NBEren Misioari eraso diote Kolonbian, FARCen armak jasotzen ari zela
Kolonbian FARCen armak jasotzen ari den NBEren Misioaren talde bati eraso egin diotela baieztatu du gaur nazioarteko erakundeak.
Taldea Caloto herrian (Cauca departamendua, hego-mendebaldea) ari zen lanean "segada" egin diotenean. Kideetako bat zauritu da erasoan, NBEren Misioak ohar labur baten bidez azaldu duenez, baina ez du beste zehaztasunik eman.
FARCenak ziren 7.000 armak 779 zulotan daude, eta horiek ateratzen eta suntsitzen ari da NBEren Misioa. Armak jasotzera joan baino lehen eremua segurua dela bermatzen dute nazioarteko erakundearen kideek. FARCeko kideak eta politikariak ari dira prozesu horretan parte hartzen.
Zauritutako kidea Caliko erietxe batera eraman dute. Ez da beste inor zauritu, eta zulotik ateratako armak toki segurura eraman dituzte.
NBEren Misioak izaera politikoa du, ez militarra. Horrenbestez, taldeetan egoten diren polizia eta militarrek ez dute armarik eramaten, baina NBEren txaleko urdinak dituzte soinean, argi eta garbi identifikatzeko.
2016ko azaroan Kolonbiako Gobernuak eta FARCek sinatutako bake akordioaren baitan dago gerrillaren armak zuloetatik ateratzeko prozesua.
ELNk ukatu egin du horrekin zerikusirik izatea
ELN Askapen Nazionalerako Armadak ukatu egin du eraso horrekin zerikusirik izatea. "ELN ez da NBEren Misioaren aurkako erasoaren egile", zabaldu dute Twitterren duten kontuan.
Zure interesekoa izan daiteke
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.