Katmandu, lurrikara gertatu baino lehen eta ondoren
Larunbatetik, lurretik barreiatuta dago Katmanduko ondare arkitektoniko eta kulturala. Richter eskalan 7,9 graduko dardarak 5.000 lagun hil eta 10.000 zauritu zituen, eta, horrez gain, UNESCOk gizateriaren ondare izendatu zituen monumentu asko erabat suntsitu ditu.
Albiste honi atxikitako argazkiak, horren lekuko. Pleiades satelite militarrak hartutako irudiotan, lehen eraikin ikusgarriak zirenak birrinduta ikusten dira orain.
Katmanduko ondareak jasan dituen kalteak aztertzen ari da UNESCO.
Hiriburuaren erdigunean, Durbar plazan, Hanuman Dhoka jauregi eta eraikin multzoa "txikituta" geratu da, nazioarteko erakundeak esan duenez. Malla dinastiak XII. eta XVIII. mendeen artean eraikitakoen artean, Taleju eta Jaganath tenpluak eta Pratap Malla erregearen estatua zeuden.
Dharahara -edo Bhimsen dorrea- XIX. mendean eraikitako monumentua ere suntsitu du lurrikarak. Dorrea 1832an egin zuten, helburu militarrekin.
Hiriburuan egindako triskantzaz gain, Katmanduko haranean ere begi bistakoa da hondamendia. Gizateriaren ondare izendatutako beste sei eraikin edo eremu ere kaltetu dira: Patan eta Bhaktapur hirietako jauregiak, Swayambhunath eta Boudhanath estupa budistak eta Pashupati eta Changu Narayan tenplu hinduistak.
Sagarmantha Parke Nazionalak (Everest mendia hartzen du) ere kalte handiak jasan ditu.
Txikizio honetan bada albiste onik. Lumbini herrixkan, Budaren jaiolekuan, eta Chitwan Parke Nazionalean ez da aparteko kalterik izan.
Lurrikararen ostean kanpin-dendak zabaldu dituztela ikus daiteke argazki honetan. Argazkia: EFE, Airbus Defentsa eta Espazioaren bidez.
Zure interesekoa izan daiteke
Gutxienez hiru kasko urdin zauritu dira Libano hegoaldeko instalazioetan izandako leherketa batean
Israelek 1.368 pertsona hil ditu jada herrialdearen aurka egindako eraso armatuetan. Halaber, Israelgo Armada Libano hegoaldeko herrixketan etxebizitzak eraisten hasiko da, bertatik 600.000 pertsona kanporatu ondoren. Hezbollah taldearen "kokalekuak" direla ziurtatu du Israelek.
Pentagonoak kargutik kendu du AEBko Armadako Estatu Nagusiko burua
Erasoen gorakadaren erdian, Randy Georgek agintea utzi du eta Trumpek bere erretorika belizista areagotu du.
Artemis II misio espaziala Ilargira bidean da jada
Bidaia tripulatuak bueltan dira Ilargira, 50 urteren ostean, baina oraingoan ez da ilargiratzerik aurreikusi.
Trumpek kargutik kendu du Pam Bondi fiskal nagusia, Espstein auziaren kudeaketarekin hainbat desadostasun izan ostean
AEBko presidenteak 2024ko azaroan jarri zuen karguan, baina denbora horretan hainbat enfrentamendu izan dituzte. Todd Blanchek ordezkatuko du Bondi, Trump presidente izan aurretik jasotako lau inputazio penaletan defendatu zuen abokatuak, alegia.
Amazonek Bahrainen duen zentro baten aurkako erasoa egin duela aldarrikatu du Iranek
Irango Guardia Iraultzaileak Microsoft, Apple, Google, Meta, Boeing, Tesla eta beste 14 enpresaren aurkako erasoak egiteko mehatxua egin zuen asteartean, Iranen kontrako "operazio terroristetan parte hartzea" leporatuta.
Erreskate faltsuak gauzatzen zituen sare bat desegin dute Nepalen
Mendizaleei iruzur egiten saiatzen ziren, beharrezkoak ez ziren ebakuazio medikoen bidez. Agintariek faltsututako 171 erreskate baieztatu dituzte 2022tik 2025era. Ikerketak zabalik jarraitzen du, eta ez da baztertzen kaltetuen kopurua handitzea.
Texasko petrolioak ia % 13 egin du gora, gerra laster amaitzeko zantzurik ez dagoelako
Trumpen azken agerraldiak gerra azkar amaitzeko itxaropena zapuztu du inbertsiogileen artean. Wall Streetek % 1,28 egin du behera, Trumpek Irani "gogor" erasotzen jarraituko duela iragarri ostean.
Artemis II-ko komuna, Ilargira bueltatzeko misioa kolokan jarri duen ustekabea
Tripulazioak akats bat antzeman zuen Orion ontziko hondakinen sisteman. Hala ere, arazoa konpondu zuten, aireratu eta ordu batzuk geroago, misioa arriskuan jarri gabe.
Albiste izango da: "Artemis II" ilargi-bidaia, NAN digitala mugikorrean eta Balmasedako prozesioa
Orain-eko albisteen laburpena, minutu batean.
AEB Iranen dituen helburuak betetzetik gertu dagoela ziurtatu du Trumpek, eta eraso gehiago iragarri ditu
AEBko presidenteak aste gutxi barru aurreikusten du gerraren amaiera, eta Ormuzko itsasartea "modu naturalean" irekiko dela dio. Bien bitartean, Teheranek ukatu egin du su-etena eskatu izana.