66 lagun hil eta 1.928 zauritu ditu Nepalgo lurrikarak
Lurrak gogor astindu du gaur Nepal, apirilaren 25ean egin zuen bezala ia (7,8koa izan zen ordukoa). Richter eskalan 7,3 graduko lurrikara izan da goizean. Asiako herrialdea apirilean izandako lurrikaratik sendatzen zebilen oraindik. Azken balantze ofizialaren arabera, 8.000 lagun hil eta 17.000 zauritu ziren eta herrialdea, eta batez ere Katmandu, erabat suntsituta geratu ziren.
Biktimen inguruko datuak apurka-apurka ari dira heltzen, hondamendiaren norainokoa zehazteko oso goiz da eta. Hildakoei dagokionez, Nepalgo Gobernuak 66 direla adierazi du, Laxmi Prasad Dhakal Barne Ministerioaren bozeramaileak Reuters albiste agentziari esan dionez. Lur-astinduak Txinan eta Indian ere utzi ditu biktimak: Indian, 17 dira hildakoak eta Tibeten, bat. Zauritutakoak 1.928 dira, Dhakalen arabera.
AEBko Zerbitzu Geologikoaren (USGS, ingelesezko siglak) arabera, lurrikarak Everest menditik gertu (Namche Bazar herrian, Nepal ipar-ekialdea, Txinako mugatik gertu) izan du erdigunea, eta New Delhin (India) eta Dhakan (Bangladesh) hiriburuetan ere sentitu dute. 19 kilometroko sakoneran izan du hipozentroa (lurrazaletik gertuen jazo diren lurrikarak dira gogorrenak).
Apirilaren 25eko seismoak gogorren jotako gunea astindu du bigarren lurrikara honek, besteak beste, Dolaja eta Sindhupalchowk barrutiak (Katmandu ekialdea). USGSren arabera, beste sei erreplika izan dira 7,3ko dardararen ostean. Ordubetean, 5 eta 6,3 gradu arteko astinduak izan dira.
Lurrikararen erdigunea Katmandutik 83 kilometrora kokatu da. Irudia: USGS
Josu Erkoreka Eusko Jaurlaritzako eledunak jakinarazi berri duenez, Nepalen zeuden hiru euskal herritarrekin harremanetan jarri dira; ondo daude. Baliteke, baina, herrialdean euskal herritar gehiago egotea.
Bestalde, Jose Manuel Garcia-Margallo Espainiako Gobernuko Atzerri ministroak berri eman duenez, herrialdean zeuden 152 espainiarrak onik daude. adierazi duenez, "zorionez, oraingoan ez dugu nahigaberik izan".
Hain justu, Gaizka Mentxaka Nepalen dagoen UNICEFeko langileak Radio Euskadiri azaldu dionez, Nepal osoan igarri dute astindua. "Unicefen bulegoan nago, eta alarmari esker, bi segundoko abantaila izan dugu, eta parkingera jaitsi ahal izan gara, beste 300 lagunekin batera", azaldu du.
Mentxakaren hitzetan, Nepalgo herritarrek "beharrizan ugari dituzte oraindik". Beraz, lagundu nahi dutenek zer egin ahal duten galdetuta, honakoa esan du: "Joan daitezela UNICEFera, eta galdetu dezatela bertan zelan lagundu".
Audioa: Gaizka Mentxaka euskal herritarrari egindako elkarrizketa osoa:
Eraikinak suntsituta eta milaka lagun kale gorrian
"Eskura ditugun helikoptero eta erreskate talde guztiak Dolajara eta Sindhupalchowkera bidaliko ditugu laster", esan du Nepalgo Gobernuak.
Herritarrei "aire librean" egoteko eta "errepideak libre" uzteko deia eskatu die, gainera. "Ez egin telefono deirik. Mezuak erabili", erantsi du.
Gemma Gillie Save The Children erakundeko kideak BBC telebista kateari adierazi dionez, "beldurgarria" izan da. "Jendea seguru sentitzen hasia zenean heldu da beste lurrikara hau", esan du, penatuta.
Katmandu gogor astindu du lurrikarak. Errepliken beldur eta agintarien gomendioei jarraiki, milaka lagun kalera atera dira eta aurretik nahikoa kaltetuta zeuden eraikin batzuk behera etorri dira.
Errepliken beldur, aire librera jo dute Katmanduko herritarrek. Argazkia: EFE
Zure interesekoa izan daiteke
Bruselak ikerketa abiatu du Sheinen aurka, diseinu "adiktiboa" duelakoan eta legez kanpoko produktuen salmentagatik
Europako Batzordearen ustez, Txinako plataformak ez du Europako araudia betetzen, ez delako gardena bere gomendio-sistemekin eta legez kanpoko artikuluak merkaturatzeko aukera ematen duelako, besteak beste, haurren sexu-edukiko materiala.
Adimen artifizialaren gobernantza eztabaidagai Indian: Silicon Valleyeko handikiak eta nazioarteko agintariak New Delhin bildu dira
Sam Altman (OpenAI), Sundar Pichai (Google) eta Jensen Huang (Nvidia) lider teknologikoak batu dira goi-bileran.
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal bat zela diote kasua aztertu duten errelatoreek. Sexu-esklabotza, bortxazko desagertzea, tortura eta feminizidioa, besteak beste, egin direla frogatzeko moduko dokumentuak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.