FARC, alderdi politiko bihurtzeko prestatzen
Rodrigo Londoño Echeverri 'Timochenko' Kolonbiako Indar Armatu Iraultzaileen (FARC) buruzagiak jakinarazi du gerrilla bizimodu zibilean sartzeko prestatzen ari dela, eta alderdi politiko gisa egingo duela hori. Ekainaren 20tik aurrera abiatu ahal izango du prozesua, armagabetzea ordurako amaitzea aurreikusi baitute.
Oslotik Reutersi eskainitako elkarrizketa batean emandako azalpenen arabera, FARC Kolonbiako bizi politikoan sartzeko hautatuko duten izena eztabaidatzen ari da, bake akordioa hankaz gora jar dezaketen presidenterako eta legegintzarako hauteskundeak egiteko urtebete falta denean.
"Kongresuan erabakiko ditugu gauza horiek guztiak", gaineratu du. Kongresua abuztuan edo irailean izango da, eta "eztabaida irekia" egingo dute, "ahal den zabalena", eta bertan erabakiko dute "zein plataforma politiko" erabiliko duten eta "zein tesi" defendatuko dituzten foro demokratikoetan, Norvegiako hiriburuan gatazkei buruzko jardunaldi batzuetara igorritako bideoan agertu duenez.
"Proposamenarekin asmatzeko kezka daukagu", aitortu du, eta horretarako FARCek aintzat hartuko omen ditu "Kolonbiak une desberdinetan bizi izandakoak", tartean Batasun Patriotikoa, M19 gerrillatik sortutako alderdi politikoa, paramilitarrek deuseztatu zutena.
Albiste gehiago mundua
Gazako Zerrendan aireko laguntza banatzeari berrekin dio Israelek
Israelgo Defentsa Indarrak (FDI) berriz ere aireko laguntza banatzen hasi dira Gazako Zerrendan.
Gutxienez 652 haur hil dira aurten desnutrizioagatik Nigeriako iparraldean, MSFren arabera
"Aurrekontu murrizketa masiboak ikusten ari gara, bereziki Estatu Batuetatik, Erresuma Batutik eta Europar Batasunetik, desnutrizioa duten haurren tratamenduan benetako eragina izaten ari diren murrizketak", esan du ohar batean Ahmed Aldikhari Nigeriako MSFko ordezkariak.
Ehunka lagun kalera atera dira Edinburgon eta Aberdeenen, Trumpen bisitaren kontrako protestetan
Ostiral gauetik eskozian da Trump. Bost egunez izango da bertan, eta Turnberryko bere golf zelaietan jolasten aritu da larunbatean. Keir Starmer eta Ursula Von der Leyenekin bilduko da egunotan AEBko presidentea. Bitartean, baina, euren haserrea eta desadostasuna agertu dute ehunka eskoziarrek Edinburgoko eta Aberdeeneko kaleetan; Palestinaren aldeko eta etorkinen aldeko afixak zituzten eskutan horietako askok.
"Gose krisia sakontzen ari da: aurretik dagoeneko gaixorik zeudenak hiltzen ari dira"
Aitor Zabalgogeaskoa MSFko koordinatzaileak Gazatik kontatu digunez, ahulenek, lehendik egoera okerrena zutenek, ezin dute jada Gazako janari-faltak eragindako egoera gainditu. Dagoeneko 125 pertsona hil dira gosez, horietatik 11 ume azken orduetan.
Goseteak Gaza hartu du
Mugarik Gabeko Medikuek, Gurutze Gorriak eta Nazio Batuen Erakundeak ostiral honetan ohartarazi dutenez, Gazako Zerrendan goseteak gora egin du, eta Israelen erasoaldia hasi zenetik 120 pertsona baino gehiago hil ditu desnutrizioak. Erakunde humanitarioek adierazi dutenez, bost urtetik beherakoen eta haurdun dauden emakumeen % 25ek malnutrizioa dute, eta arrazoi horrengatik Gazan dituzten kliniketan erregistratutako palestinarren kopurua laukoiztu egin da bi hilabete eskasetan.
Hamasek Trumpi erantzunez: "Netanyahu da benetako oztopoa"
Era berean, erakundeak ziurtatu du Trumpen adierazpenak "kontraesanean" daudela bitartekarien ebaluazioarekin eta ez direla "koherenteak" prozesuaren bilakaerarekin.
Goseteak 120 hildako baino gehiago utzi ditu jada Gazan
Laguntza humanitarioko erakundeen arabera, bost urtetik beherakoen eta haurdun daudenen % 25ek desnutrizioa dute.
Alemaniak, Frantziak eta Erresuma Batuak Gazako gerra amaitzeko "ordua" iritsi dela diote
Hamasi "aginduzko desarmea" eta bahitu guztiak askatzea eskatu diote, eta Israeli laguntza humanitarioari oztopoak kentzea eta Gazatik ateratzea. Bestalde, Antonio Guterresek adierazi du ez duela ulertzen Gazako tragediaren aurrean munduak duen "axolagabekeria eta gelditasun maila".
Von der Leyen eta Trump igandean bilduko dira Eskozian, AEBk muga-zergak inposatzeko ultimatuma amaitzear dagoenean
Europako Batzordeko presidenteak Trumpekin bilera itxi du, telefono dei "on" baten ostean. Gainera, bileran bi buruzagiek "merkataritza harremanak eta horiek indartzeko moduak" eztabaidatuko dituztela azaldu du Europako Batzordeak.
Netanyahuk Hamas akordioa ixteko "oztopoa" dela esan du, eta Trumpek Gazan "lana amaitzeko" eskatu dio Israeli
Bi bazkideak gatazka konpontzeko "alternatibak" aztertzen ari dira. "Hamas da bahituak askatzearen akordioa lortzeko oztopoa", adierazi du Israelgo lehen ministroak. AEBko presidenteak dio Hamasek bere burua "hil" nahi duela eta, beraz, Israelek bere erasoaldi militarrarekin hasitako "lana bukatu" behar duela.