Lilura
Esan ohi da lorpenak ez direla neurtzen eskuratutakoaren arabera, aurrez jarritako helburuen arabera baizik. Horregatik batentzat arrakastaren gailurra dena, bestearentzat etsipenaren adierazle izan liteke. Bigarren Mundu Gerra amaitu zenetik ez da izan Munduan Barack Obamak beste ilusio eta lilura sortu duen ordezkari politikorik.
Mijail Gorvachov aldaketa handi eta garrantzitsuen eragile izan zen, baina beregandik ez genuen ezer espero, gehienok ez genuelako ezagutzen. Obama aldiz aro berri baten adierazle eta ikur bihurtu zitzaigun, bazirudien edozer gauza lor zezakeela,guztiok harrapatu gintuen eta presidente izendatu eta handik gutxira Bakearen Nobel Saria eman zioten,ez dakigu zehatz zergatik.
Barack Obama aro berri baten aitzindari izan zen. Ameriketako Estatu Batuetako lehen presidente beltza, gaztea eta ondo prestatutakoa. Hizlari bikaina eta gizon erakargarria. Bere mezuetan ordura arte AEBetako presidente bati inoiz entzun gabeko hitzak entzun genituen: berdintasuna, bazterketa eta arrazakeria eza, bakea eta elkarrizketa, klima aldaketaren arriskua, elkarrekin lan egin beharra, etsaiekiko lankidetza…
Mundua aldatzeko prest iritsi zitzaigun Obama.2009an presidente ardura hartu zuenean Estatu Batuek eta Mendebaldeak azken 80 urteetan ezagututako krisi ekonomikoa larriena bizi zuten.
Bere aurrekoak, Georges Bushek bi gerra hasi eta Mundua erabat nahastu zuen, Estatu Batuak berriro deabru beltza bihurtu ziren askorentzat, Guantanamok eta Abu Ghraibek zalantzan jarri zituzten giza eskubideak eta demokrazia… Eta orduan azaldu zen Barack Hussein Obama, gaitz guztiak konponduko zituen zaldun ausarta.
Obamaren bigarren agintaldia urteaz batera amaituko da eta ez dakigu hemendik urte batzuetara historia liburuek zer esango duten. Baina zalantzarik gabe Obama frustrazioaren historia izan da, sortutako itxaropenetik lortutakora alde handiegia dagoelako.
Obamak goraipamenak merezi ditu, hitzaldi hunkigarriak egin ditu, gizakiok berdinak garela gogoratu digu, gizateria bat dela azpimarratu du behin eta berriz, eta mundu hobea lortzeko zein den bidea azaldu du. Baina Obamak batez ere erakutsi digu zein zaila den politikan eta diplomazian, ustez garbi dagoena, ukaezina edo egokia dena lortzea munduko pertsona boteretsuena izan arren.
Tresnak eta baliabideak eduki arren, jende askoren interesak uztartu behar ditugunean miraririk ez dago, eta gehienetan nahi eta ahal dugunaren artean beste zeozer aukeratu beharra dugu.
Zure interesekoa izan daiteke
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal baten aurrean gaudela diote kasua aztertu duten errelatoreek. Sexu-esklabotza, bortxazko desagertzea, tortura edota feminizidioa bezalako delituak egon direla erakusten duten gertakariak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.
Europa indartzeko eta AEBrekiko harremana bideratzeko deia egin du Merzek, potentzia handien garaian
Alemaniako kantzilerrak europarren aldeko deia egin du Municheko Segurtasun Konferentziaren (MSC) irekiera ekitaldian. 120 herrialdetako 200 estatuburu, gobernuburu eta ministro biltzen ditu hitzordu garrantzitsu horrek.
Bake Batzordeak ez du NBEko Segurtasun Kontseiluaren ebazpena islatzen, Kallasen ustez
Europar Batasunak Kanpo Politikarako duen goi-ordezkariak ohartarazi du NBEko Segurtasun Kontseiluak ez duela behar bezala funtzionatzen "legearen gainetik dauden herrialdeak daudelako".