NBEk batasun nazionaleko gobernua iragarri du Libian
Bernardino Leon NBEren Libiarako ordezkari bereziak batasun nazionaleko gobernu bat eratzeko proposamena iragarri du. Proposamen horrek aurkari diren Libiako bi legebiltzarren oniritzia jaso behar du.
Leonen arabera, NBEk batasun nazionaleko gobernua osatuko duten kideen zerrenda proposatu du, eta elkarren aurka ari diren bi legebiltzarrek proposamena aldarte onez hartzea espero duela erantsi du.
Hori horrela, Faiz Serraj (55 urteko legebiltzarkide independentea) lehen ministro lanetan arituko da, eta hiru ministrorde eta bi estatu-ministro egongo dira berarekin batera presidente-batzordean.
Zerrenda horrez gain, NBEren ordezkariak Libiako elkarrizketetan parte hartzen ari diren agintariek proposatutako beste zerrenda bat ere iragarri du.
"Libiarrek gure proposamena ezkor jasoko dutela uste dugu, gaur egun herrialdean egoera zaila baitute", esan du. Aipatutako gobernua, baina, urriaren 20an aurkeztuko dutela aurreratu du.
NBEren ordezkariak azpimarratu du batasun nazionaleko gobernua osatzeko prozesuak aurrera jarraituko duela, Kongresu Nazional Orokorra batzen ez bada ere. Aipatutako taldeak Tripolin dauka ordezkaritza, eta hiriburua eta herrialdearen % 75 ditu kontrolpean.
Libia porrot egindako estatua da, gerra zibilaren eta kaosaren biktima, nazioarteak 2011n Muamar Gadafiren aurkako altxamendu militarra babestu zuenetik.
Azken hauteskundeak egin ondoren, boterea Tobruk eta Tripoli bitartean egon da banatuta. Bi gobernu horiek talde islamista, gerrako jauntxo, tribuetako buru eta arma-, petrolio-, pertsona- eta droga-trafikarien babesa jasotzen dute.
Zure interesekoa izan daiteke
Pentagonoak kargutik kendu du AEBko Armadako Estatu Nagusiko burua
Erasoen gorakadaren erdian, Randy Georgek agintea utzi du eta Trumpek bere erretorika belizista areagotu du.
Artemis II misio espaziala Ilargira bidean da jada
Bidaia tripulatuak bueltan dira Ilargira, 50 urteren ostean, baina oraingoan ez da ilargiratzerik aurreikusi.
Trumpek kargutik kendu du Pam Bondi fiskal nagusia, Espstein auziaren kudeaketarekin hainbat desadostasun izan ostean
AEBko presidenteak 2024ko azaroan jarri zuen karguan, baina denbora horretan hainbat enfrentamendu izan dituzte. Todd Blanchek ordezkatuko du Bondi, Trump presidente izan aurretik jasotako lau inputazio penaletan defendatu zuen abokatuak, alegia.
Amazonek Bahrainen duen zentro baten aurkako erasoa egin duela aldarrikatu du Iranek
Irango Guardia Iraultzaileak Microsoft, Apple, Google, Meta, Boeing, Tesla eta beste 14 enpresaren aurkako erasoak egiteko mehatxua egin zuen asteartean, Iranen kontrako "operazio terroristetan parte hartzea" leporatuta.
Erreskate faltsuak gauzatzen zituen sare bat desegin dute Nepalen
Mendizaleei iruzur egiten saiatzen ziren, beharrezkoak ez ziren ebakuazio medikoen bidez. Agintariek faltsututako 171 erreskate baieztatu dituzte 2022tik 2025era. Ikerketak zabalik jarraitzen du, eta ez da baztertzen kaltetuen kopurua handitzea.
Texasko petrolioak ia % 13 egin du gora, gerra laster amaitzeko zantzurik ez dagoelako
Trumpen azken agerraldiak gerra azkar amaitzeko itxaropena zapuztu du inbertsiogileen artean. Wall Streetek % 1,28 egin du behera, Trumpek Irani "gogor" erasotzen jarraituko duela iragarri ostean.
Artemis II-ko komuna, Ilargira bueltatzeko misioa kolokan jarri duen ustekabea
Tripulazioak akats bat antzeman zuen Orion ontziko hondakinen sisteman. Hala ere, arazoa konpondu zuten, aireratu eta ordu batzuk geroago, misioa arriskuan jarri gabe.
Albiste izango da: "Artemis II" ilargi-bidaia, NAN digitala mugikorrean eta Balmasedako prozesioa
Orain-eko albisteen laburpena, minutu batean.
AEB Iranen dituen helburuak betetzetik gertu dagoela ziurtatu du Trumpek, eta eraso gehiago iragarri ditu
AEBko presidenteak aste gutxi barru aurreikusten du gerraren amaiera, eta Ormuzko itsasartea "modu naturalean" irekiko dela dio. Bien bitartean, Teheranek ukatu egin du su-etena eskatu izana.
"Artemis II" aireratu da Ilargira bidean
NASAko tripulazioa Lurreko orbitan erabat sartu da, eta 10 eguneko bidaiari ekin dio. Gorabehera txikiak izan dira jaurtiketan, baina konpondu dituzte.