Urzainkiko suteak aktibo jarraitzen du, baina itzaltzeko lanek aurrera egin dute
Biztanleak eta azpiegiturak arriskutik kanpo daude. Perimetroak ez du aurrerapen esanguratsurik izan gauean, tenperaturak behera egin duelako, hezetasunak lagundu duelako eta suhiltzaileek gune bero isolatuetan lan egin dutelako.
Sutea Urzainki udalerrian (Nafarroa), Zangozako merindadean. Argazkia: Nafarroako suhiltzaileak
Aste honetan Urzainkin, Gazpar haitzaren inguruan, tximista batek piztutako suteak aktibo jarraitzen du, baina "herritarrak eta azpiegiturak ez daude arriskuan". Hori dela eta, sua itzaltzeko lanean jarraitzen dute larunbat honetan.
SOS Nafarroak jakitera eman duenez, perimetroak ez du aurrerapen esanguratsurik izan gauean, tenperaturak behera egin duelako, hezetasunak lagundu duelako eta suhiltzaileek gune bero isolatuetan lan egin dutelako.
Gaueko txandan, Tutera, Lizarra eta Cordovillako suhiltzaileen hiru brigada egon dira inguru horretan lanean, eta Cordovilla, Tafalla, Zangoza eta Azkoiengoen txanda heldu da goizean. Era berean, Ingurumeneko teknikariak eta langileak ere ari dira bertan lanean.
Aireko baliabideei dagokienez, Nafarroako Gobernuaren hiru helikoptero eta MITECOren bi helikoptero ari dira lanean.
Datozen orduetan zaparradak eta ekaitz bakanak espero dira, batez ere Pirinioetan, eta litekeena da sutearen inguruan euria egitea ilunabarrean.
Ekialdeko haizea ibiliko da, orduko 45 kilometrorainoko boladak izan daitezke, eta ipar-ekialdekoa gailenduko da ipar partean eguerditik aurrera.
Zure interesekoa izan daiteke
Onintza Enbeitak eta Ainhoa Urrejolak emozioz bizi dituzte Aste Nagusiaren aurreko orduak
Pregoilariak eta txupinerak jaiak hasi aurreko urduritasuna eta emozioa nabarmendu dituzte. Enbeitak onartu du inoiz izan ez duen “beldur eszenikoa” nabaritu duela egunotan, eta Urrejolak, berriz, “oso pozik” dagoela. Jaiak “askatasunez” gozatzeko aldarrikatu dute biek, “inor zapaldu gabe”.
Emakume bizkaitar bat hil da Lugon izandako auto-istripu batean
Ostiral honetan izandako ezbeharrean, bederatzi pertsona zauritu dira, horietako bi larri.
Dena prest Bilbon, Marijaia noiz iritsiko zain
Onintza Enbeita bertsolariak eta Kaixo konpartsako Ainhoa Urrejolak emango diote jaiari hasiera. Orain.eus webguneak zuzenean eskainiko du Aste Nagusiaren hasiera 19:00etatik aurrera.
Mafiek Ceutako migratzaileekin trafikatzen dutela ohartarazi du Polizia Nazionalak
Angel Victor Torres Lurralde Politika eta Memoria Demokratikoko ministroak koordinatuko du Ceutako krisiak Espainiako Gobernuaren barruan eragindako egoera.
Palestinarekin Elkartasuna elkartearen hitzetan, Palestinako erasoek "ez dute etenik", eta beste mobilizazio bat deitu du urrirako
Palestinarekin Elkartasuna plataformak deituta, manifestazioa egin dute ostiral honetan Bilbon, Palestinari elkartasuna adierazteko. Manifestariek salatu dutenez, su-etena hasi zenetik palestinarren aurkako sarraskia ez da eten, eta Israelgo Gobernuak Libanora eta Iranera zabaldu ditu erasoak. Urriaren 3an beste manifestazio bat egingo dute, Bilbon.
Lezoarrak kezkatuta daude Pasaiako portuko isuriekin eta neurriak eskatu dituzte
Azken sutearen ondorioz, leihoak ixteko deia egin diete agintariek. Horrelakoak egunero gertatzen direla salatu eta elkarretaratzea egin dute udaletxe aurrean. Portuan lan egiten duten enpresak herritarren osasunaren kontura aberasten direla esan dute, eta neurriak hartzeko eskatu diete agintariei.
Riglosko sute handia kontrolpean dute, eta ebakuatuak etxera itzuli dira
Aragoiko Gobernuak babes zibileko gutxieneko mailara jaitsi du alerta azken ebakuatuak etxera itzuli ondoren, baina operatiboak lanean jarraitzen du 14.500 hektareako perimetroa finkatzeko.
Sagardogileek sagar-bilketa aurreratu dute lehortearen ondorioz, eta aurtengo uzta % 30-35 txikiagoa izango dela aurreikusi dute
Uda lehorraren ondorioz, ekoizle batzuek uzta aurreratu dute, eta beste batzuek datozen egunetan ekingo diote bilketari. Kanpainaren emaitza irailean aurkeztuko dute Villabonako sagasti esperimentalean.
Aurtengo Aste Nagusia azkena izango da Juan Mari Aburtorentzat Bilboko alkate bezala
12 urtez alkate izateak ematen duen perspektibarekin, Aste Nagusiak izan duen bilakaeran herritarren parte-hartzea nabarmendu du. Oraindik bada zer hobetu eta kontuan hartzeko moduko kezkak eta erronkak. Horren harian, konpartsekin gorabeherak izan arren, gaur egun harremana errespetuzkoa dela esan du. Jaia lehertzeko egun bakarra falta denean, alkateak ere urduri eta emozio handiz bizi ditu ordu hauek.