Paris eta Kairo lotu behar zituen hegazkin bat radarretik desagertu da
66 pertsona zeramatzan hegazkin bat radarretik desagertu da goizaldean, EgyptAir airelineak jakitera eman duenez. Hegaldia Paris-Kairo ibilbidea egiten ari zen.
EgyptAir konpainiak sare sozialetan argitaratu duen agiri labur batean azaldu duenez, Airbus A320 hegazkinaren MS804 hegaldia Pariseko Charles de Gaulle aireportutik abiatu zen asteazken arratsaldean eta Kairoko nazioarteko aireportua iritsi behar zen ostegun goizaldean.
Hala ere, non dagoen ez dakite radarretik desagertu delako.
Hegazkina Egiptoren aireko espazioan sartu ondoren desagertu dela uste du EgyptAir konpainiak.
Hegazkinaren seinalea Egiptoren aireko espazioan kilometro bat sartu ondoren galdu dute radarrek. Hegaldia desagertu den unean 11.000 bat metroko altitudean hegan egiten ari zela erantsi dute.
Ikerketa eta erreskate taldeek hegazkina bilatzeari ekin diote dagoeneko, EgyptAir konpainiak baieztatu duenez.
Egiptoko Armadako ontzi eta hegazkinak parte hartzen ari dira bilaketa lanetan, Mediterraneoan, Armadako bozeramaile batek zehaztu duenez.
Greziako buruzagiak ere laguntzen ari dira, erantsi duenez.
EgyptAir hegaldi bat Dubain lur hartzen. Argazkia: EFE
Konpainiaren ahotan, hegazkinean zazpi tripulatzaile eta segurtasuneko hiru kide zihoazen. Era berean, hegaldiak 57 bidaiari zeramatzan, horien artean, mutiko bat eta bi haurtxo, EgyptAirek sare sozialetan argitaratu duen agiri batean azaldu duenez.
30 bidaiari egiptoarrak ziren eta 15 frantziarrak. Bidaiarien artean, Erresuma Batuko herritar bat, belgikar bat, irakiar bat, kuwaitar bat, saudi arabiar bat, sudandar bat, txadar bat, portugaldar bat, aljeriar bat eta kanadar bat zeudela erantsi du konpainiak agiri batean.
Hegazkina 2003an egindakoa dela eta hegaldiko kapitainak 6.275 orduko eskarmentua zuela azaldu du EgyptAirek.
Laguntza eskatu zuen
Hegazkinak laguntza eskatzeko mezu bat bidali du 04:26ean (02:26 GMT), konpainiak jakitera eman duenez. Mohamed Samir bozeramaile militarrak, ostera, "Indar Armatuek hegazkinaren laguntza eskaerarik" jaso ez dutela ziurtatu du Facebook sare sozialean.
Egiptoko aireko operazioen kontrol zentroko iturriek Al Ahram egunkariari azaldu diotenez, hegazkina desagertu baino hamar minutu lehenago izan dute azken komunikazioa, eta azken seinalea Grezia eta Egiptoren aireko espazioen arteko mugan eman du.
Abdel Fatah al Sissi Egiptoko homologoaarekin hitz egin duela iragarri du Francois Hollande Frantziako presidenteak. Frantziako agintariek “ez dute hipotesirik baztertzen”.
Frantzia bilaketan laguntzeko ontziak eta hegazkinak bidaltzeko prest dago, Jean-Marc Ayrault Atzerri ministroak iragarri duenez.
“Hegazkina aurkitzeko harreman etengabean gaude Egiptoko agintariekin”, adierazi du Ayraultek, Hollandek deitutako krisi kabinetea amaitu ondoren, Eliseon. “Egiptoko buruzagien esanetara gaude, gure hegazkin eta ontziekin, bilaketa lanetan laguntzeko”, zehaztu du.
MS804 hegaldiko bidaiarien senideak Kairoko aireportura heltzen. Argazkia: EFE
Egiptoren turismo eta ekonomiari beste kolpe bat?
Urriaren 31n, MetroJet (Kogalymavia) konpainiako Airbus A321 hegazkin batek lurra jo zuen Sinai penintsulan, airean leherketa bat gertatu ostean. 224 pertsona zeramatzan.
Ezbeharraren ondorioz, herrialde batzuk hegaldiei murrizketak jarri zizkieten segurtasun arrazoiengatik, besteak beste, Errusiak. Hala, Egyptair airelineari bere lurraldean hegan egitea debekatu zion Moskuk.
Istripua eta ondorengo neurriak kolpe handia izan ziren Egiptoko turismo eta ekonomiarentzat.
Zure interesekoa izan daiteke
Adimen artifizialaren gobernantza eztabaidagai Indian: Silicon Valleyeko handikiak eta nazioarteko agintariak New Delhin bildu dira
Sam Altman (OpenAI), Sundar Pichai (Google) eta Jensen Huang (Nvidia) lider teknologikoak batu dira goi-bileran.
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal bat zela diote kasua aztertu duten errelatoreek. Sexu-esklabotza, bortxazko desagertzea, tortura eta feminizidioa, besteak beste, egin direla frogatzeko moduko dokumentuak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.
Europa indartzeko eta AEBrekiko harremana bideratzeko deia egin du Merzek, potentzia handien garaian
Alemaniako kantzilerrak europarren aldeko deia egin du Municheko Segurtasun Konferentziaren (MSC) irekiera ekitaldian. 120 herrialdetako 200 estatuburu, gobernuburu eta ministro biltzen ditu hitzordu garrantzitsu horrek.