Lehendabizi, 'Brexit'a negoziatuko du EBk; gero, bien arteko harremana
'Brexit'a negoziatzeko jarraituko duen estrategiaren nondik norakoak txosten batean bildu ditu Europar Batasunak, eta dokumentuaren zirriborroa aurkeztu du gaur Donald Tusk Europako Kontseiluko presidenteak Valletan (Malta).
Agiriak Erresuma Batuaren "irteera ordenatua" negoziatzeko irizpideak bildu ditu 26 puntutan. Tusken hitzetan, "Europar Batasunaren interesak defendatuko dira".
"Irteeraren inguruko akordioa nahikoa adostuta edo itxita dugunean ekingo diogu bien arteko harremanari buruz hitz egiteari. Beraz, Erresuma Batuak proposatutako hori ez da gertatuko, ez ditugu hainbat afera mahai gainean izango", ohartarazi du Tuskek Maltan eskainitako prentsaurrekoan. Aurreratu duenez, "litekeena da udazkenean" egitea negoziazioen balorazioa.
Europako Kontseiluko buruak esan du ez dutela "zigor-neurririk" aurreikusi, baina aitortu du negoziazioak "zailak, konplexuak eta, agian, liskartsuak" izango direla.
Joseph Muscat Maltako lehen ministro eta Europar Batasuneko txandakako presidenteak ideia berari heldu dio: "Ez da negoziazio paralelorik egingo. Irteera ordenatu baten irizpideak adosten direnean hasiko gara Londresekin akordio berria negoziatzen".
Erresuma Batuan bizi diren Europar Batasuneko herritarrentzat eta Europar Batasunean bizi diren britainiarrentzat akordio "ona" lortu nahi dute 27 herrialdeek. "Hutsune legalen" aurrean, enpresak babestea ere bilatuko dute. Baina bada beste kezka iturri bat Bruselarentzat: Ulsterreko egonkortasuna. Hala, Irlanda eta Ipar Irlandaren artean "muga gogor bat" saihesteko "irtenbide malguak" proposatuko dituzte.
Londresen erantzuna
Europar Batasunetik ateratzeko negoziazioak "modu eraikitzailean" egiteko borondatea duela nabarmendu du Erresuma Batuko Gobernuak, eta zirriborroaren inguruko lehen balorazioan hori goraipatu du Downing Streeteko bozeramaileak.
Londresek ohar labur batean adierazi duenez, "argi dago bi aldeek modu eraikitzailean egin nahi dituztela elkarrizketak, eta, lehen ministroak —Theresa May— asteon esan duen bezala, biek dute helburu Europar Batasunaren eta Erresuma Batuaren arteko itun sakona eta berezia bermatzea".
Zure interesekoa izan daiteke
6,5 graduko lurrikara batek Mexiko erdialdea astindu du
Hegoaldeko Guerrero estatuko kostaldean izan du epizentroa lurrikarak, Ozeano Barean, baina astindua herrialdeko hainbat hiritan antzeman dute, Mexikoko hiriburua barne. Oraindik ez dute kalte material edo pertsonalik jakinarazi.
Bengala bat, Urtezahar egunean Suitzako taberna batean sua piztu izanaren arrazoi nagusia
Oraingoz, ez dago argi zenbat pertsona zeuden lokal horretan, baina hainbat lekukok adierazi dute sutea gertatu zen ordurako bengala zuten xanpain botila batzuk piztuta zeudela, eta sarrera bakarra oso estua zela deitoratu dute.
Irango protestetan "manifestariak hiltzen badituzte" herritarrak "erreskatatuko" dituela ohartarazi du Trumpek
Irango Gobernuak bere programa nuklearra berriro garatzen saiatzen ari dela adierazi du Trumpek azken egunotan, eta balizko bonbardaketekin erantzuteko prest agertu da, ekainean Israelekin egin bezala.
Zazpi pertsona hil dira Iranen, egoera ekonomikoak okerrera egin duela salatzeko deitutako hainbat manifestaziotan
Manifestazioak igandean hasi ziren Teheranen, eta dozenaka hiritara zabaldu dira azken egunotan, besteak beste, Isfahan, Kerman, Kermanshah, Hamadan eta Qom hirietara. Iran krisi ekonomiko larrian dago, urteko % 42ko inflazioarekin.
Txina medikamentuen eta antisorgailuen BEZa kobratzen hasi da, jaiotza-tasa estimulatzeko
Pekinek 30 urte baino gehiagoz indarrean egon den salbuespen fiskal bat ezabatu du krisi demografikoaren erdian.
Gutxienez 40 hildako eta 115 zauritu, gehienak larri, Suitzako Crans Montana eski-estazioan izandako sute batean
"Le Constellation" tabernan ospatzen ari ziren urte berriko festan piztu da sute bortitza, 01:30ean. Agintariek ez dute espekulaziorik egin nahi sutearen arrazoiaren inguruan baina erabat baztertu dute atentatuaren hipotesia. Bi lekukok azaldu dutenez, sua egurrezko sabaira gehiegi hurbildu ziren bengala batzuen ondorioz piztu zen, eta "oso azkar" zabaldu zen.
Sute batek eliza historiko bat kiskali du Amsterdamen Urtezahar gauean
Amsterdamgo Vondelkerk eliza historikoa, XIX. mende amaierako eraikina, erabat suntsituta geratu da bart sute baten ondorioz. Inguruko etxebizitzak hustu behar izan dituzte eta, zorionez, ez da inor zauritu ezbeharrean. Gertakariaren arrazoi ofizialak ezagutzen ez diren arren, herritar batzuek su artifizialak ikusi zituzten elizaren dorretik getu.
Moneta aldaketa Bulgarian: euroak lev moneta ofiziala ordezkatu du
Europar Batasunean (EB) duela 19 urte sartu bazen ere, Bulgaria orain arte eurogunetik kanpo egon da. 2026ko urtarrilaren 1etik, Bulgaria eurogunera sartu den 21. herrialdea da.
Zohran Mamdanik New Yorkeko alkate kargua hartu du
Alkate demokratak gauerdiaren ostean hartu du kargua, hiriko metro geltoki historiko batean egindako ekitaldi batean. New Yorkeko alkate gisa egin dituen lehen adierazpenetan, "ohorea eta pribilegioa" dela nabarmendu du.
Indarrean da Israelek Gazan jarduten duten 37 GKEri jarritako betoa
Israelek nazioarteko erakunde humanitarioei (Mugarik Gabeko Medikuak eta UNRWA) lizentziak kendu dizkie, eta jarduera etetea eta martxoaren 1a baino lehen Gazatik alde egitea exijitu die, erregistro-prozesu polemiko bat ez osatzeagatik.