Idomeniko errefuxiatuen kanpalekua husten jarraitzen dute
Idomeniko errefuxiatuen kanpalekua husten ari da Greziako Polizia, bigarren egunez. Atzo hasi ziren errefuxiatuak kanporatzen, eta, lehen datuen arabera, 2.031 pertsona atera zituzten, 42 autobusetan. Grezia iparraldera eraman zituzten denak, errefuxiatuak hartzeko prestatu dituzten zentroetara.
Hamar egun aurreikusi ditu Greziako Gobernuak, Idomeniko kanpalekua erabat husteko. Oraingoz, ez da istilurik izan Poliziaren eta errefuxiatuen artean.
Salonika (Greziako bigarren hiri handiena) inguruan bost harrera-zentro prestatu dituzte, Idomeniko errefuxiatuak hartzeko, eta herrialdearen iparraldean beste bi.
Atzo goizean, Poliziak emandako datuen arabera, kanpalekua husten hasi zirenean, 8.500 pertsona zenbatu zituzten Idomenin. Grezian dagoen errefuxiatu-gune handiena da, eta, adituen iritzian, Europaren migrazio-politiken porrotaren ikur bilakatu da. 12.000 errefuxiatu hartzera iritsi zen Idomeniko kanpalekua.
Argazkia: EFE
Operazioa, ofizialki, atzo hasi zuten arren, azken asteotan 2.500 pertsona inguru eraman dituzte Idomenitik antolatutako beste gune batzuetara. 400 polizia inguru ari dira parte hartzen operazioan.
Atzotik, hedabideek eta gobernuz kanpoko erakundeetako boluntarioek ezin dute Idomenira sartu; bertatik alde egitera behartu zituen Poliziak. ERT Greziako telebista kale-publikoari eta AMNA berri-agentziari bakarrik utzi diete kanpalekuan egoten eta irudiak hartzen.
Grezian antolatutako harrera-zentroetan 8.000 lagunentzako tokia prestatu dute.
Zure interesekoa izan daiteke
Bruselak ikerketa abiatu du Sheinen aurka, diseinu "adiktiboa" duelakoan eta legez kanpoko produktuen salmentagatik
Europako Batzordearen ustez, Txinako plataformak ez du Europako araudia betetzen, ez delako gardena bere gomendio-sistemekin eta legez kanpoko artikuluak merkaturatzeko aukera ematen duelako, besteak beste, haurren sexu-edukiko materiala.
Adimen artifizialaren gobernantza eztabaidagai Indian: Silicon Valleyeko handikiak eta nazioarteko agintariak New Delhin bildu dira
Sam Altman (OpenAI), Sundar Pichai (Google) eta Jensen Huang (Nvidia) lider teknologikoak batu dira goi-bileran.
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal bat zela diote kasua aztertu duten errelatoreek. Sexu-esklabotza, bortxazko desagertzea, tortura eta feminizidioa, besteak beste, egin direla frogatzeko moduko dokumentuak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.