Zimbabweko Armadaren fakzio batek kolpe militarra eman du
Zimbabweko Armadaren fakzio batek herrialdearen kontrola hartu du, soldaduak eta tankeak kaleetan eta eraikin ofizialen aurrean hedatuta. Matxinoek ukatu egin dute Estatu kolpea eman izana, baina gutxienez hiru ministro eta Robert Mugabe presidentea atxilotuta dituzte.
Tankeak astearte iluntzean hedatu ziren, eta harrezkero nahastea da nagusi eta hainbat tiro eta eztanda entzun dira Harare hiriburuan. Une honetan ez dago argi Mugaberen eta haren familiaren egoera zein den. Matxinoek esan dute presidentea "ondo" dagoela, eta badirudi etxean dutela giltzapetuta. Grace emaztea non dagoen da beste zalantza bat. Iturri batzuek diote Namibiara ihes egin duela, baina beste batzuek, ordea, senarrarekin gatibu dagoela.
Nazioartea adi dago, eta zalantzak dira nagusi. Adibidez, Erresuma Batuak nabarmendu du ez duela garbi Mugabek aginteak jarraitzen duen hala kargutik kendu duten, eta eskualdeko herrialdeek gatazka modu baketsuan konpontzea eskatu dute.
Soldaduak, ZBC telebista publikoan. Argazkia: Reuters
Testuinguru honetan, Emmerson Mnangagwa presidente ohia herrialdera itzuli da, The Guardian egunkari britainiarrak jakinarazi duenez.
Hain justu, Grace Mugaberen eta Emmerson Mnangagwaren arteko lehia da krisiaren jatorria. Izan ere, presidenteak Mnangagwa kargugabetu zuen, eta askok uste dute hori egin zuela emaztea bere ondorengoa bihur dadin. Matxinoak presidenteorde ohiaren aldekoak dira.
Horrenbestez, kolpe militarraren atzea dagoena Robert Mugabe presidentearen ondorengotza da, 93 urte baititu dagoeneko.
Zimbabweko Armada, hiriburuko kaleetan. Argazkia: EFE
Armadaren fakzio bat Grace Mugaberen aldekoa da, eta, beste bat, Mnangagwaren aldekoa, eta presidenteordearen jarraitzaileek kolpe militarra eman dute, Estatu kolpea dela ukatu badute ere.
Agintean dagoen alderdia kolpearen alde agertu da: "Presidentea eta haren familia atxilotu egin dituzte, eta onik daude. Konstituzioaren eta herrialdearen onerako, hau beharrezkoa zen. Zimbabwe ez da Mugaberena ezta emaztearena ere. Gaur aro berria hasi da, eta Mnangagwa adiskideak lagundu egingo digu herrialdea hobea izan dadin".
Mugaberen aldeko hiritarrak, duela gutxi egindako argazki batean. Iturria: EFE
ZBC telebistaren hartzea
Zimbabweko Armadaren esanetan, "gaizkileen" aurka ari da Hararen, eta azpimarratu du ez dela Robert Mugabe presidentearen aurkako estatu kolpe militarrik izan. Bai bera, baita ber familia ere, "onik daude eta haien segurtasuna bermatuta dago", ziurtatu dutenez.
ZBC telebista publikoa hartu du Armadak eta, ordu batzuk beranduago, adierazpen bat zabaldu du soldadu batek. Horren arabera, "gizartearen sufrimendua eta sufrimendu ekonomikoa eragin duten gaizkileen aurka baino ez dute egin, Justiziaren aurrean erantzuteko".
"Gure misioa betetakoan, egoera normaltasunera itzultzea espero dugu", gaineratu du. Justiziari ere zuzendu zaio eta ziurtatu dio "zeregin independenteari" ekin diezaiokeela, eta ez dutela bere lana oztopatuko.
"Argi utzi nahi dugu Armadak ez duela Gobernua hartu. Zimbabweko Defentsa Indarrak kaltetutako egoera politikoa, soziala eta ekonomikoa bideratzea da; aurre egin ezean, baliteke indarkeriazko gatazka hastea", argudiatu du.
Hala, gaineratu segurtasun indarrei ere zuzendu zaie "herrialdearen onerako kooperatzea" eskatzeko. "Argi gera dadila segurtasunaren aurkako mehatxuei aurre egin nahi diegula. Edozein probokaziok neurrizko erantzuna izango du", ohartarazi du.
Armadak gaineratu duenez, "indibiduo horiek ZANU-PFren garbiketa zabaldu nahi dute". "Bidegabekeria horren aurka gaude, eta mundu guztia babestu nahi dugu horren aurrean".
Adierazpena zabaldu aurretik, ZBC telebista hartu du Armadak. Soldaduek kezkatzeko arrazoirik ez dutela esan diete langileei, instalazioak babesteko baino ez daudela ziurtatuta.
Zure interesekoa izan daiteke
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal baten aurrean gaudela diote kasua aztertu duten errelatoreek. Sexu-esklabotza, bortxazko desagertzea, tortura edota feminizidioa bezalako delituak egon direla erakusten duten gertakariak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.
Europa indartzeko eta AEBrekiko harremana bideratzeko deia egin du Merzek, potentzia handien garaian
Alemaniako kantzilerrak europarren aldeko deia egin du Municheko Segurtasun Konferentziaren (MSC) irekiera ekitaldian. 120 herrialdetako 200 estatuburu, gobernuburu eta ministro biltzen ditu hitzordu garrantzitsu horrek.
Bake Batzordeak ez du NBEko Segurtasun Kontseiluaren ebazpena islatzen, Kallasen ustez
Europar Batasunak Kanpo Politikarako duen goi-ordezkariak ohartarazi du NBEko Segurtasun Kontseiluak ez duela behar bezala funtzionatzen "legearen gainetik dauden herrialdeak daudelako".