat dutela, eta akusazio partikular izateko asmoa beste urrats bat dela. Hori bai, zehazteko dago zein kasutan emango lukeen Donostiako Udalak pausu hori.
Bost lagun atxilotu dituzte Nafarroan, bizileku-baimenak manipulatzeko sare bateko kide direlakoan
Guardia Zibilak desegindako ustezko erakunde kriminalak bizileku- eta lan-baimenak lortzeko prozesua manipulatzen zuen, diru-truk. Talde kriminaleko kide izatea, Administrazio Publikoaren aurka egitea eta immigrazio irregularra bultzatzea leporatzen zaie.
Perez Iglesias: “Milioi bat pertsona baino gehiago mugituko dira eklipsea ikusiko den inguruetara, eta hori aurreikusi egin behar da”
Juan Ignacio Perez Iglesias Zientzia, Unibertsitate eta Berrikuntzako sailburua Radio Euskadiko Boulevard saioan izan da eta, besteak beste, abuztuaren 12an Euskal Herrian ikusi ahal izango den eguzki-eklipseaz mintzatu da. Sailburuak gomendatu du jendea “oinez edo garraio publikoan joatea eklipsea ikustera”, joan-etorriek trafikoan eragin oso handia izango dutelako. Halaber, eklipsea segurtasunez ikusteko aholku zientifikoei jarraitzeko beharra azpimarratu du, eta lehen neurri gisa homologatutako eklipse-betaurrekoak erabiltzea gomendatu du.
Samina nagusi da Erronkarin, herriko hiru bizilagun Ezka ibaian itota hil ostean
Asteazken arratsaldean emakume bat eta horren bi seme adingabe hil ziren Ezka ibaian itota, eta hiru dolu-egun ezarri dituzte herrian.
Eutanasia legezko izango da Ipar Euskal Herrian ere, Frantziako Parlamentuak heriotza lagundua izateko eskubidea onartu du eta
Orain arte, 2016an onartutako Claeys-Leonetti legeak gaixotasun terminala eta bizi-pronostiko laburra zuten pertsonentzako sedazio sakon eta jarraitua ahalbidetzen zuen. Aurrez ere Asanblea Nazionalak hiru aldiz onartu zuen lege-proiektua, baina atzera bota izan du hori gehiengo kontserbadorea duen Senatuak. Hainbat aldaketa eta erreforma eginda, oraingo bozketa behin betikoa izan da.
Sutea izan da Monteagudon, ardo-upelak egiten dituen enpresa batean
Asteazken arratsaldean piztutako suteak ez du zauriturik eragin; bai, ordea, kalte handiak, garrek nabe bat suntsitu baitute. Suhiltzaileek lanean jarraitzen dute sutea inguruko larreetara ez hedatzeko; bitartean, sutea zerk eragin duen argitzeko ikerketa abiatu du Foruzaingoak.
Emakume bat eta haren bi seme adingabe itota hil dira Ezka ibaian, Erronkarin
Gaur arratsaldean izan da ezbeharra, presa baten alboan bainurako egokituta dagoen leku batean. Guardia Zibilak ikerketa zabaldu du, gertatutakoa argitzeko.
Lehertu da festa Baionan: Leon Erregeak bost eguneko jaia piztu du!
Jaia ofizialki lehertu da Baionan, gaur arratsaldeko 17:00etan, herriko etxeko plazan bildutako milaka pertsonaen oihuekin batera. Gakoak Marie Darrieussecq idazleak, Maya Lauqué telebista-aurkezleak eta Jean-Claude Tellechea sukaldariak jaurti dituzte, Pantxoa eta Peio abeslarien musika lagun dutela.
Bilboko Udalak metro karratuko 10 euroko zerga ezarriko du hutsik dauden etxebizitzen gainean
Udalak 2027tik aurrera ezarriko du neurria, eta ordenantza bat izapidetuko du erabili gabe dauden 1.565 etxebizitza alokairu-merkatura bideratzeko.