Xi enperadorearen erregealdi luzea
Xi Jinping Txinako presidenteak abantaila handia du herrialde demokratikoetako beste kideen aurrean. Oso epe luzerako planak egin ditzake jakin badakielako luzaro egongo dela boterean. Herrialde demokratikoetako buruzagiek aldiz 4 urterako egitasmoak egin behar izaten dituzte, agian hurrengo hauteskundeetan ez direlako berraukeratuak izango.
Txinan aldiz, agintari nagusia 20 urte edo nahi adina egon liteke agintean Txinako Alderdi Komunistaren kontrola bere esku baldin badu. 90 milioi afiliatu dituen alderdi hori da Txinako alderdi bakarra eta ez du boterea beste alderdi batekin partekatzeko inongo asmorik. Ekonomia zabaltzeko eredua da, politikoki zabaltzen ez dena, Txinan indarrean jarraituko duena.
Xi Jinpingek berak argi utzi zuen hori atzo alderdiaren Kongresuaren aurrean eskainitako hitzaldian. Eta aurrez esan bezala, luzarora begira planak egin ditzakeenez, bide batez iragarri zuen 2035-erako Txina “herrialde sozialista modernizatu” bat izango dela, gizartean ezberdintasun handirik gabea eta arazo ekologikorik ez duena.
2050era begira, berriz, munduko lehen potentzia izango da, bai ekonomikoki baita militarki ere. Politiko batek egin ohi dituen promesa hutsak dirudite, baina egina dena da Txinako Alderdi Komunistak, Txinako gizartearengan duen kontrol zorrotza kontuan izanda, hori egiteko gaitasuna duela.
aitasuna duela.Albiste gehiago mundua
68 dira dagoeneko Texasko uholdeetan hildakoak, tartean 21 haur, eta dozenaka daude desagertuta
Guadalupe ibaiaren ur-goraldiak kanpamendua suntsitu zien hogeitik gora neskatoren bila jarraitzen dute. Estatuko meteorologia zerbitzuak datozen orduetan euri jasa gehiago izango direla ohartarazi du, eta baliteke gainezka egitea.
Irango buruzagi gorena berriro agertu da jendaurrean, Israelekin gerra hasi zenetik lehen aldiz
Ali Khamenei islamaren adar xiitako fededunen ospakizun baten bezperan agertu da, Teheranen.
Dalai-lamak 90 urte bete ditu, bere ondorengoa aukeratzeko prozesua abiatuta
Aukeratze prozesu hori ilusioz bizi dute gurean bizi diren budistek ere. Prozesua mistikoa da, luze jo dezake, eta dalai-lama berria izan daitekeen haurrari, besteak beste, objektuen proba egiten zaio.
Israelentzat “onartezinak” dira Hamasek su-etenari egin nahi dizkion aldaketak, baina negoziatzen jarraituko du
Laguntza humanitarioa berriro Nazio Batuen Erakundeak kudeatzea da talde islamistak egindako eskakizunetako bat.
27 neskato-begiralek osatutako talde bat desagertuta dago oraindik, Texasen izandako uholde larrien ondorioz
Dagoeneko 52 lagun hil dira Texasko erdialde-hegoaldea astindu duten uholde larriengatik. Ehunka pertsona erreskatatu dituzte kanpalekuetan, baina Hunt herrian, Guadalupe ibaiaren ondoan kanpatuta zegoen eskola-talde bat aurkitu ezinda dabiltza.
Dalai-lamak, Tibeteko budisten buruzagi espiritualak, 90 urte bete ditu
Munduko buruzagi erlijioso garrantzitsuenetakoak ekitaldi jendetsua egin du bere etxebizitzan, Indiako iparraldean, lagun ugariz inguratuta, tartean Richard Gere aktorea. 14. dalai-lamak 130 urte baino gehiago bizitzeko itxaropena du, eta Txinako inposaketei aurre egiten jarraituko duela hitzeman du.
Muskek America Party sortu du, AEBri "askatasuna itzultzeko" alderdi politikoa
“Batzuentzat alderdi bakarrekoa” den “bi alderdiko sistema” deuseztatzea da horren helburua, eta “lege liskartsuen aurrean boto erabakigarria” izan nahi du.
Miguel Uribe senatariaren aurkako atentatuaren ustezko egile intelektuala atxilotu dute
"Hilketa saiakera, armak legez kanpo eramatea eta delituak egiteko adingabeak erabiltzea" egotzita atxilotu dute atentatuaren ustezko egile intelektuala.
Paristarrak eta turistak Sena ibaian bainatzen hasi dira berriro
Mende bat geroago, paristarrak eta turistak Sena ibaian bainatzen hasi dira, berriro, Eiffel dorretik gertu. Uztailaren 5a eta abuztuaren 31 bitartean izango da bertan bainatzeko aukera, eta hiru gune egokitu dituzte horretarako: hirigune historikoaren parean (udaletxe ondoan), mendebaldean Eiffel dorrera begira eta hego-ekialdean, Bercyn. Parisko Olinpiar Jokoak eta Paralinpiar Jokoak izan eta urtebetera heldu da albistea, duela urtebete, hainbat gorabeheraren ondorioz, uraren kalitatea zalantzan jarri ostean.
Uholdeek gutxienez 25 hildako eta dozenaka desagertu utzi dituzte Texasen
Guadalupe ibaiak gainez egin du, Texas erdigune-hegoaldean, eta 25 heriotzaz gain, ugari dira desagertutako pertsonak, neskentzako udaleko kristau batean parte hartzen ari ziren 23 adingabe tartean. Hondamendia handia da Bandera, Cope, Comal, Concho, Gillespie, Kendall, Kerr, Kimble, Llano, Mason, McCullouch, Menard, San Saba eta Tom Green eskualdeetan.