22 hilotz berreskuratu dituzte gomazko txalupa batetik, Mediterraneoan
Mugarik Gabeko Medikuak (MSF) elkarteak 21 emakumeren eta gizonezko baten hilotzak berreskuratu ditu asteazken honetan Mediterraneo itsasoan, immigrantez beterik zegoen gomazko txalupa batetik.
Gobernuz kanpoko erakundeak zabaldu duenez, Aquarius salbamendu ontziak 209 pertsona bizirik aurkitu ditu bi txalupatan. Horien artean, bakarrik bidaiatzen ari ziren 50 haur eta haurdun dauden bi emakume daude. Aipatu ontzian, SOS Méditerranée elkartearekin batera ari dira elkarlanean MSF elkartekoak.
"Gure taldea lehendabiziko txalupara gerturatu denean, hilotzak ikusi dituzte itsasontziaren hondoan, gasolina putzu batean", esan du Jens Pagotto MSFko bilaketa eta erreskate operazioetako arduradunak.
"Bizirik atera direnek orduak eta orduak eman dituzte itsasontzi barruan hilotz horiekin. Asko hain daude traumatizatuta, ezen jasan behar izan dutenaz hitz egiteko gai ere ez diren", gaineratu du. Pagottoren esanetan, oraindik ez dakite nola hil diren horiek.
"Zenbat bizitza gehiago galdu behar ditugu itsasoan laguntza eta babesa behar duen jendeak aukera seguruagoa izan arte?", galdegin du Pagottok.
MSFk adierazi duenez, Italiako Armadak 48 pertsona ontziratu ditu bere itsasontzietako batean.
Urte hasieratik hona, 80.000 immigrante inguru iritsi dira Italiara, eta beste hiru mila hil dira horretan saiatzen ari zirela, Migrazioetarako Nazioarteko Erakundearen arabera.
Albiste gehiago mundua
Sute handi batek Coloradoko Arroila Handiko azpiegitura historikoak suntsitu ditu
Baso-sute batek 1928an ireki zituen Arroila Handiko aterpetxe historiko bat eta Arizonako 80 bat azpiegitura suntsitu ditu. Katie Hobbs gobernadoreak Estatu Batuetako gobernu federalak egindako ezbeharraren kontrola ikertzea eskatu du.
Islandian sumendi bat erupzioan sartu da hamabigarren aldiz azken bost urteetan
Erupzioa Sundhnukeko kraterrean eman da, Grindaviketik iparraldera eta Islandiako hiriburu Reykjaviketik eta Aintzira Urdin ospetsutik gertu. 700 eta 1.000 metro bitarteko luzera duen pitzadura bolkanikoa da, laba eta errauts bolkanikoa kanporatzen hasi da eta iparralderantz hedatzen ari da.
Israelek Damaskoko kuartel militarraren inguruak bonbardatu ditu
Eguneko bigarren erasoa da kokapen horretan bertan, Siria hegoaldeko borrokek jarraitzen duten bitartean. Erasoetako batek eraikina bete-betean jo du lehen datuen arabera.
Israelek Gazaren aurka egindako erasoek 100 pertsona baino gehiago hil dituzte astelehenetik
Zaurituei dagokienez, azken 24 orduetan 200 baino gehiago iritsi dira Zerrendan martxan jarraitzen duten ospitale bakanetara, iparraldean ez baitago zabalik bakar bat ere.
Frantziako Gobernuak 43.800 milioi euroko doikuntza egingo du 2026ko aurrekontuetan
Bayrou lehen ministroak neurri azpimarragarriak iragarri ditu; hala nola, pentsioak izoztea, enplegu publikoa eta gizarte- eta osasun- arloko gastuak murriztea eta jai egunak gutxitzea.
Putinen alternatibak, AEBren mehatxuaren aurrean
Vladimir Putinek Donald Trumpek ezarritako epemugari egin beharko dio aurre, Ukrainarekin gerrari amaiera emango dion akordio bat lortzeko. 50 egunen buruan ez bada bakerantz aurrerapauso zehatzik ematen, Etxe Zuriak erantzun egingo du.
Trumpek % 100eko muga-zergak ezarri nahi dizkie Errusiako produktuei, eta aliatuek finantzatutako armak Ukrainara bidaltzea adostu du NATOrekin
Trumpek iragarri du 50 eguneko epean Errusiako produktuei % 100eko muga-zergak ezarriko dizkiela, baldin eta Moskuk Ukrainarekin su-etena eta bake prozesua hastea ahalbidetuko duen akordiorik egiten ez badu. Era berean, iragarri du Ameriketako Estatu Batuek (AEB) armak bidaliko dizkiela NATOko herrialdeei, eta haiek arduratuko direla finantzatzeaz eta Ukrainara eramateaz.
EBk ohartarazi du Trumpek % 30eko muga-zerga ezartzeak bien arteko merkataritza etetea ekarriko lukeela
Donald Trumpek AEBko presidenteak iragarri du % 30eko muga-zergak ezarriko dizkiela Europar Batasuneko produktu guztiei, abuztuaren 1etik aurrera. Brusela prest agertu da negoziatzen jarraitzeko, nahiz eta "beharrezkoa" izanez gero, neurriak hartzeko aukera zabalik utzi duen.
Askatasunaren Ontzidia berriro Gaza bidean da, 58.000 hildakoen doluan
'Handala' ontzia Siziliatik abiatu da laguntza sinbolikoarekin. Bien bitartean, Israelen azken bonbardaketek beste 37 hildako utzi dituzte.
Trumpek % 30eko muga-zergak iragarri ditu Europar Batasunarentzat, abuztuaren 1etik aurrera
AEBko presidenteak gutun bat argitaratu du bere sare sozialean, eta esan du atzera egingo duela "Europar Batasunak edo EBko enpresek Estatu Batuetan produktuak fabrikatzea erabakitzen badute". Von der Layen prest agertu da negoziatzen jarraitzeko.