Giza laguntza herrialde osoan banatzeko arazoak dituzte Nepalen
Larunbatean Nepal astindu zuen lurrikara eta bost egunera, giza laguntza iristen ari da Katmandu hiriburura, baina zailtasunak dituzte laguntza behar bezala banatzeko; bereziki, arazoak dituzte nekazal eta mendi guneetara iristeko.
Milaka lagun Katmandu hiriburura iritsi nahian dabiltza elikagaiak eta osasun arreta eskuratzeko eta horietako gehienak hainbat egunez isolatuta egon diren lurraldeetakoak dira. Laguntza apenas iristen da Katmandu hiriburuaren inguruan dauden herrietako kanpalekuetara, haurrei eta adineko pertsonei laguntzeko antolatzea erabaki duen giza talde batek salatu duenez.
Bhaktapur hirian, Katmandutik 10 kilometrora, kanpalekuak eraiki dituzte eta horietako batean 1.200 lagun baino gehiago elkartu dira Gurutze Gorriaren toldoen eta sukaldeko mahai-oihalen azpian. Arjun Konda ingeleseko irakaslea koordinatzaile lanak egiten ari da iristen den laguntza apurra modu arrazionalean banatzen dela bermatzeko. "Asko gara eta iristen zaigun laguntza ez da nahikoa guztiontzat. Gosearen arazoa izango dugu edozein unetan", gaineratu du.
Milaka herritar hiriburura iritsi nahian dabiltzan bitartean, beste batzuek bertatik atera nahi dute. Elektrizitatea itzultzen hasia da eta dagoeneko dendak ere irekitzen hasi dira, baina herritarrek bertatik atera nahian jarraitzen dute.
Nepalgo Merkataritza Ganbarako eta Industriako Federazioko presidenteak ohartarazi duenez, 400.000 lagun inguruk ihes egin dute hiriburutik, gehienak, langileak.
Bien bitartean, erreskate taldeak lanean ari dira hondakinen artean egon daitezkeen pertsonak ateratzeko. Gaur bertan Pemba Lama izeneko hamabost urteko mutiko bat erreskatatu dute Gongabun, Katmanduko barrutian.
Nepalgo Barne Ministerioak berri eman duenez, dagoeneko 5.492 hildako eta 10.965 zauritu zenbatu dituzte.
Euskal mendizale bat espainiaratuko dute datozen orduetan
Bestalde, eskuko hatzetan izozteak dituen euskal mendizalea eta Polizia Nazionaleko ikuskatzaile bat gaur espainiaratuko dituztela jakinarazi du Jose Manuel Garcia-Margallo Espainiako Atzerri ministroak.
Euskal mendizalea lurrikara gertatu baino lehenagotik zegoen zaurituta eta polizia nazionala, ostera, lurrikararen ondoren larrialdi egoeran zegoen espainiar bati laguntzen ari zela zauritu zen.
Txekiar Errepublikako hegazkin konpainia bateko hegaldi batean iritsiko dira datozen orduetan estatu espainiarrera. Polizia Nazionaleko ikuskatzailea Madrilera eramango dute eta euskal mendizalea, berriz, Zaragozako Ospitalera eramango dute hatzetako izozteak osatzeko.
Albiste gehiago mundua
Gazako lurraldearen ia % 90 Israelen kontrolpean edo desplazamendu-agindupean dago
Israelgo tankeek Deir al Balah hiriko Al Baraka auzoari eraso egin diote, Armada sionistak Gazako erdialdean hiri horren aurka egiten duen lehen lurreko erasoaldiari ekiteko. Dagoeneko 59.000 pertsona baino gehiago hil dituzte Zerrendan. Igandean, 100 pertsona baino gehiago hil eta 1000 inguru zauritu zituen Israelek.
