Snowden: 'AEBko Gobernuaren ordezkariek hilda ikusi nahi naute'
Edward Snowden Nazio-Segurtasun Agentziaren (NSA) analista ohiak uste du Estatu Batuetako agintariek bere kontrako atentaturen bat prestatzeko aukera dagoela. Horrela azaldu dio ARD Alemaniako kate publikoari, mundu mailan egin dioten lehen elkarrizketan (igande honetan gauean egongo da ikusgai). "Gobernuaren ordezkariek hilda ikusi nahi naute", esan dio Snowdenek Hubert Seipel kazetariari.
Asmo horien adierazgarri bezala, Snowdenek “Buzzfeed” webgunean argitaratutako artikulu bat aipatu du; bertan, Pentagonoko kide batzuek inteligentziako analistaren bizitzarekin amaitzeko borondatea adierazi omen zuten. "Pertsona horiek Gobernuaren funtzionarioak dira, eta esan dute buruan niri tiro bat sartzea gustatuko litzaiekeela edo supermerkatutik aterata pozoitzea bestela, dutxapean nola hiltzen naizen ikusteko", esan du Snowdenek.
AEBk espioitza eta traizioa leporatu dizkio Snowdeni. Gaur egun, Errusian dago, babestuta. Elkarrizketan, halaber, esan du uste duela Estatu Batuetako zerbitzu sekretuek gainerako herrialdeen enpresak espiatu zituztela: “Siemensek Estatu Batuetako interesetarako ona izan litekeen informaziorik izatekotan, hartuko dute, segurtasun nazionalarekin zerikusirik ez badu ere”.
NSAk espioitza industrialik ez duela egiten esan zuen
Snowdenek esandakoa, nolanahi ere, ez dator bat Vanee Vines NSAren bozeramaileak urtarrilaren 14an “The New York Times” egunkariari egindako adierazpenekin. “Guk ez ditugu gure inteligentzia zerbitzuak horretarako erabiltzen, atzerriko enpresei sekretu komertzialak lapurtzeko Estatu Batuetako konpainien eta euren nazioarteko lehiakortasunaren onurarako”, esan zuen Vinesek.
Snowdenek azaldu du ez duela une honetan inolako informaziorik; izan ere, aukeratutako kazetari batzuei eman zien dena, eurek argitaratzeko.
Albiste gehiago mundua
Shein eta Temu Europar Batasunaren ikerketapean, toxikoak dituzten produktuak saltzen ote dituzten argitzeko
Susmopean daude, adibidez, haurtxoentzako xirak , kimiko toxikoak omen dituztelako.
%20primer%20ministro%20japones%20durante%20las%20elecciones%20de%202025?fmt=webp-alpha&qlt=80)
Japoniako Gobernuak indarra galdu du eta ultraeskuinak gora egin du immigrazioaren aurkako mezuarekin, emaitza ofizialen faltan
Azken galdeketen arabera, Sanseito alderdi ultraeskuindarra indartsu sartuko da Parlamentuan, eta kolokan utziko du agintean dagoen koalizioa.
Laguntza jasotzeko zain zeuden 81 gazatar hil ditu Israelek, eta ebakuazio behartua agindu du
900 pertsona baino gehiago hil dira Gazan elikagaiak lortzen saiatzen ari zirela. UNRWAk Israeli eskatu dio duela lau hilabete eta erditik indarrean dagoen elikagaien banaketaren blokeoa amaitzeko.
Ishiba lehen ministroarentzat erabakigarriak diren Goi Ganberarako hauteskundeak dituzte gaur Japonian
Hauteskunde parlamentario hauek erabakigarriak dira Ishibaren Exekutiboarentzat, izan ere, Ishibak gutxiengoan gobernatzen du joan den urriko hauteskunde orokorretan Behe Ganberaren kontrola galdu zuenetik.
Sueida eskualdeko borrokak amaitutzat eman ditu Siriako Gobernuak
Inguruan nolabaiteko lasaitasun tirabiratsua da nagusi, biktimei arreta emateko korridore humanitarioen irekiera prestatzen ari diren bitartean. Giza Eskubideen Siriako Behatokiaren arabera, mila pertsona hil dira.
Jende multzo baten kontra egin du auto batek Los Angelesen eta 30 zauritu utzi ditu, zazpi egoera kritikoan
Gutxienez 30 pertsona zauritu dira, horien artean zazpi egoera kritikoan eta sei larri, gaur goizaldean Los Angelesen (AEB), auto batek harrapatuta. Poliziaren bozeramaileak jakinarazi duenez, ibilgailu bat 02:00ak aldera (11:00ak Euskal Herrian) The Vermont Hollywood kontzertu-aretora sartzeko zain zegoen jendearen kontra joan da. Ustezko erasotzaileak, jatorri hispaniarreko gizon batek, hainbat pertsonarekin eztabaidatu zuen Vermont Hollywood barruan, eta, ondoren, lokaletik atera zen eta "arrazoiren batengatik, espaloian jendea harrapatzea erabaki zuen", esan du Horacio Aguirre Los Angeleseko Polizia Departamentuko sarjentuak The Washington Post egunkarian.
Israelek 48 pertsona hil ditu Gazan, horietatik 32 elikagaia banatzeko puntu batera iritsi nahian zebiltzanak
Tropek banaketa puntua inguratu eta bertara iritsi nahian zebiltzan milaka palestinarren aurka tiroka hasi dira soldadauk, lekukoen eta tokiko iturrien arabera.
AEBk El Salvadorrera deportatutako 252 preso Venezuelara bueltan dira
Trukean, Venezuelak 10 preso estatubatuar eman dizkio AEBri. Maduroren Gobernuak eskerrak eman dizkio Jose Luis Rodriguez Zapatero Espainiako Gobernuko presidente ohiari egin dituen bitartekaritza lanengatik, eta Donald Trump AEBko presidenteari, "egoera guztiz irregular hau zuzentzeko erabakiagatik".
Brasilgo Justiziak Bolsonarori orkatilako elektroniko bat jarri dio haren mugimenduak kontrolatzeko, Trumpen mehatxuei aurre eginez
Erabakia Alexandre de Moraes epaileak hartu du. Bolsonarori "justizia oztopatzea" egotzi dio. Era berean, epailearen ahotan, buruzagi ohi ultraeskuindarrak "atzerriko gobernu bat Brasilen aurka egitea eskatu, bultzatu eta lagundu du".
Tomorrowlandek agertoki nagusi berri batekin ireki ditu ateak
Eszenatoki berria sugarrek kiskali zuten jatorrizko eszenatokiaren hezurdura suntsituaren aurrean jarri dute. Oraindik ez da ezagutzen sutearen arrazoia, baina zenbait hedabideren arabera, sua hasi aurretik su artifizialak entzun ziren.