Gutxienez 19 pertsona hil eta 164 zauritu dira Bangladeshen, hegazkin militar bat ikastetxe baten gainera erorita
F-7BGI aireontziak Milestone School and College ikastetxeko bi solairuko eraikinaren kontra jo du. Eraikin hori Uttara auzoan dago, Dhaka hiriburuaren iparraldean.
Japonian agintean dagoen koalizioak gehiengoa galdu du behe ganberan, baina lehen ministroak jarraitzeko asmoa du
Alderdi Liberal Demokratikoak (PLD) eta Komeito alderdiak osatzeko duten koalizioak 47 eserleku eskuratu ditu, gehiengoa bermatzeko behar diren 50 horien azpitik. Gainera, eskuin muturreko Sanseito alderdia oposizioko hirugarren alderdia izatera iritsi da, 14 ordezkari lortuta.
Shein eta Temu Europar Batasunaren ikerketapean, toxikoak dituzten produktuak saltzen ote dituzten argitzeko
Susmopean daude, adibidez, haurtxoentzako xirak , kimiko toxikoak omen dituztelako.
Laguntza jasotzeko zain zeuden 81 gazatar hil ditu Israelek, eta ebakuazio behartua agindu du
900 pertsona baino gehiago hil dira Gazan elikagaiak lortzen saiatzen ari zirela. UNRWAk Israeli eskatu dio duela lau hilabete eta erditik indarrean dagoen elikagaien banaketaren blokeoa amaitzeko.
Ishiba lehen ministroarentzat erabakigarriak diren Goi Ganberarako hauteskundeak dituzte gaur Japonian
Hauteskunde parlamentario hauek erabakigarriak dira Ishibaren Exekutiboarentzat, izan ere, Ishibak gutxiengoan gobernatzen du joan den urriko hauteskunde orokorretan Behe Ganberaren kontrola galdu zuenetik.
Sueida eskualdeko borrokak amaitutzat eman ditu Siriako Gobernuak
Inguruan nolabaiteko lasaitasun tirabiratsua da nagusi, biktimei arreta emateko korridore humanitarioen irekiera prestatzen ari diren bitartean. Giza Eskubideen Siriako Behatokiaren arabera, mila pertsona hil dira.
Jende multzo baten kontra egin du auto batek Los Angelesen eta 30 zauritu utzi ditu, zazpi egoera kritikoan
Gutxienez 30 pertsona zauritu dira, horien artean zazpi egoera kritikoan eta sei larri, gaur goizaldean Los Angelesen (AEB), auto batek harrapatuta. Poliziaren bozeramaileak jakinarazi duenez, ibilgailu bat 02:00ak aldera (11:00ak Euskal Herrian) The Vermont Hollywood kontzertu-aretora sartzeko zain zegoen jendearen kontra joan da. Ustezko erasotzaileak, jatorri hispaniarreko gizon batek, hainbat pertsonarekin eztabaidatu zuen Vermont Hollywood barruan, eta, ondoren, lokaletik atera zen eta "arrazoiren batengatik, espaloian jendea harrapatzea erabaki zuen", esan du Horacio Aguirre Los Angeleseko Polizia Departamentuko sarjentuak The Washington Post egunkarian.
Israelek 48 pertsona hil ditu Gazan, horietatik 32 elikagaia banatzeko puntu batera iritsi nahian zebiltzanak
Tropek banaketa puntua inguratu eta bertara iritsi nahian zebiltzan milaka palestinarren aurka tiroka hasi dira soldadauk, lekukoen eta tokiko iturrien arabera.
AEBk El Salvadorrera deportatutako 252 preso Venezuelara bueltan dira
Trukean, Venezuelak 10 preso estatubatuar eman dizkio AEBri. Maduroren Gobernuak eskerrak eman dizkio Jose Luis Rodriguez Zapatero Espainiako Gobernuko presidente ohiari egin dituen bitartekaritza lanengatik, eta Donald Trump AEBko presidenteari, "egoera guztiz irregular hau zuzentzeko erabakiagatik".